بيوتات اهلنة

البيت الحادي عشر

#بيوتات_اهلنة   

( البيت الحادي عشر )  بيت اهلنة

البنت من  تبدي تكبر وتعبر مرحلة الطفولة كالزهرة من تتفتح وتصير جمبدة يصير شكلة مغري وجذاب والكل يريد اقتطافه

من بلغت ال15 سنة كان عودي ريان ولا مبين هذا عمري يبين بنت ال18 سنه وشكلي برز  وبدت عندي مرحلة الشباب واني منا شكلي حلو فصرت محط انضار واعجاب الكل وهواي بهاي الفترة خطبوني وخاصه بعد ما زوجنه اخويه ونخطبت اختي هواي ناس شافوني ونعجبو بيه فاعتبر هاي الفترة فترة ازدهار ههههههه اي اي البنت من تنخطب اكثر من مرة معناها مرحلة مزدهرة من حياتهة هههههه
المهم

عمة اختي من كلتلي نزلي ونزلت اني كان كل ظني راح اصعدني وياها باي سيارة هية حتصعد بيهة ما ضنيت راح اصعدني بسيارة الولد الي خطبني

اني نصدمت من شفته واكف يم سيارته ودا ينتضر وما ردت اصعد اصلاً لسببين

الاول اهلي اكيد ميوافقون واصلا  احنه مابيناتنه خطوبه رسمية ولا احنه الي مرجعين خبر بالموافقه

والثاني عيب من الولد شيكول عليه وجتي صعدت بسيارتي ما مصدكة شنو لذلك رفضت اصعد وياها وكتلهة خاله ما اكدر اهلي ميقبلون وهية اصرت

وردت ارجع للكوستر ويه اقاربنه اصعد بس انغدرت وشفت الكوستر مقبطه وسادين الباب واصلاً تحركو وهية منا اجر بيه تعالي صعدي استسلمت وصعدت وهوة هم من سكات صعد وكلتله يالله خاله الحك الزفه

طبعاً هنا اني كلش تقيدت يعني عرس اخويه وريد اصفك وريد اهلهل هاااا نسيت اكوللكم اني عندي هلهولة عالمية هههههه وسبيتهم سبي بالهلاهل مالتي

وريد اركص وريد اهوس زين وهذا الخاطب شلون كلش توكع الهيبه كدامه

بصراحة رغم جنت رافضة اولاً الولد ماعرفه ثانياً ماعندي نية زواج 15 سنه توة حياتي بدت ثالثاً يعني كفكرة زواج ومسؤليه واني بعدني في طور الخروج من الشرنقه شوي استصعبتهة

بس الي صار  ؟؟؟؟؟؟؟؟ راح احجي الكم

بعد ما صعدت وسدو الباب ونطلقت بينه السيارة ورة الزفة  بالبدايه بعت ثكل ونحرجت وتقيدت وكل شوي اكلهة خاله عفيه اهلي خاف يحجون وهية تكلي سكتي معليج يدرون وهوة جذب لا يدرون ولا شي وكل شوي اظم راسي من اشوف سيارة اخوية العريس ههههههههه خاف يشوفني صاعدة وياا وترزل المهم والله كولو شويه او وصلنه البيت العروس لان بيتهم مو بعيد
والله بس نفتحت باب السيارة  واني نطلقت ونزلت اركض وطكهم بهلاهل مو بس هلهولة هههههه والمزيقه ادك واني سبيتهم ركص  يوووومه جان كاتم على انفاسي الخطيب

والله شوية وكالو يالله خل نطلع زين اني شلون بيه وين اروح 

اروح اصعد بغير سيارة لو ارجع النفس السيارة شوي واكفة  والله لا يحير عبدة كلت خل اطلع وهية تنحل صدوك اني وصلت باب الحوش مال بيت العروس وشوفه واكف يم السيارة ينتضر