❤️ تزوجت_ابنة_عرشي ❤️

40

40

دق الباب عليها .... مسمعش صوتها ....زاد دق مفما حتى رد .. ترعب عليها ..لا تكون صارتلها حاجة ... فتح باب يلقاها قاعدة فوق السجادة تقرا مغمضة عينيها و تدعي في ربي .. . دخل و سكر الباب وراه ... قعد على حافة السرير يستنى فيها. . لين كملت ... قامت من السجادة ونحات ثوب الصلاة .. شعرها مسدول على كتافها لاحق لتحت داريارها .. حطت دبشها فوق الكرسي و قعدت مقابلتو .
أسد: نجمو نحكيو تو ..
اريناس: نسمع فيك ..
أسد: لي صار من قبيل صار فوق طاقتي ومكنتش عاملو حساب .. وانت فهمت الموضوع غالط ..
اريناس: أنا فهمت الموضوع كيف ما ريتو ..
أسد: مش كل شي نشوفوه أو نسمعوه صحيح ..
اريناس: أما أنا صدقت لي ريتو فيا.
أسد: لي ريتو فيك انت اعترفت بيه ... على كل نش موضوعنا ..
انت مرتي ..و من حقك نفسرلك لي صار ..
اريناس : كفاش مرتك ... مرتك لي طردها من بيت النوم .. أو مرتك لي موصيها تخدم في الدار وتشد بيتها قبل ما توصل انت بأش ما تراش وجها .. .
أسد: الاختلافات لي بينا مش من جيهتي برك . علقليلة أنا قاعد نحاول نفسرلك و نبررللك ..انت شعملت جيست قتلك اقلب وجهك انسحبت ..
اريناس: لانك لو كان حاجتك بيا .. كنت عطيتني فرصة انت حقك تحاسبني أما على غلطاتي .. بعد ما عرسنا مش قبل ..لانو قبل خويا محمد قام بالواجب .. وكليت نصيبي من الكف ..
أسد: أما أنا مضربتكش ... و متربيتش اني نهز يدي على مرا .
اريناس: يا ريتك تضرب يا ريتك تقتتلني . ولا تخزرلي بنظرة احتقار ..ولا تسمعني كلامك ... على كل . أحكي شنيا لي باش تحكيه .. الموضوع مش باش نحولوه ليا تو .
حس بوجيعتها من كلامها ... حسها قداش ضرها و وجعها .. كان ممكن انو يحكي معاها وتشرحلو كيف ما حاولت تشرح لمحمد ...أما اسد ما عطاهاش فرصة ... يمكن لو مد فرصة لعلاقتهم كانت تحسنت .. .
أسد: باهي باش نحكيلك لي صار ..