بيوتات اهلنة

البيت السادس

#بيوتات_اهلنة

( البيت السادس )  بيت الطلايب

اكو ناس تحب المشاكل حب

اكو ناس تجنب المشاكل

اكو ناس تستلذ بالمشاكل

واكو ناس بيهم مرض المشاكل

بيتنه الهذا اليوم ما بي صفه من هاي الصفاة الي ذكرتهن وانما

تتورط اذا عدك مشكلة وياهم ( بيت ابو سالم )

جوارينه بس مو من فترة طويله يعني ماجانو موجودين من انبنت المنطقه لا اجو اشترو البيت جاهز صاحبة بنا وباعه لان كانت المنطقه بدائية بس شلون بناء بنى يخبل حديقه زغيرة بس بناء الداخل حلوو ومن واحد غريب يدخل بي ايتيه هالكد ما تصميمة غريب مساحته جبيرة ومكثر غرف جوة المهم بيت ابو سالم اشترو منه وكعدو بي  همة بناتهم خياطات خياطهم يخبل بناتهم هواي او وعدهم ولد اربعه الچبير سالم حلووو الشكل كلش جميل صاحب طول فارع وجسم مرتب شعرة اسود من كلشي حلوو حته بناتهم او ولدهم الزغار كلهم حلوين بس سالم مميز بينهم

هاي العائلة بيهم صفة من تصير عركة ولد او بنات يفزعون يعني ماكو بنيه تدخل جوة ومينسمع حسة لا بناتهم تهد والزلم بظهرهم وجان الاب دومه ويه بناته من تصير طلابه

ودوم مشاكلهم فسگانة ماكو شي يسوة وللعلم مابقو واحد ما تعاركو ويااا مثلاً بيت سروبه علاقتهم وياهم زينه فجأة وسمعنه العياط نطلع نشوف بنات ابو سالم بالباب يعدن ويصفن وذنيج يجاوبنهم والعركة تبدي من البيبان تنتهي مكافش من الروس ههههههه والله ماعدهم عركة اذا مابيه كاتل ومكتول

بيوم عركة بيت سروبه اخر شي الجوارين ادخلو ودخلو بنات ابو سالم للبيت وسدو الباب كالولهم عيب بابا انتو بنات زحمة صوتكم وحدة من بناتهم من سدو الباب

خلت طرف دشداشتهم بحلكهة وشلبهت على الباب وطفرت يووومه الناس صفنت على وكاحتهة

وراحت ركض هجمت عليهم  هاي وحدة من معاركهم

فد مرة جانو عدنه خطار هاي الوقت باليل فإني بالمطبخ واكفه

هيج واجاني احساس اطلع للباب ورحت تمشيت فتحت الباب وما شوفلك غير بس الضباب وهوسة وناس وسيارات هههههه كلت يا ستار قامت القيامه شكووو

والله من اركز واشوفلك بيت ابو سالم كلهم فزعه وحدة طلابه ويه جوارينهم الي بصفهم وناس تهد على ناس وما فضت الطلابه اله خابرو الشرطة واجتي سيارتين شرطه اله كدرو يفكوهم هههههههه

ومرة تعاركو ويه جوارينه الي بصفنه هذول مايسكتون هم ميتحملون حرشة وصارت مكافش طبعاً اغلب الطلايب علمود جهال لو فد كلمة نحجت لو موقف

اي فذول هادين وذولاك هادين  وصايرة بالتواثي  اذكر قبل جان عدنه مكوار هذا المكوار اكبر عركة يدخل بيهة يفلشهة