❤️ تزوجت_ابنة_عرشي ❤️

12

12

خرجت نجمة من عندها ....مخليتها تخمم في كلامها ...تو لي صار صار ...و النديب مش باش يجيب حتى حل .... قامت بالشوي دخلت للدوش حلت الماء على راسها ... و غمضت عينيها ... تبكي بوجيعة ... بي كانت تحلم به الكل طلع كذب في كذب ... .. فرغت خاطرها و طلعت بالمنشفة ... لبست بيجامة متاعها ... و بدات تخمل في البيت نظفتها بلقدا ... ومشات للكوجينة طيبت قهوة ... شربتها فماش ما تتقوى شوي ليها ايام مهيش تاكل ... رجعت لبيتها لبست لبسة تقليدية. .. عملت مكياج درقت بيه زروقية وجها و رقبتها ... طلعت على الساعة لقاتها 7 متاع الصباح ...
هزت روحها و طلعت من دارها ... مشات في الحوش هذاك خطوة بخطوة ... تقولش عليها ماشية للموت تو ... يمكن تو وين فاقت على روحها و بحجم الغلطة لي عملتها ... هزت راسها لقات عمها نازل من الدروج .. استناتو لين نزل و باستو من راسو ...
صباح الخير عمي ...
سي علي: لا. تو انت بنتي باش تقلي بابا ..
هبطت راسها حاشمة من عملتها. .. علاش هكا ..علاش ظرتهم بعملتها ... في الوقت لي هم حاطينها فوق الراس ...
تبسم معاها عمها ... برى بنتي اعملي قهوة ... كيف ما نعرف قهوة ايدك عربي ثقيلة ..
باهي بابا ...
مشات للكوجينة عملت قهوة و حطت لفطور ... العادة تقول انو لعروس في صبوحيتها تحظر لفطور لكبار الدار ...
هزت الصينية و حطتها في طاولة الحوش وين كانو ملمومين الكل ...و فرحانين بيها ....و جها يتبسم و قلبها يبكي دم ... هما هكك و الباب تفتح. ..
سي علي: .. أسد ولدي ... ايجا ذوق فطور مرتك ..

حلقات الليلة ❤️ شتتوقعو اسد يعمل ..باش يفضحها ولا بأش يلم لحكاية ..