Heart Of Bullets ( Mafia Series 4)

Chapter 12

"Huh?  Sino?" hindi ko pa kailanman nakitang may lalaki na dumalaw dito. At sino naman iyon?

Binuksan ko ang pine apple juice at binuhos iyon sa dalawang baso.

"Si  Dan Geigo. Ang guwapo nun. Noong bata ko pa iyon kilala." ngumuso siya at kinagat ang labi. "Parang gusto ko nalang nga umuwi sa amin."

Natahimik ako at nagambala. "Melissa, b-baka mapahamak si tatay? Di'ba siya ang-"

"Ako ang bahala kung sakali Addelyn. Wala kayo magiging problema. I missed my dad so much too. Teka nga lang...ano ba ang pakealam mo? Binibigyan ko ng pera ang tatay mo Addelyn para mabuhay kayo kaya manahimik ka."

Kinuyom ko ang aking kamay sa hawak na kutsara. Nakita iyon ni Melissa.

"Lalabanan mo ako Addelyn? Kaya mo ba ako? Hindi mo kilala kung sino ako."

"Huwag mo lang ilagay sa kapahamakan si tatay Melissa at maayos tayo."

Nagtitigan kaming dalawa ngunit ako ang unang nagbawi ng tingin.

Sinundo ako ni tatay nang maghapon. Nagtagal si tatay sa loob at nagpupuyos siya sa galit ng lumabas ng mansyon. Inayos ko ang aking seatbelt at lumagapak ang pintuan ng sasakyan ng pumasok si tatay.

"Anong ginawa mo kay Melissa , Addelyn? Alam mo naman na kawawa ang dalagang iyon! Iyak ng iyak dahil minumura mo daw siya!"

Umawang ang labi ko. "Ano? Hindi ko naman siya inano ah! Maayos kami kanina tay-"

Dinuro ako ni tatay. "Ikaw na bata ka. Hindi ako makakabayad ng utang natin kung hindi niya ako binigyan ng pera! Kaya kahit mapahamak ako ay ayos lang! Baka gusto mong hindi ko bayaran mo ang tuition mo?"

"Tay... N-Nagsasabi ako ng totoo."

Tanging iyon lang ang nasabi ko dahil sa bigla. Hindi ako makapaniwala na ganito ang turing sakin ni tatay dahil kay Melissa.

Tahimik kami sa biyahe pauwi. Bukas ay lunes na kaya maghahanda narin ako para sa exam namin.

Nasa kusina na kami. Parang makakarinig ako ng kuliglig sa sobrang tahimik ni nanay. Si tatay naman ay pinaparamdaman ang modo ni nanay.

"Nay, ako na po dito. Magpahinga napo kayo. Ang ubo niyo po lumalala na."

Huminto siya kakapunas sa mesa. Si tatay ay nasa kuwarto na.

"Iyon na nga Addelyn, hindi ako binibigyan ng  tatay mo pambili ng gamot. Kailangan ko na yata talagang maghanap ng bagong trabaho."

Nangunot ang aking noo. "Po? E..." gusto kong sabihin na maraming pera si tatay ngunit alam ko na maraming itatanong si nanay.

Kinakain na ako ng konsensya.

"Anak, sabihin mo nga sakin." hinawakan ni nanay ang braso ko. Napalunok ako. "May...may napapansin ka ba kay tatay mo? Lagi kayong umaalis diba? May...may babae ba siya?"

Halos hindi ako makatingin kay nanay. "Nay... wala po. W-Wala po."

Nanghihinang binitawan ni nanay ang kamay ko. Nasasaktan ako. Nakokonsensya.

Lutang akong naghugas ng pinggan. Biglang tumunog ang aking cellphone at kumalabog ang puso ko dahil si Felix ang nagtext.

I'm outside.

Basa ko sa text niya. Bumuga ako ng hangin. Pilit na pinapakalma ang sarili. Ang dibdib ko sobra sobra rin ang kabog. Ang sistema ko ay kakaiba...sa tuwing nandiyan siya ay kinakabahan ako at nanlalamig. O baka dahil lang siya ang first kiss ko? Oo , guwapo siya at maskulado...pero hindi puwede na maging kami.

Pinilig ko ang ulo. Hindi nga pala mahilig sa relasyon ang isang iyon.

Tinapos ko ang paghuhugas ng pinggan bago lumabas. Hindi ako nag gawa ng ingay lalo na at baka makita ako nila nanay.

Nakalabas na ako ng bahay ng matanto na hindi man lang ako nag ayos. Hay! Bahala na! Baka sandali lang naman siya.

Umaambon pa ng konti ng lumabas ako sa sira naming gate at nakitang nakapark mismo ang tonto sa tapat ng bahay!

Umilaw iyon ng mamataan niya ako. Gigil akong pumasok sa kotse niya at handa na siyang singhalan ng hilahin niya ang aking batok at halikan ako sa paraang mabagal pero may diin.

He sucked and sipped my lower lip bago laliman ang aming halikan. Ang aking kamay ay nakahawak na nang mahigpit sa kanyang....tuxedo?

Nakatux siya!

"F-Felix.." aking ungol at bumaba ang kanyang halik sa aking leeg. Nananabik ang kanyang mga halik sa akin.

Nagmumura siya bago niya ako pinakawalan. Inayos niya ang aking buhok na nagkalat. Kumalabog ng husto ang puso ko.

"Lets go somewhere." bulong niya at nagpatak ulit ng halik sa akin. Ang aking hita na nakabahagi ay aking pinagtabi. Humihingal akong humilig sa sandalan habang nakatingin parin siya sakin.

Halos hindi na ako makahinga lalo na ngayong naka formal attire siya. Saan ba ito galing?

"O-Okay..s-saan?"

"Hotel..." nagseryoso siya bigla at kinagat ang labi. Ang nag aapoy niyang titig kanina ay naging galit.
"Stay away from Armando Montediajo , Addelyn. Akin ka."

Halos mawalan ako ng hininga. Hindi na ako nagtataka kung bakit niya alam.