بيوتات اهلنة

البيت الثاني عشر

#بيوتات_اهلنة

( البيت الثاني عشر )  بيت اهلنة

ساعات الفرح بس ساعات

بعد ما اجة رافد النه للبيت وحجة وية ابويه وكلة الجماعه يردون جواب

ابوية كلة خل يتفضلون

طبعاً هنا اني محد سألني عن رأيي ولا عن موافقتي ما اعرف على اي اساس الناس راح تجي نطوهم موعد واني ماعرف همة موافقين لو لا ولا همة الي يعرفون بيه موافقه لو لا المهم اني ماعندي كلام بعد كلام اهلي

قبل جانو الاهل يتصرفون حسب قناعتهم ماعدهم الولد والبنيه يوافقون لو لا لو   القرار قرارهم

لا همة يفصلون والاولاد والبنات يلبسون  على الفطرة ربينه بطاعتهم ماكو اجبار وانما كانو متأكدين اولادهم ميعارضوهم

حددو موعد اهلة يجون حته يصير الاتفاق وبيوم الي جوي اني ما طلعت  وشكد حاولو وياي ابدل  وعدل روحي ابداً ما قبلت  كتلهم نهائياً محد يصيحني بس فاجأتني اختي الجبيرة ندى اجتني للغرفة وكالت

اكولج انتي شنو موافقه

كتلهة ليش هوة منو سألني لو اخذ رأيي

لعد شلون ابوية رجع خبر الهم يتفضلون

هوة ابويه من كيفه حجة ويه رافد وكلة خل يجون

ونتي شنو حتوافقين

والله ماعرف اني لحد هسة ماعرف شكلج

امدااج اذا وافقتي علي

صدمتني صراحة اختي ليش امدايه مافهمت بس سكتت لان فعلاً قرار ابويه ماعرفته ولا شنو راح يكول للناس ورا ما راحت بشويه ابويه دخل للغرفة وشافني كاعدة كلي هاا بابا

نعم

بابا الناس على جية شنو رأيج انتي شفتي الولد بيوم زفه اخوج واني هم اشو مطمن من ناحيته شتكولين

سكتت ماعرفت شحجي ونحرجت كلش

كلي احجي بابا امينه ترة ما اقبل اذا انتي رافضه وخاف الولد ما عاجبج

وهم سكتت محرجة وماعرفت اتخذ اي قرار  فتركت القرار الوالدي يعني اني ما انكر اعجابي بي وبصراحة اكثر بسبب نضراته الي اعجابي صار

فهوة من شافني ساكته كلي خلص اعتبرهة موافقه راح يجون وعندي كلام وياهم

بعد ساعه جوي اهلة  وكعد ابويه وحجة وياهم  وهمة جددو خطبتهم الي وامي كانت شبه ما مقتنعه وكلتلهم ما اكدر افاركهن ثنينهن وخاصه امينه بعدهي زغيرة وهمة رجعو حجو نفس الكلام انو البنيه مو بعمرهة ومن هالكلام وحنه راح نخليهة بعينه وهية معدهة احد  وحنه كل وحدة وبيتهة وهنا ابوية حجة وطلب مهر اغلة من مهر اختي وهمة كالو يجرالك  وكللهم على بركة الله موفقين رغم اني امينه عدي معزتهة تختلف عن خواتهة بس انتو ناس متتخيرون ومدام من طرف رافد فبيهة الخير شريد اني لعد غير راحتهن