بيوتات اهلنة

البيت الخامس

#بيوتات_اهلنة

( البيت الخامس )   العرگ دساس

اكو اشياء شكد منحاول نغير بيهة متتغير

يمكن تتغير وقتي لكن صعب تقتلع شي صعب اقتلاعه

جوارينه وعلاقتنه بيهم كلش قويه  حايطهم على حايطنه او عدهم بنات من عمري ومن عمر اختي الزغيرة وعدهم بنات كبار  او ولد اكبار وزغار مختصر مفيد عائلة ضخمة

عدهم واحد من ولدهم الكبار معتقلي الحكومة وختفة بعد محد لكاله أثر وشكد دورو علي اهلة مالكو وعائلته موجودة زوجته ولدة وبناته  وعدهم واحد لاخ ضابط وتأسر بالحرب الايرانيه

يمكن فرعنه حطم الرقم القياسي بعدد الاسرى ولو هوة العراق كلة بيوته مابين شهيد واسير وجريح وجندي بالجبهة

اريد ارجع بيكم ليورة شويه حته ابين عنوان قصتنه لهذا البارت ( العرگ دساس )

اني زغيرة  بس اذكر كلشي صار بذيج الفترة  مو كلشي وانما الامور الي بقت عالقه بذهني لليوم

عزمونا جوارينه على زفاف ابنهم هذا ابنهم ضابط وعلاقته بابويه قويه دورات يطلعون سوة دورات يطلب من ابويه يوصله بكروة ابويه عدة سيارة يشتغل بيهة  المهم وبحكم الجيرة اخذنه ابويه للزفه بسيارته وجان العريس فرحان طاير من الفرح لما وصلنه للمنطقه الي بيه العروسه ابويه  كال

اااه هاي شنو  هذا خالد صدك يحجي

امي جاوبته شبيك شكو غير وصلنه لأهل العروسه هاا تطبك انزل لو شلون

لالا وين تنزلين ابقي بالسيارة   ماريدج ادخلين ابيتهم

يااا ليش لعد جينه بالزفه غير اشوف العروسه

داكلج لا تنزلين هذا مدري شبي تخبل

متكلي شبيك شجاك كل شوي حاجي علي

تدرين اني جاي الهاي المنطقه وهذا البيت

شوكت جيت يعني عدك عرف هنااا

لا ماعندي عرف بس مرة خالد جابني هنا كلي وصلني الهاي المنطقه وقبل لا ينزل عزمني انزل ويا واني ما قبلت

على شنو عزمك

على هذا البيت الي هسة طلعو منه العروس

شدتحجي انته فهمني شو كلشي مجاي افهم منك

لج افتهمي يا مرة هذا البيت بيت ( ؟؟؟؟؟ )  وكلي انزل عازمك على حسابي شلون بنات عدهم يخبلن مو طبيعيات او اصلاً وحدة منهن صديقته

هاااااا ؟؟؟؟؟؟؟ صديقته يعني شلون ويريدك تنزل وياا ويعزمك

اي ونته نزلت ورحت وياا وقبلت العزومه

لا يابه لا ما قبلت وكتله مو طريقي هذا عدي مرة وعدي بيت وذا دخلت مرة معناه كل مرة اجي اعرف بروحي جليب هههههه