အမုန်းအားဥပေက္ခာပြု၍ [အမုန္းအားဥေပကၡာျပဳ၍] {Complete}

Ep - 26

Unicode

မြင့်မားလှသည့် အဆောက်အဦးကြီးတစ်ခုရှေ့တွင် ပြောင်လက်နေသော အဖြူရောင်ကားရှည်ကြီးတစ်စီး ရပ်တန့်လာသည်နှင့် Plaza ထဲရှိ ဝန်ထမ်းများအားလုံး တန်းစီနေကြပြီး ခေါင်းငုံ့အရိုအသေပေးကြရန် အဆင်သင့်အနေအထားရှိနေလေပြီ...။

ကားတံခါးကို တာဝန်ကျဝန်ထမ်းတစ်ယောက် အလျင်အမြန်လာဖွင့်ပေးလိုက်တယ်ဆိုလျှင်ပဲ ထိုတန်ဖိုးကြီး အဖြူရောင်ကားရှည်ကြီးပေါ်မှ ဆင်းသက်လာသည့် အနီရောင်ဒေါက်ဖိနပ်တစ်စုံ.....။

Plaza ထဲရှိဝန်ထမ်းများအားလုံး တန်းစီကာ ခေါင်းငုံ့အရိုအသေပေးကြရသည်အထိ ထိုအမျိုးသမီးသည် အရှိန်အဝါကြီးမားလွန်းခဲ့သည်။

အရှိန်အဝါနှင့်အတူ လှပမှုများပေါင်းစုံနေသည့် မျက်နှာလေးသည် မာနကြီးသည့်အရိပ်အယောင်များကိုလည်း ပေါ်လွင်စေ၏။

ထိုအမျိုးသမီးနှင့်အတူ ကားပေါ်မှ ရှေ့ဆင့်နောက်ဆင့် ဆင်းလာသည်ကတော့ ကြည့်လိုက်တာနှင့် 'ဘယ်သူ့သားလဲ' ဆိုတာ ပြောစရာကိုမလိုအောင် အရှိန်အဝါတစ်ခုဖြင့် တောက်ပနေသော 9 နှစ်အရွယ် ကောင်လေးတစ်ယောက်.....။

ထို Boss နှစ်ယောက် Plaza ထဲကို ဝင်လာသည်နှင့် ဘေးတစ်ဖက်တစ်ချက်စီမှာ တန်းစီမတ်တပ်ရပ်နေကြသော ဝန်ထမ်းတွေအားလုံး ခေါင်းငုံ့အရိုအသေပေးနေလျှက်သား.....။

Boss အမျိုးသမီးသည် ထိုဝန်ထမ်းတွေအား တစ်ချက်မျှ စောင်းငဲ့ကြည့်ခြင်း အလျဥ်းမရှိပါလေ...။

သို့သော် သူမရဲ့သား Boss ကောင်လေးကတော့ ဘေးနှစ်ဖက်က ဝန်ထမ်းတွေကို တစ်ချက်ငဲ့ကြည့်ကာ ခေါင်းတစ်ချက်ငြိမ့်ပြပြီး အသိအမှတ်ပြုပေးလေ၏။

ထိုခနတာအတွင်း ဝန်ထမ်းတွေရဲ့မျက်နှာမှာ Boss ကောင်လေးရဲ့အပြုအမူလေးကြောင့် အပြုံးရိပ်လေးတွေ ဖြတ်ပြေးကုန်ကြလေသည်။

ဓာတ်လှေကားတွေနှင့် အထပ်ပေါင်းများစွာ တက်လာကြပြီးနောက် မှန်ချက်တွေဖြင့်သာ အပြည့်ကာရံထားသည့် ရုံးခန်းထဲကို ရောက်သည်ဆိုလျှင်ပဲ ထို 9 သားအရွယ် ကောင်လေးသည် အောက်တည့်တည့်တွင်မြင်နေရသော ကစားကွင်းလေးဆီသို့ လှမ်းကြည့်တတ်၏။