#بيوتات_اهلنة بقلم قمر الزمان
(البيت التاسع عشر ) ام الصخول
بلغت من العمر 18 سنه فترة من خربت خطبتي من الناس الي خطبوني الابنهم والاسباب
تلفيق بالكلام علينه اني واهلي بالمقابل اني جتني من الله لإن أصلًا ما جنت مقتنعه بي الابنهم الي اسمة فلاح 😏
هنوب بدينه بمرحلة جديدة
هههههه بتج خاف مسوالهة عمل
بتج منفوسة
بتج معكودة ذيالهة
بتج اشو من ديريدهة وديخرب وراها
وامي ظلت حايرة خاف صدك مسويلج عمل خاف صدك نافسيج خاف صدك اووووووووو بلشنه بقوانة جديدة
لااااا والاحلى من كل هذا امي تروح للكشافه تاخذلي خيرة ليش بتي كل ما تنخطب تتفركش خطوبتهة
يوم تعالي ابخرج
يوم تعالي اسبحج
يوم تعالي شيلي هذا الحرز
امي على نياتهة وحته خلتني اصدك بكل هالامور ههههههه منو فارغلي ويسويلي سحر
لاحظت هاي الفترة تردد الفرعنه وحدة بنيه شابه ترعى بالغنم تاخذهم من منطقه المنطقه حته ياكلون
اكو ساحة كبيرة جداً جداً مقابيل فرعنه صايرة مرات يطلع بيهة زرع
هاي البنيه تجيب صخولهة وياكلن منه هية معدهة طليان كلة صخول
ومرات الناس اطلع من بيوتهة اذا عدهة خبز يابس او ثريد ميردو او اكل مخضر بدل ميذبو ينطو للصخول تاكلة
من تشوفني تجي تطلب من عدي مي اني اطلعلهة مي تشرب خطيه وتكعد يمي شوي وتروح الى ان صارت علاقه بيني وبين ام الصخول
اسمهة زهرة 🌹 هية طويله ضعيفه تلبس لثام اسود ( قطعه قماش سودة تغطي نصف الوجه لحمايته من الشمس )
ولبسهة كله اسود والعباة تشدة على خصرهة من تمشي مو جبيرة عمرهة تقريباً 24 او 25 سنة
حبابه وسوالفهة حلوة ومرات تحجيلي عن عائلتهم ومرات يا بيت يطلعلهة اكل للصخول تكعد يمي الى ان يكملن صخولهة اكل وشرب مي
هاي انتي يوميه تطلعين بالصخول وحدج محد يعاونج بيهن
بلي اخوتي يشتغلون بس مو كلهم عدهم طليان اني علي الصخول والباقين عليهم الطليان وثنين من اخوتي يشتغلون غير شغل
مزوجين اخوتج
بلي مزوجين فد انة ظاله هههههه كل ما تجي الخطابه ما تصير قسمتي
چنچ اني ههههه تدرين مرتين نخطبت رسمي وخربت مرة لبسنه حلقات ومخطوبه شهور تالي خربت والثاني بعدنه حته ما مشترين نيشان وبطلو
أنت تقرأ
بيوتات اهلنة
العاطفيةمابين الماضي والحاضر هناك قصص مختلفة لها ابواب مغلقه نفتح هذه الابواب لنجد ما بداخلهة حكايات وحكايات تقصها لكم قمر الزمان في بيوتات اهلنة
