❤️ تزوجت_ابنة_عرشي ❤️

03

الحلقه 3
نزل من على الفرس و نزلها معاه .. .. تعدى هو لول للباب لي كان محلول ...وهز يدو لحافة الباب و دخلت للدار الجديدة من تحت جناحو .. الحوش كان معبي بالنساوين .. والزغاريط ... أما الرجال فعاملين ليهم سهرة برا ...
قربت ام أسد لالة ودعة منهم ... باسها من راسها و تبسم ليها ... أما هي هزت صحن فيه دهان مدتو لاريناس .. و نعتتلها لباب متاع دارها .. شدت الصحن وتمشات لجيهة دار ها هي و أسد و صوت الخلخال لي عزف على مسامعو .
وصلت للباب وغرست صوابعها في دهان .. جات باش تطبعو لفوق ملحقتش ... و قفت على طراتش صوابعها باش تلحق ...و تهز لحافها معاها وبان شطر من ساقيها لي يلمعو ... من غير ما يحس جرى غطاها بجهامتو ... عدى يدو على بطنها و هزها شوي ...
حست كورون سرى في بدنها .. يدها رزنت عليها منجمتش تهزها كان بالسيف ... مسحت الدهان تحت زغاريط النساوين و نزلها .. تلفتت ليه .. و بقاو هكك كان انفاسهم تتسمع .... ..
لين جات لالة ودعة ..
اسد وليدي تنجم تكشف وجه مرتك تو و تطلع .. للسهرة..
هزلها براسو .. و قرب يديه من لحافها .. شدو عليها و طلعو على وجها ...هي بيدها رخفت عليه لين طاح في لرض ..وعلات الفرحة والزغاريط مرة أخرى .. وعلات معاهم معالم الدهشة والصدمة على وجه اسد و اريناس .. لي كانت أول مرة يراو فيها بعض ..
انك تتعرف على انسان جديد في حياتك زي أما أنك تتعرف على راجلك رزينة شوي .