ليش شنو الاسباب
ما ادري هواي اسباب عوفج مني احجيلي انتي عن حياتج
لا تشوفيني هچي انة من ارجع للبيت اغير هدومي وسبح وتعدل وچناينه يصبلي اكل اتغدة ورتاح وهاي هچي گاظيتهة انة من تشوفيني بالبيت ما تعرفيني اترتب وطلع غير وحدة
ونكعد نسولف بهواي امور ورة فترة لاحظت من تجي توكف بالقطعه الفارغة يجي يمهة شاب
مو شاب عبالك كرستال من كلشي يلمع ويضوي اخر كشخة حلوووو ابيض اشگر كلشي بي اشگر شعرة شواربه بس حواجبة سود مو ضعيف كلش جمسه مرتب وطوله وسط
اني مرتين شفته كتلني الفضول اعرف منو وشيصير منهة اخوهة ابن عمهة حبيبهة گرايبة
من يجي يكعد يمهة شويه يسولفون ويروح هههههههه واني اظل طابه طالعه الى ان تشوفني وتجي يمي
اريد اسألج سؤال بس خاف تعتبريه حشريه مني
ادري بيج عليمن تردين تسألين
هههههه فضول مو اكثر
اخخخ شحجيلج ومنين ابدي
حبابه حبابه من البدايه
هذا الي تشوفينه يصير گرابتي يحبني وحبنه وحچة ويه ابوي بخطبتي
ليش مو الحظ الاغبر گوم يا اخوي وتعارك ويه اخوته عركة شكبرهة لا الهة اول ولا الهة تالي
علمود شنو تعاركو
علمود قطعه ارض اخوي يريدهة وهمة خذوهة گوم يا اخوي وكتل واحد من اخوته وخش السجن اخوي بس ربج حميد اخوه ما مات چان عدمو اخوي وماقبلو اهلة يتنازلون واخذ اخوي محكوميه بس مو ثكيله شكم سنه چي اخوه ما مات ومن اطلع اخوي من السجن كام يدور الشر دوراة وراهم
ونتي وكعتي بيهة
ايه انة وهوة هم مثلي مفرفحة روحة تشوفي يكعد يمي يسأل علي وعن احوالي ويگلي والحل يزهرة نبقه هيچ
وانة ما بيدي شي
زين ما حاول منا منا يوسط احد يدخل احد
يايايا شتحجين انتي اهلة لو سمعو بطاري يتخبلون
وأهلي لو سمعو سيرتهم يتخبلون
وانه وهوة الي راح نتخبل قبلهم
والحل شنو
عد صاحب الحل
مرة طلبت منهة تنزع لثامهة وتحجي ويايه اضوج احجي وياهة وهية منگبه
زهرة عاجبني اسوي كيكة
چاا ما سوين ياهو كاظج
اريد حليب
ياااع ماعدكم حليب عوزج على حليب انه اجيبلج احلب الصخول وجيبلج شكد تردين
كلاصين
لاااع هواي خطيه الصبح حلبتهن مابيهن كلاصين اذا تردين بس كلاص اجيبلج
أنت تقرأ
بيوتات اهلنة
Romanceمابين الماضي والحاضر هناك قصص مختلفة لها ابواب مغلقه نفتح هذه الابواب لنجد ما بداخلهة حكايات وحكايات تقصها لكم قمر الزمان في بيوتات اهلنة
البيت التاسع عشر
ابدأ من البداية
