❤️ تزوجت_ابنة_عرشي ❤️

05

الحلقه 5
تعدات هي لولة ولحق هوو وراها وسكر الباب ... وتو بالحق صارو تحت سقف واحد ..
مد يدو شعل الضوء ... و تحرك ... تلفت ليها ..مزالها واقفة في بقعتها.....بدا يفد من حالتها ..شبيها تقولش عليها في عزاء مش عرسها ...
أسد: البيت من هوني ... تنجم تبدل حوايجك ...
هزتلو راسها و دخلت وراه ...
وقفت ع مش منجمة تحبس... حطت يدها على فمها تحاول تكتم صوتها ..... مشات للدريسينغ لقات دبشها كيف ما جابوه من دارهم .... حلت فاليز و جبدت بيجاما ساتان بلون ... لبستها ... وقفت عند لمراية مسحت مكياجها الكل ... سيبت شعرها نزل على كتافها .. وقت سمعت صوت الماء قص. ..عرفت لي هو باش يطلع... جرات دخلت تحت الفرش وعملت روحها راقدة ..
جاء طالع من الدوش لابس شورت نوار كهو ...و من فوق عريان ... شعرو يقطر بالماء .. ..
يشوف فيها كفاش تتنفس تحت لغطاء ... تنفسها مش منتظم ...يعرف لي هي قاعدة تمثل .... هز حاجبو و قرب منها .... اكره شي عندو. .انو واحد يستغبيه ...
.. قرب منها باش يفيقها ... أما تصدم وقت شاف بقعة زرقاء صغيرة على حافة رقبتها ... حرك رأسه ينفض في الأفكار لي جات في مخو .... كبس على بونيتو لين عروقو بانت ... .
اسد: قوم نحكي معاك ..
اريناس: ........
أسد' قتلك قوك ...
تفجعت من عياطو ... قامت بالواقفة .... مفجوعة تفرك في صوابعها تطلع عليه ...
أسد: باش نسألك مرة وحدة ... منحبش نسمع إجابة غالطة ...باش تحكي لحقيقة .
هزتلو راسها بمعنى ايه ...
أسد: شنيا البقعة الزرقاء لي في رقبتك ؟؟.
شنيا حكاية لبكى والدموع لي من وقت هزبتك وأنت بيهم ..