❤️ تزوجت_ابنة_عرشي ❤️

30

30

وصل لدار عمو ..دخل للحوش ... و كمل لباب الدار ... دق الباب ..شوي و فتحتلو هي ... كانت كيف النوارة ... لكحل لي في عينيها لي باش يهبلو و لوشام لي في ذقنها ... ..ريحتها لي شمها أول ما خرجها عروس .... و شفافها لي رجع لونهم زهري ... و تبسيمة على فمها .. من وقت عرسو أول مرة يشوفها تتبسم. ..
حلتلو الباب .. تفضل .. بابا و خواتي في الصالون يستنو فيك ..
أسد: شنية لي عملتو في وجهك .
اريناس: شعملت .. ؟؟
أسد: وينهو الحمام باش نغسل يديا ..
اريناس : ايجا معايا ..ناخذك لبيتي ..
أسد: مزالك تقول بيتي ...
اريناس : ماو في دارك معنديش بيت ولا نسيت ...
وصلتو للحمام وجات راجعة ..
اسد : استنى ..
تلفتت ليه مطلعة حاجبها .. شنية ..
قرب منها .. كل ما يقرب هي تبعد .. لين حصرها عند الحط عدى يديه على وجها ... و هي ترجف بين يديه .
اسد شتعمل .. مهيش دارنا هاذي ...
اسد: كيف تعرف مهيش دارك .. علاش تتزين .. هز المنشفة بللها و مسحلها وجها من كل شي ... خلاه صافي مفيه شي .. و هز الفولار لي على كتافها لملها بيها شعرها ....
ومشى هبط للصالون مخليها يابسة في بلاصتها مصدومة ..