بيوتات اهلنة

البيت السابع

#بيوتات_اهلنة

( البيت السابع )   الكرك

بيت ام جميل  ام جميل مرة سمينه كلش وسمرة ومدورة كلشي بيهة مدور وقصيرة تلبس برجليهة حجول اهلنه قبل يسموو ابو الثومه  حجولهة نهائياً متنزعهة مرة عاقله وثكيله ومالهة دخل بأحد ولا تحارش احد بس الي يحارشهة يا ويله ويا سواد ليله بنتها بعمري اني وياها دوم نلعب عندي اخويه الي اكبر مني بشويه عينة على حجول ام جميل دائماً يكول لو عدي حجولهة جان امنت مستقبلي لو دورات يضحكنه يكول ام جميل من تموت حجولهة المن تصفه ودوم يحجي بحجولهة هنة ثكااال يمكن بيهن نص كيلو وهية سمرة ومدحدحة وتلبس حجول وهذا متخبل اخويه عليهن  هههههههههههههه يكول الامي ليش ماعدج حجول مثل ام جميل هههههههههه

المهم ام جميل لحد يحارشهة المرة متندگ باحد بس الي يتعدة عليهة متسوي شي بس تطلع بالكرك وشيجي كبالهة تضرب راس ظهر رجل مو مهم المهم الكرك يضرب

واحد من ولدهة حب بت ام سالم وصارت بينهم حب وكذا فقرر يخطبهة اهلة هم ما كالوله وكحة لو شي لا كالوله ميخالف نمشي عليهة  وفعلاً راحو خطبوهة بس اهلهة رفضو عدلو بدلو ماقبلو خطيه نقهر وظل فترة بامل يغيرون رأيهم  وهم بقو اهلهة مصرين عالرفض وفجأة سمع حبيبته نخطبت الولد الصراحة عاقل ما سوة شي سكت ومشت البنيه بفالهة وتزوجت وراحت بت ام سالم وضاع الحب الي يحبه الهة ابن ام جميل والولد كمل دراسه  بس ما خطب بعد بقه بله زواج وراد يسافر اهلة ماقبلو ليش مو ادور الدوائر وتصير مشاكل البت ابو سالم وتجي الأهلهة  زعلانه

الجهال بينهم يلعبون والظاهر واحد من الزعط شامرله حجايه على بت ابو سالم واحد من اخوانهة يلعب وياهم راح يركض على اهلة بلغهم اكو حجايه على اخته كومو يا بيت ابو سالم وطلعو هدادة

عليمن على بيت ام جميل يابه ليش محد غيركم يشمت ابتنه ومطلع حجايه عاد ام جميل زهكت وكلتلهم

شو انتم وادم باطله هوة ياهو الجاي صوبكم
منا حجايه منا حجايه كبت العركة كامت ام جميل وطلعي الكرك وهدي عليهم ونيمي براس ابن ابو سالم والشرطه جتي ودخلت تالي محد شتكة والعركة فضت بخياط براس الولد ههههههههه

ورة مدة تصالحو الجماعه ورجعت بتهم الرجلهة 

ومرت السنه والسنتين ورجعت مرة ثانيه زعلانه بس هالمرة الزعلة اكبر وتطلقت بت ابو سالم

ورجع الامل بقلب ابن ام جميل ورجع الحب مرة ثانيه وهالمرة اهلهة ماعترضو لان بتهم مطلقه ورجع خطبهة واهلهة وافقو بكل رحابه صدر

زين ليش مو من الاول الولد رادهة وتالي فترت ورجعت اله يمكن البعض يستغربون ليش هوة بقه حبهة رغم هية نسته وزوجت بس اني بنضري هوة حبهة حب صادق

ومرة ثانية كبت العيطه ابيت ام جميل وصار خلاف بين الزوجين وبما انو اهلهة قريبين عليهة لبسي عباتج وروحيلهم زعلانه اهلهة وشمو ريحة عركة ام جميل وما تحملت وهدت عليهم بالكرك ههههههه