❤️ تزوجت_ابنة_عرشي ❤️

42

42

كانت في بيتها ... طل من الشباك .. تستنى فيه يدخل ...باش تمشي تعملو مسرحية جديدة .. فماش ما تعلقو في شباكها .. أما وقت راتو دخل طول لدارو ملحقتش عليه ... رجعت لبيتها طل. وقت قابلتها بيت اريناس ... مكنتش عارفه أنو هذيكا بيتها ..
راتو وقت دخل .. وقعدو يحكيو .. .. كانت كل مرة تكبس على يدها اكثر الشر عاميلها..عينيها .. .
تستنى على جمر .. باش يتعاركو ... أما تصدمت وقت راتهم حاضنين بعض .. البوسة متاعهم خلات عينيها يتغمضو ... حست الدنيا دارت بيها .. رجعت على الفرش قطعتو الكل ... غمت راسها في لمخدة وصرخت باعلى صوت .... مستحيل تتقبل لخسارة ..
هزت رأسها تخطط شباش تعمل ..
هزت روحها للمراية .. طلقت شعرها ... و ضربت روحها بكفوف .. .. لين تجرح فمها .. قطعت روبتها من رقبتها .. و خبشت يديها .. و صدرها .. لطخت لكحل على عينيها .. رتبت بيتها .. خلات كان الفرش يبين أنها كانت راقدة فيه .. و نزلت بالشوي .. خرجت للحوش و تخبت .. وهي تاكل في ظفارها ..
هي تعرف العرش بلقدا .. تو كان تتهمو انو تعدى عليها ..اكيد بو اريناس باش يطلقها. والعرش يحتم عليه يا يعرس بسمرة يا يموت .
كانت تحت الطاقة تستنى فيه يطلع . تعرف انو يصلي لفجر في الجامع .. الشر لي في قلبها .. يهدم بيوت .. يمكن حقد ...يمكن مرض نفسي. او يمكن قلة تربية .. خلاتها تتمادى. .. .
أما ماكانتش شالقة بفيروز لي تبع فيها و راتها من وقت طلعت من البيت . استغربت من حالتها ...الشي لي خلاها تفيق يسر .. معاها ويراقبوها شقاعدة تعمل ..