عصفورة جرف (نساء من فولاذ)

تكملة البارت ال٢٣

🔅عصفورة جرف 🔅
🔆الكاتبة: فاطمة علي 🔆
تكملة ال٢٣

فيروزة : رفعت راسي عليه هو حيل طويل وضخم ، بصدمه انت عباس ، باوعلي وهو يضحك ..

عباس : وانتي فيروزة بت عمي فقار ..

فيروزة : اي اني، صفن بوجهي ، عيونه يلمعن ، اخذت نفس ونزلت راسي ،
عفته ورحت وكفت يم ماسه ، هو ضل يباوع عليه ، اجه شاب وضل يباوع علينه ، سحبه عباس وراحو يحجون ، وضحكون ، طلعت امي من الفندق ..

نبراس : وين اخوج صالح ..
فيروزة : هذاك ، شنو راح نرجع ..

نبراس : لعد تردون نبات هنا بنص الشارع ، يله خل نفرش ..

فيروزة : ههههه لايمه موقصدي، انتبهت على ام احمد تنتر برحمة وترزل بيها ، حيل ضجت على اختي والله متستاهل هيج ناس ابد ، نزلت ورحت الرحمه ، شبيها هاي وياج ..

رحمه : يمعوده شعليه بيها الخاطر احمد ساكته ، يله روحي لا امي تخبص الدنيا عليكم ..

فيروزة : الحمدلله زوجج يحبج وشفته شلون مداريج لا بالحسين موتها يصير على ايدي هل عجوز ، صعدنه بسيارة صالح ، عيني ضلت على عباس بس اختفى بين العالم ، رجعنه للبيت تعبانين ، انتهينه من التعب ، كرار رجع لديالى ، يمه شعجب عمه هاجر مأجت ..

نبراس : بتها زمردة جايبه وضلت داري بيها ..
فيروزة : اممم ، زمردة شايفتها مره وحده بعرسها ، حلوه ومرتبه ..

نبراس : هو انتن حفيدات الحجي عبد الرضا الله يرحمه ياهي مو حلوه بيجن ، والله لو تشوفين بنات عمج عامر تكولين هيج لؤلؤ، يلمعن من الجمال ، بس عيبهن ابوهم عامر ..

فيروزة : هن شسمهن ..؟
نبراس : بس رسل وجواهر ، ثنين بنات الباقين اربع ولد ، وجعفر ، اااوووف ياجعفر ، شكد اتمنى اسمع اخباره ، فد مره كطع بينا ..

فيروزة : جعفر منو ..؟
نبراس : جعفر قصته قصه يمه ، عمج لكا بالطريق طفل بالگماط ، وكبر على ايدهم ، عامر دكايكه هواي لاتعد ولا تحصى ، دخل بمشروع وخسر فلوسه كلهن ، وتالي صارت مشكله اشهر يله انحلت راد يروح ابوج بيها ، جابو فصليه وفلوس ، وهل فصليه اوف ياهديله ..

الماسه : اي يمه كملي ، شصار بيها ..

نبراس : خدامه جوه ايد بيبيتجن ، شفتنها خوب شكد قويه بعدها بحيلها الحد هسه ،
المهم تعذبت عذاب مصاير ، جعفر حبها ورادها ، كوم عامر واخطفها شلون موافقت بي ورادت جعفر ، هو فضح الاول والتالي على ابو جعفر ابن حرام ومو من ولدنا ، الى ان تزوجو هديل وجعفر ، وصار عدهم بنيه ولد ، وبليله ظلمه اعبر ياعامر واغتصب هديل كومي ورى كم يوم من اكتشفو الموضوع اصعدي للسطح واحرگري روحج وذبيها من الطابق الرابع ..