❤️ تزوجت_ابنة_عرشي ❤️

41

41
أسد: باهي باش نحكيلك لي صار ...
ليوم بعد ما وصلتك ... دخلت للدار وأنت كنت شاهد ة انو مافي باليش بيها جات ... سمرة تكون بنت خالتي ... خالتي لي عايشة المدينة .... وقتها عرست بولد عرش آخر وهزها للمدينة ... طبعا تربات عل غير عاداتنا .... قد ما حاولت نتفادها كانت تلصق روحها فيا .. حكات معاها أمي و فهمتها أما شي ... خبرتها لي عدنا حرام مرا تتكشف علينا ...كيف نكون في دار ... شد بيتك ... أما شي ..
لبارح .. وقت دخلت ... سمعت صوتها . في الأول فكرتها أختي يسر ... . أما طلعتلي هي في وجهي .. بدات تبكي وتنوح .. تلوم فيا اني عرست .. كانت .. حاطة أمل اني باش نعرس بيها ... هكا مخها صورلها ... بدات تعارك ..وقت ما حبتش تخرج ..تلفتت باش نرجع نخرج ليكم و نبعثلها أمي ..
خي لقيتها هزت سكينة تحب تقتل روحها ... .. بقات تهدد فيا كان ..ما نطلقكش وناخذها باش تقتل روحها ... .
حاولت نفهمها بلعقل ...انو أنا مستحيل نطلقك . وانو صايي تو أنا معرس ...و حتى لو مكنتش معرس مكنتش باش ناخذها ... أما هي كأنها في دنيا اخرى مش قاعدة تسمع فيا بالكل .. وقت ريتها بدات تضغط على السكينة .. . تلحت نحيتهالها .. من يدها ياخي لصقت فيا تعنق ...وقتها انت دخلت ولي بعدو انت تعرفو ..
اريناس: يعني مش انت لي عينك فيها تعنق وتبوس ..
تبسم على جنب .. علاش لا تكون غرت ..
هزت عينيها فيه لو كانت نظرتها رصاصة راهي قتلتو ..
اريناس: نظن الموضوع فهمتني فيه تنجم تخرج نحب نرتاح ..
عملت روحها تنفض في فرشها .. و هو سحبها من يدها جابها في حضنو. لز عليها لصدرو و غرس خشمو في شعرها ... بعدت رأسها مستغربة منو .. ش.. شتعمل ؟؟؟.
ششششش .. طلع في عينيها و نزل على شفافها يبوس. كانت بوسة طويلة مختلطة بين الصدمة الفرحة الخوف والحب .. الزعف و الوحش ... لثنين كانت أول تجربة ليهم ...لثنين كانت أول بوسة تجمعهم في لحلال .. لثنين كانت اول مره يعيشو هالشعور لجديد ..
ما بعد عليها غير وقت حس انو نفس تقطع عليهم .. حط راسو على جبهتها .. صوت انفاسهم طالع . ترجف بين يديه ..أما هو فحس روحو ملك الدنيا .. قداش كان معمي خلا عقائدو الشرقيه تتحكم فيه ..
اريناس: .. ش..شعملت أسد ..
أسد: ما عملت شي ..بست مرتي كهو
اريناس: اما انت .. متحبنيش .. انت بعدتني عليك .
أسد: شششس .. لي صار أنساه وتو احسب من ليوم عرسنا صفحة جديدة و حيات جديده...
اريناس : متأكد !؟؟.
اسد... تبسم معاها وشدها من يدها .. للفرش . تسطح و لزها ليه .. حملها .. كانت متكية على صدرو توترها باين ... يعدي في يدو على خدها .. اششش .. ارقد ارتاح تو ...و غدوة نحكيو .
غمضت عينيها و رقدو ثنيناتهم ... و كانت أول خطوة في علاقة الزواج التقليدي .