عشقت زعيم مافيا⁦♥️⁩ (جزء أول + جزء ثاني) مكتملة (تم تعديلها)

الغيرة وعمايلها 😂🔥♥️

(وحشتوني ووحشتو عيوني 😂♥️ رجعتلكم ببارت جديد أهو ويارب يعجبكم بقى 😂 ياريت ألاقي بقى تفاعل وكومنتات وتصويت كتير وإلا مش هكتب)

{ولولا الهوى ما ذل في الأرض عاشق
ولكن عزيز العاشقين ذليل}

©©في مكتب أسد الألفي الخاص به ...
#عاد أسد إلى مكتبه ليتفاجأ بوجود زوجته المجنونة سهيلة جالسة على مكتبه وتنظر إلى إليه بمكر شديد وابتسامة خبيثة فابتسم هو بخفة وتيقن من سبب وجودها في شركته وتحديدا مكتبه وأغلق خلفه باب المكتب وإتجه إليها بخطواته الواثقة ...
أسد بابتسامة وجلس على كرسيه :- نورتي الشركة يا نور عيني ممكن أعرف بقى سر الزيارة الحلوة دي .
سهيلة بابتسامة باردة :- وحشتني ياروحي ف قولت بقى آجي أطمن عليك بنفسي وأشوفك علشان عايزة أعرف مين الستات دي إللي إتجرأت وعاكست الأسد أبقى أنا كده غلطانة لا سمح الله .
أسد وهو يجاهد لكتم ضحكته وقال بجدية :- إنتي هتصدقي كلام بناتك وأحفادك يا لوليتا ولا إيه دول بيهزروا معاكي ياقلبي ومتعمليش عقلك بعقلهم .
سهيلة بغيظ ونظرت إليه بقوة :- وحياة خالتك يابن الألفي وأنا هعمل عقلي بعقلهم وأعرف مين دي إللي عايزة فقع عيونها علشان بتتفرج عليك وتعاكس فيك وأنت متجوز وعندك أورطة عيال وأحفاد وبعدين أنا أعتقد إني آجي هنا براحتي وأتطمن على ولادي كمان وأحفادي ولا أنت عندك إعتراض ياروحي .
أسد بنفي وابتسامة :- لأ لأ طبعا ياقلبي إنتي مُرحب بيكي تيجي الشركة وتنوريها ف أي وقت تحبيه وأنا مبسوط جدا إنك خرجتي من القصر وأخيرا وجيتي هنا وتغيري جو شوية وتقعدي معايا .
سهيلة بابتسامة ونظرت بعيدا عنه :- تسلملي يارب يا دودي قولي بقى عندك كام إجتماع النهاردة .
أسد برفعة حاجب وتساؤل :- إشمعنى يعني بتسألي السؤال ده يا لوليتا وإنتي مش بتتدخلي ف شغلي أو بتحاولي تعرفي أي حاجة عنه كمان .
سهيلة بضيق :- خلاص أنا آسفة إني إتدخلت وسألت من الأول وهروح مكتب زين إبني وهقعد عنده لأن واضح إن حضرتك مشغول وعندك مواعيد كتيرة بعد إذن حضرتك يا أسد باشا .
أسد بابتسامة خفيفة :- طيب خلاص متزعليش مني أنا كنت بهزر معاكي وبعدين أنا عندي إجتماع دلوقت ممكن متطلعيش صوت لغاية ما أخلص .
سهيلة بغيظ ورفعة حاجب :- وده ليه بقى يا حضرة الناظر أقعد ساكتة هو الاجتماع ده مهم للدرجادي .
=كاد أن يرد عليها أسد ولكن قاطعه دخول سيدة ما إلى مكتبه وهي ترتدي فستان قصير باللون الأبيض وتطلق شعرها الأسود للعنان وكانت جميلة فنظرت إليها سهيلة بصدمة وعيون متسعة على آخرها ...
ڤيلدان بابتسامة :- صباح الخير يا أسد باشا آسفة لو تأخرت على موعد الاجتماع الخاص بتاعنا بس كنت بوصل بنتي الصغيرة للمدرسة .
أسد وهو ينظر تجاه زوجته بقلق :- احم ولايهمك يا ڤيلدان هانم إتفضلي أقعدي ونبدأ إجتماعنا .
سهيلة بهمس مصدوم :- يلعن أبو شكلك ده إنتي إيه صاروخ أرض جو عبوووجمالك الفتان يالهوتي على منظري شبه أم چلامبو جنبها والنيعمة .
ڤيلدان بجدية :- تمام يا أسد باشا أعتقد حضرتك عارف سبب زيارتي والإجتماع ده وبلغتك قبل كده إني بعمل تصفية لشركاتي علشان ناوية أهاجر تركيا أنا وبنتي وجوزي الأسبوع الجاي وإضطريت أوافق على الرقم إللي هبيعهم ليك بيه وعلشان كده جيت أخد الشيك وأمضيلك على عقود البيع قبل ما أكمل باقي إجراءات السفر لتركيا فـا ممكن العقود .
أسد بابتسامة وأخرج العقود من مكتبه :- ولايهمك يا ڤيلدان هانم والعقود أهي تقدري توقعي عليها زي ما تحبي وتستلمي الشيك وإمضائي عليه .
ڤيلدان بانتباه لوجود سهيلة :- اوه أنا آسفة أوي هي الآنسة تبقى المساعدة الخاصة بيك ولا بنتك .
سهيلة سبقت زوجها بالرد وقالت بغيرة وغيظ :- لأ يا حبيبتي مراته حبيبته وأم عياله الأربعة وقريب بإذن الله هجيب الخامس كمان للأسد يعني أنا مش آنسة ولا مساعدته الشخصية بس بنته .
أسد نظر إلى زوجته بابتسامة :- المدام تبقى مراتي سهيلة الألفي بنتي البكرية وحبيبتي وأم عيالي وهي كمان جدة أحفادي ومليش غيرها ف دنيتي .
ڤيلدان أومأت بخفة وابتسامة جميلة :- ااااه تمام يا أسد باشا ربنا يخليكم لبعض دايما ويحميكم تشرفت بمعرفتك يا مدام سهيلة جدا ومعلشي بقى أنا يدوب ألحق أمشي علشان موعد الطيارة أستأذن أنا بقى .
سهيلة بابتسامة صفراء وغيرة :- ميرسي لزوقك يا مدام بتشنجان وعن إذنكم أنا داخلة جوا ولما تخلص شغلك يا دودي تعالى ورايا اوك .
أسد بإحراج بعد رحيل زوجته وتوعد لها :- احم أنا بجد متأسف لحضرتك يا ڤيلدان هانم أصل مراتي من زمان وهي يعني بتغير عليا وكده وأعتقد يعني إن حضرتك عارفة كلامي بس بجد بكرر إعتذاري ده ليكي مرة تانية وأتمنى تقبليه ومتزعليش .
ڤيلدان بابتسامة وهزت رأسها نافية :- مفيش حاجة تستاهل إعتذارك يا أسد باشا وأنا قبلته كمان وطبعا واضح أوي إن المدام بتعشقك علشان كده مش قابلة وجودي وغيرانة بس ده شغل وأنا مسافرة ومفيش حاجة يعني حصلت تخليني أزعل منها .
#أومأ لها أسد مبتسما بلطف وظل ينظر إلى الغرفة ويتوعد لزوجته على معاقبتها لما فعلته وقامت هي بإحراجه أمام السيدة ڤيلدان .. أما زوجته تنظر إليه من خلال زجاج الغرفة الداخلي وغاضبة للغاية وتغار عليه بشدة من وجود إمرأة أخرى جالسة أمامه .. بعد دقيقتين رحلت ڤيلدان من مكتب أسد وقبل أن يقرر النهوض من مكانه دخلت فتاة أخرى جميلة للغاية لها شعر غجري وطويل أشقر وعيون متسعة زرقاء إلى مكتبه وقامت بمصافحته وتقبيله .. فنظرت هي إليها سهيلة بأعين متسعة من هول الصدمة التي سيطرت عليها وفورة الغضب التي إجتاحتها ثم خرجت لهم من الغرفة وهي تنوي قتل الفتاة بسكين صغير ...
ميار بابتسامة خفيفة :- وحشتني أوي يا أسد قولي بقى مش بتسأل عني ليه ونسيت وجودي خالص كأن متعرفش واحدة إسمها ميار وعلى علاقة بيها .
أسد بتوتر ونظر إلى الغرفة :- مشاغل يا ميار وقولت مليون مرة بطلي طريقتك دي علشان لو عرف أبوكي هتندمي وبلاش تلعبي معايا اوك .
سهيلة بصدمة وأعين متسعة :- يااااااا نهاااارررككك المطييينننن بتحضني جوزي حبيبي وقرة عيني وأبو عيالي وبتبوسيه كمان ده أنا هشيل بوقك ده وهحطه ف عينك وهشرب من دمك الوسخ دلوقتي حالا أما أنت بقى يا أسد صبرك عليا .
ميار ولم تنتبه لوجود سهيلة خلفها :- ليه بس كده يا أسد وأنت عارف إني بحبك والله وراضية أكون حتى عشيقتك وأنت متجوز مراتك وعندك أولاد كتير بس برضو أنا بحبك وعايزة أكون معاك لوحدي .
سهيلة وهي تضع السكين على رقبتها بغضب :- نعمم يارووحمك إنتي بتقولي إييييه لجوووزيي يابنتالكلب يا معفنة يا مبقعة يا صفراء وربنا لأقتلك وأشرب من دم إللي خلفوكي ده أنا مجنونة وهربت مني بقى أنا هموتك وهعرفك إزاي تتجرأي تبصي على حاجة مش ليكي ولا هتكون ليكي يابنتالكلب يا واطشية ده إنتي جريئة أوي علشان تتغزلي وتترمي ع جوزي وفاكرة إنه هيبص لحتة بت كلها سيلكون ونفخ وشد يومك أسود من قرن الخروووب النهااااردة .
ميار بصراخ وخوف :- عااااااااااا ياااااا ماااامييي دي هتموتني يا أسد إلحقها بسرعة والنبي أنا مش عايزة أموت صغيرة عااااااااا إلحقققوووناااااااايييي .
أسد بصدمة وركض تجاه زوجته :- بتعملي إيه يابت المجانين هتموتي البنت بالسكينة أبوس إيدك إعقلي يا سهيلة وبلاش جنان الروايات ده إللي لحس مخك وهتقتلي البنت وبعدين إنتي عارفة إنها متقدرش ع أسدك وتاخده منك طول ما هو عايش .
زين وفريدة ونورسين ومروان وهم يدخلون عليهم بفزع وقلق :- إيييه إللي حصل فييييه إييييه لأ لأ لأ يالهووييي بتعمليييي إيييييه يااااا لوليييتااااا .
سهيلة بغضب وصرخت فيهم :- إبعددووواااا عنيييي أنا مجنووونة وهموووتهاااااا بنتالكلب دي إللي بتقول على جوزي عشيق ليها وحبيب ليها كمان ده يوم إللي جابوها إسود ومهبب على دماغها .
أسد بخوف على زوجته ويحاول الإمساك بها :- قلبي يا لوليتا وحياتي وغلاوتي عندك متتهوريش والله أنا عمري ما أفكر أبص ليها ولا لغيرها علشان أنا بعشقك إنتي ومليش غيرك إنتي و ولادنا وأحفادنا كمان يلا سيبي السكينة وأنا هتصرف معاها وهكلم أبوها بس تعالي ف حضني وإرمي السكينة .
فريدة وهي تقترب منها بحذر وتبتسم لها :- لوليتاااا لولي إنتي مش فكراني ولا إيه أنا فيرو صاحبة نوري وجيت أشتغل هنا عند أونكل أسد بقولك إيه صحيح ده أنت ناوية أعمل حبة مقالب ف إبنك إنما إيه عنب ع الآخر والله وهطلعهم من عينيه علشان خاطر أسد باشا لأنو بيغير عليكي جداً من زين مش كده .
زين بإيماءة سريعة وخوف على والدته :- أه أه والله يا ماما دي ناوية تجنني وتعمل فيا مقالب وأتاريها دي جاية تنتقم للأسد علشان أنا بعاكس فيكي يلا يا روحي وحياتي عندك سيبي السكينة والبنت دي أنا إللي هتصرف معاها ومع أبوها والله .
سهيلة ببكاء وألقت السكين بالأرض :- محدش يقدر ياخد أسد مني ويبعدوا عني وكفاية أنا إتعذبت كتير ف كل مرة بنبعد عن بعض فيها ومقبلش أي واحدة تيجي تتكلم بالطريقة دي مع جوزي علشان ساعتها أنا هتقلب لواحدة متوحشة وهموتها أنا وبإيديا .
أسد ضمها لحضنه بقوة وقبّل رأسها بعشق :- علشان خاطري متعيطيش ياعمري وحقك عليا أنا وع راسي وكفاية عليا بشوف حبك وعشقك وغيرتك عليا دول ف عيونك الحلوين إللي بعشقهم وخطفوا قلبي من اللحظة إللي شوفتك فيها وإحنا مراهقين وحياتي أنا عندك متزعليش مني أنا ومتبكيش تاني .
فريدة بغضب وأمسكت بشعر ميار :- والكتكوتة بقى مين ده بقى إللي قالها إن اللعب مع الأكبر منها نهايته حلوة وهتعرف تكسب منه كل إللي عينها عليه علشان أخلي ليلة إللي خلفوه سودة ومطينة ومهببة بزفت ع دماغه ياروح أمك هـااا إيه إللي جابك هنا ومين إللي خططلك وإنتي سيادتك نفذتي علشانه بقى .
ميار ببكاء وخوف :- والله محدش بعتني أنا أنا إللي جيت برجلي هنا وعملت كده علشان أنا كنت غيرانة عليه من مراته وكنت عايزة أخده منها وأخليه يبقى معايا أنا لكن أنا غلطت لما عملت كده اااه بلييز سيبي شعري هيتقطع ف إيدك ااااه اااه .
زين بهلع ووقف خلف فريدة ليبعدها عن الفتاة :- لأ أبوس إيدك مش وقت تهور وجنان البنات التركية ده بتاع المسلسلات الصيفية وخصوصا البت أدا بتاعت مسلسل لعبة حظ وناوية تخلعي شعرها وكمان البت الموزة اسراء إللي ف مسلسل حب منطق إنتقام اوك ف إعقلي كده أبوس إيدك وسيبي البت يلا .
(ملحوظة صغنونة .. المُسلسلين دول فعلا مكسرين تركيا والريت بتاعهم عالي جداً وبصراحة مشاهدهم تجنن والأبطااال بقى كل واحد فيهم موززز أكتر من التاني بقى 😂💖 وأنا مضيعة النت بتاعي كله على بورا بيك و أوزان بيك والمجانين إللي بيحبوهم)
مروان بقلق وحاول إفلات الفتاة منها :- آنسة فريدة ممكن تبعدي عنها وإحنا هنتصرف بنفسنا معاها .
نورسين بغيرة وغيظ :- وما تخليها تاكُلها بسنانها يا مروان باشا ثم متتدخلش وسط بنات ممكن تضربك بمبرد الضوافر وما يهمهاش حاجة وإنتي يا فريدة البنت دي غلطت ولازم تتربى بقى .
أسد بغضب وصرخ بالجميع :- خلااااص كلللكم برااااا يلاااااا وخلوهاااا تمشييي من هناااااا فوراااا .
#إنصاع الجميع بالفعل للأسد ولازوا بالهروب قبل أن يتهور ويقتلهم أو يأكلهم ثم قام بحمل زوجته بين يديه وضم جسدها لجسده بقوة وعشق وذهب بها إلى غرفة مخصصة له وقت الراحة ...

©©خارج مكتب أسد الألفي ...
#كانت فريدة ممسكة بذراع تلك الحية المدعوة ميار وتقبض عليها بقوة خشية أن تهرب منها .. أما زين فكان يحاول كتم ضحكاته على أفعال مساعدته حتى لا تفتك به هو الآخر .. وكانت نورسين تطالع مروان بنظرات حانقة وتقارن بين جمالها وجمال ميار الذي يسلب العقول من مكانها ...
ميار بخوف وتحاول الإفلات من فريدة :- ممكن بقى تبعدي عني زي ما قال الأسد وتخليني أمشي من هنا بسرعة إبعدي عني يلا من فضلك .
فريدة بغضب وقرصت ذراعها بقوة :- تعرفي تخرسي يا ننوسة عين أمك وبلاش سهوكة ومياصة علشان جو البنات الممحونة دي مياكولش معايا ولو فكرتي تخطي برجلك هنا تاني أو بس لمحتك بالصدفة ف أي مكان تابع للأسد هخليكي تترحمي على نفسك .
زين وهو يكتم ضحكاته بصعوبة :- خلاص يا ڤندام بقى احم احم قصدي يا فريدة وخلي البت دي تمشي قبل ما يخرج الأسد ويلاقيها هنا وتعالي إنتي معايا المكتب نشتغل وتكوني معايا .
مروان بابتسامة خبيثة :- أه والله يا زين البنت لسه صغيرة ومتستحملش عمايل المساعدة بتاعتك فيها بقولك إيه يا آنسة فريدة ممكن تخليها تمشي علشان كده غلط يعني لأنها بسكوتة أوي ولا إيه يا نورسين مش أنا عندي حق ولا غلطان ف حاجة .
نورسين بغيرة ونظرت إليه بغضب :- إياكي تسيبيها يا فريدة بقى وقطعي شعرها علشان أي كلبة تفكر إن تقرب من الأسد وتحاول تاخده من مراته تغير رأيها بعد إللي هيحصل ف الحيوانة التانية دلوقتي .
فريدة وهي تنظر إلى زين بحدة :- متقلقيش هتتعلم الأدب على إيدي وهتتنفخ كويس أوي علشان مش كل طير إللي يتاكل لحمه ولامؤاخذة وحضرتك يا مستر زين تقدر تروح مكتبك وأنا جاية وراك بس بعد ما أرمي الزبالة دي برا الشركة .
مروان بغمز وهمس لصديقه :- أنت ياض ياللي إسمك زوز بقولك إيه أنا شامم ريحة غيرة مولعة من الاتنين دول وشكلها كده والله أعلم هتتدبس قريب يا معلم ف الموزة التركية دي وهتخربوها ياعم بقى .
زين بغيرة وضغط على قدم مروان :- طيب متقولش عليها موزة قدامي يا حيوان علشان فريدة بقت ليا من النهاردة ومش هرتاح غير لما تكون مراتي فهمت خلاص ولا أعيد كلامي تاني وبعدين روح إعمل دكر على نورسين إللي ماسحة بكرامتك رخام الشركة يا فالح ومتتكلمش نص كلمة مع فريدة .
فريدة برفعة حاجب وهي تمسك بذراع ميار :- طيب أنا هاخدها وأرميها برا الشركة إذا حضراتكم خلصتوا كلام جانبي وهمسات تمام ويلا يابت إنتي إمشي من قدامي أحسنلك قبل ما أخلع لحمك ده بضوافري .
نورسين بغضب هي الأخرى :- وأنا رايحة مكتبي قبل ما أرتكب جريمة قتل ف الشركة دي عن إذنكم هروح أشوف شغلي أحسن جتكوا نيلة منيلة .
مروان وهو يضحك بشدة :- ههههههههههههههه خدي هنا يا بطاطس إنتي يابت يا نوري والله لأطلع عينك برضو وأجننك وأتجوزك برضو هههههههههههههه إنتي يابت ياللي إسمك نورسين تعالي هنا وإسمعي كلامي علشان متعصبش وأبوسك ف الشركة بتاعت الأسد .
زين برفعة حاجب :- وإنتي بقى يا فريدة خانم خلي البنت دي تمشي وتعالي معايا ع المكتب .
فريدة بنفي وابتسامة صفراء :- آسفة يا مستر زين لما أعمل إللي ف دماغي الأول ساعتها هروح وراك ع المكتب وأعمل شغلي على رواقة وبمزاج صافي .
#ألقت فريدة نظرة أخيرة على زين ثم جذبت ميار بقوة من ذراعها وخرجت بها من مقر الشركة وأمرت الحراس بإسم الأسد أن يمنعوا تلك الفتاة من دخولها مرة أخرى وإلا سينالوا عقابهم العسير .. أما زين نظر إلى أثر فريدة بغيظ شديد وتوعد لها بالعقاب وذهب إلى مكتبه الخاص لينتظرها فيه وهو يفكر بالطرق التي ستجعلها تقع في غرامه وتتزوجه قريباً ...

(اوووبس بقى والبارت خلص 😂 معلشي أنا عارفة إنه قصير ومكروت بس مشغولة والله وكده وأنتو طبعا عارفين .. وكل سنة وأنتو طيبين وكل سنة منورين حياتي والروايات بتاعتي مشهورة بسببكم)
Goodbye ❤️ hayatim ❤️
#أدمنت_مغوارا
بقلمي سهيلة محمد
فووووووت وكومنتتتتتتت حلو بقى