‎امــرأة الرجـــل الشــــرقي (باللـــهجـة الجـــزائريـــة)

01

امرأة الرجل الشرقي ❤️1

الحكاية بدات كامل من هاداك السبيطار اللي البطلة تعنا كانت فيه ماشي خاطر مريضة دخلت كمغامرة حبت تجرب واش كي تكون في سبيطار مي ندمت على نهار اللي قررت دير مغامرة هادي اللي قلبت لها حياتها
ناضت لينا 8 وقت المحدد باش تنوض وكشخص اللي يحب رقاد صعيبة صح بنات ،فاقت ماشي مليحة كيما كل نهار بسك ماحبتش تكون فهاد سبيطار راحت دوشت غسلت سنانها وبدا اليوم تاعها اللي هو عبارة عن ديڤوتاج بنات كامل يديروا حاجة يهدروا يلونوا الا هي شادة بلاستها لأن تشوف شغالات اللي يديرو فيهم تع دراري صغار تلوين لا هي عقلها كبير على عمرها قلتلكم مختلفة على بنات
علابالي مافهمتو والو لينا طفلة جزائرية بجنسية ايطالية 19 سنة ولدت فالجزائر وانتقلت تعيش في ايطالية هيا مختلفة على باقي البنات فيها حاجة سبيسيال واللي خلاها تكون مميزة طفلة عاقلة ماتحبش تهدر بزاف ماتحبش تخرج السبب اللي خلا السبيطار يخليها تم بالنسبة ليهم عزلة مرض نفسي وخاصة بأروبا تحب مطر وجو غايم برد خاطيها ذاك تمسخير واصحاب السوء الشي هادا اللي يخلي ناس تشوف جيهتها
فات اليوم كيما عادة لحقت 5تع عشية حلو ممرضين باش يخرجوهم بس يمشوا شويا هوما يمشوا كانت تفكر كيفاش راح تخلاص عليها وش مصير تاعها وخايفة اذا تقعد تم بزاف كاين بنات معاها عندهم 6اشهر تم وهيا محال تقعد كامل وقت هاداك تم
دارو شويا استمتعو بالهواء شمس تغرب كان منظر شباب بزااف بصح ماشي للينا اللي ماتحبش وقت المغرب
كي وصلو كل واحد شد بلاصة هيا دخلت شمبرتها اللي مشاركاها مع وحدة اللي يوم راحت شافت دارهم
(بالايطالية )
- لينا :جيتي جازت مليح لاجورني تاعك
- ناتاليا:وي تعرفي راني فرحانة علابالك علاه
- لينا :علاه
- نتاليا: كونت الاز فدار هاديك وتقربت من خويا عنقتو جامي عنقتو والله راني فرحانة
نتاليا عنقت لينا فرحت لفرحتها لحق وقت العشاء عيطولهم كل واحد شد بلاصة لينا ماحبتش تاكل مي لازم بسك ماكلة هاديك ماشي ماكلة توحشت ماكلة يماها ماكاش كيما شوربة بالفريك  ،فطابلة كامل يضحكوا دايرين جو هيا برك تسمع كي كملوا هم قانون تم كل واحد يغسل اللي كلا فيهم
وعندهم ساعة برك بتيليفون ديالهم و الشي هادا اللي مايعجبش جيل المراهقين مي واش يدير ميت في يد غسالو
ساعة فاتت برمشة عين الرقاد بكري هو اللي تكرهه لينا مي لازم غدوا ثاني لازمها تفيق بكري.
؟؟ بوف :
كي العادة ناض شويا سبور دوش لبس باش يروح لخدمتو ويجوز لسبيطار تكل على ربي رفد تيليفونو بورتفاي ومفتاح طونوبيل وراح للخدمة فات كي العادة خدمة وصلت 16:30 تما لقى الياس اللي هو من اعز اصدقاء وخوه اللي ماجابتوش يماه اللي ترباو كيف كيف حاجة ماتخفى بيناتهم
الياس جاي بيض طويل سبورتيف شعر رطب كحل عينيه زرق يحب يضحك يتمسخر بصح اذا غضب اهرب

دخل بيرو بلا مايطبطب

- الياس: ماتعرفش طبطب واقيل اذا حبيت نعلمك
- ؟؟ :بففف بلع بلع رب فمك علاه جبتني هنا وقت هادا
- الياس:علاه لازم نسحقك باش نعيطلك لالا حبيت نشوفك هادا ماكان توحشتك حبي ماتوحشتنيش مالا علاه عقدت عليا 
- ؟؟:بديت ثاني دراما تاعك و شقيتني كامل باش تقولي نشوفك لوكان ماجيتش خويا تشوف ؟؟ تاع صاح المهم غدوا ارواح لشركة نسحقك صاحا
- الياس: صحا ماتزعفش برك و طلقني
- ؟؟ :ايه أبري باي
علاقة بيناتهم صعيب تلقاها وقتنا هادا
ركب وقرر يولي ديراكت للدار عيط للسكريتارية تاعو تلغي كامل واش بقالو نهار وصل لدارو اللي عيب نقولو عليها دار قصر بمعنى اخرى
شباب تاعنا ادم الحمداني:
جزائري بجنسية فرنسية وايطالية 29 سنة عاش حياتو بين ايطاليا وفرنسا لكن هادا مايعنيش انوا مايحكيه عربية
ادم والديه ماتو بحادث كي كان عمرو 10 سنين وجداتو هي اللي دات الحضانة عليه ولات المسؤولة سافرو لإيطاليا عاش مع جداتو صح جداتو حباتو وعطاتو الحنان الكامل بصح كان يفتقد هاداك الحنان ،حنان الام كي وصل للسن القانوني جداتو رجعت للجزاير كبرت واذا جاتها موت تموت في بلادها وهو قعد فطليان و قرر يأسس روحو وطور من نفسو حتى رجع من اشهر 10 رجال اعمال بإيطالية وبأوروبا .
كي وصل ادم دخل يدوش كي كمل شاف روحو فالمرايا وقال
- ادم : زعما يجي نهار اللي نلقى اللي يحبني كيما انا بنات الوقت هادا هامهم غير الدراهم و **** حط يدو على قلبو ولا جامد ضل يشوف في انعكاسو بنظرات فارغة فيقو تيليفون يصوني لقى جداتو

- ادم : اهلا بالغالية
- حورية :اهلا بسلطان الزين كي راك
- ادم : راني مليح اونتي مليحة راكي تشربي دواك
- حورية : ماتخافش راني مليحة ودوايا ثاني توحشتك برك يهديكش ربي تحبط لبلادك، أدم علابالي راك كبير بصح يدي اللي رباتك وراح تقعد صغير بالنسبة ليا...
- ادم : لغالية .... نهار نقرر نحبط انا نحبط حتى تلقايني قدامك صحا
- حورية : ماعليش صحا ا ادم صحا فيك
- ادم : يا بو زينو اللي تغشش ههه لغالية ماتقلقيش مني نهار نكون مستعد انا نجي
- حورية : داكور لازم نكوبي وقت رقاد كول مليح والبس مليح برد دير بالك على روحك
- ادم : ماتقلقيش واشربي دواك في وقتو صحا
- حورية : صحا تصبح على خير
- ادم : تصبحي بخير الغالية

بدل لبس تيشرت كحل سروال قطني ڤري نزل للكوزينة
(وحاجة مهمة على ادم ظباخ ماهر يسعدها لالة ....ههه )
قرر يطيب باستا جبد اللي يلاق وطيبها شاف ساعة 22 :00 كلا غسل الصوالح اللي استعمل طلع لشمبرتو يكمل الشغل تاعو وطبعاً بدون نسيان كاس من ويسكي قدامو
كي كمل ترمى على فراشو بصح راح يستناه غدوا غير ربي اللي علابالو ....

•
•

•
•

سلام لبنات نشاء الله تكون عجبتكم اول حلقة انا كاتبة جديدة وصراحة معجزة اني كتبت لإن جامي اول مرة ، عندي افكار بصح مانعرفش نعبر مهم اذا عجباتكم بداية متنساوش ڤوت واذا عندكم اي حاجة تقولها اكتبوا 💕...