Hotel Grimm: The Brave and The Powerful

Check-In 27: The Truth About Forever

"Bakit gano'n na lang po 'yong galit nila kay Ate Honey? Parang hindi pa po sapat na hindi na nga sila makalapit at makauwi sa karagatan at kahit na anong anyong tubig na dapat sana ay tunay nilang tahanan tapos ngayon... ito pa?" I asked too.

Ate Honey did something very bad before... and we all do. Pero mukhang ayaw talagang magpatawad ng mga kapatid niyang sirena sa kanya. Tila gusto rin nilang sirain ang kaligayahan ni Ate Honey kasama si Kuya Nolan.

"Honey had an affair and slept with all of her sisters' husbands. Nasira ang kanya-kanyang mga pamilya nito dahil sa ginawa niya. Pinapili nila ang mga asawa nila sa pagitan nila at ni Honey at pinili nilang lahat si Honey. Lubos na nagalit ang mga ito kaya winakasan nila ang buhay ng mga asawa nila sa mismong tapat ni Honey. They let her alive but they want her to also suffer. Iyong makikita niya ang mabigat na epekto ng ginawa niya hindi lang sa kanya kundi maging sa buong West Mermaids. Kaya sinumpa nila siya at ang buong hukbo niya."

So that's Ate Honey's backstory... The reason why she represented Lust in the Sinners Squad.

Mabilis na humakbang ako palapit kay Mama Adele at mahigpit na hinawakan siya sa mga kamay niya. "Ma, kung talagang gusto nilang sirain ang buhay ni Ate Honey, sigurado po akong hindi sila titigil. Ngayon po tayo higit na mas kailangan niya. Ma..."

Natahimik si Mama Adele pero batid ko ang parehong lungkot at pangamba sa mga mata niya.

"Makakatulong po tayo sa kanya, sa kanila. Ma, please..." pag-uulit ko.

Maging si Kyrine sa tabi ko ay natahimik. Mukhang pinag-iisipan niya rin ang sinabi ko.

Si Mama Adele naman ngayon ang humawak nang mahigpit sa mga kamay ko. Inangat niya ang kanang palad upang marahang haplusin ang pisngi ko. "May tiwala ako sa'yo. Mag-iingat ka sa labas."

Unti-unti akong napangiti at naluluhang tumango sa kanya. "Opo, ma. Maraming salamat po talaga," sagot ko at niyakap siya nang mahigpit.

"I'll stay here. Sasamahan ko si Mama Adele para bantayan 'yong mga bata. Bumalik ka kasi kung hindi ay ako mismo ang tatapos sa 'yo," pabirong paalala ni Kyrine sa akin bago rin ako niyakap.

I hugged her back too. I love this family and I don't mind if I bleed fighting and protecting them. They're all I have. I won't let them go unfairly this time. Lalaban ako kasama nila at para sa kanila.

Buong tapang akong lumabas at pumanaog sa batong hagdanan papuntang Lake Grimm. Umihip ang malamig na hangin na ang dala ay parehong kilabot at pagkakataong huminga para sa akin.

"Ano pa bang gusto niyo? Hindi pa ba sapat 'yong parusang ipinatong niyo sa akin?" tanong ni Ate Honey sa tatlong reyna ng mga sirena mula sa iba't ibang rehiyon na siyang mga kapatid niya rin.

Sa pagkakaalam ko ay simula rin nang masakop ng mga Nodram ang South Region ay sa Kanluran na naninirahan ang mga hukbo ng mga sirena roon at pinalitan sina Ate Honey.

"Mahirap bang unawain ang kagustuhan naming magdusa ka buong buhay mo, kapatid?" sagot ng nasa gitna.

I couldn't pinpoint where was the Queen of Mermaids from East, South, and North. They all looked the same — unforgiving and merciless.

Kung minsan talaga ay mas naging pamilya pa sa atin iyong mga taong hindi naman natin kadugo at kaano-ano. Kagaya ni Ate Honey sa mga kapatid niya at kagaya ko sa nanay ko. We both found our big and happy family here in Hotel Grimm and in the arms of those beasts who we don't have any direct connection with.

"Kaya hindi kami papayag na sumaya ka at makatagpo ng pag-ibig sa kalagitnaan ng parusa mo," dugtong pa no'ng nasa kaliwa.

"Take me then! Kung kailangan mawala muna ako para palayain mo na ang mga sirena at iba pang mga nasasakupan ko ay tapusin mo na ako ngayon din!" matapang na sigaw ni Ate Honey.