رواية امرأة العُقاب

الفصل الثامن

ثواني بسيطة حتى انفتح الباب وظهر هو من خلفه .. قابلها بوجهه المشرق ثم أفسح لها المجال للدخول واغلق الباب خلفها ، ارتمت عليه تعانقه بحب حقيقي وتهتف :
_ وحشتني أوي ياحبيبي
لثم رقبتها بعدة قبلات متفرقة ثم اتجه لوجنتها ويهمس من بين قبلاته :
_ وإنتي كمان ياروحي
ابتعدت عنه واتجهت إلى الداخل نحو الأريكة ثم ألقت بحقيبتها في عشوائية على المنضدة وجلست هاتفة بضيق :
_ أنا جيت بصعوبة يعني مش هقدر اطول ممكن ساعتين وامشي
ظهرت علامات اللؤم على ملامحه فاقترب وجلس بجوارها هامسًا بنظرة وقحة :
_ وهما الساعتين دول قليلين ياحبيبتي
ارتفعت ضحكتها لتجيبه بدلال وهي تقترب وتخطف قبلة سريعة منه :
_ مش وقته خالص يانادر أنا جيت عشان نتفق أنا وأنت هنعمل إيه في جلنار
_ هي رجعت ؟!!
فريدة بجدية :
_ لا بس أنا حاسة أن سفر عدنان المفاجئ ده وراه حاجة ومش بعيد يكون عرف مكانها وراح يجبها
نادر بقرف وعدم اهتمام :
_ أنا مش عارف إنتي شاغلة بالك بيها ليه يافريدة .. كدا كدا هتطلقي من الزفت ده قريب ، فكك منها ياحبيبتي
فريدة بعصبية :
_ إيه اللي بتقوله ده .. عايزني اسيبها تاخد كل حاجة هي وبنتها على الجاهز ، على جثتي لو طالت حاجة من عدنان ، كل ده من حقي أنا
غمز لها بعيناه في نظرات شيطانية وغمغم بمكر :
_ هتاخدي كل حاجة ياحياتي .. بس سبيني اتصرف معاهم بطريقتي ، صنف جلنار دي أنا عارفه كويس أوي .. أما عدنان فده محوشله التقيلة من زمان
اعتدلت في جلستها وطالعته بنظرات راجية ثم هدرت بقلق :
_ نادر بلاش تعمل حركة غلط تودينا في داهية ارجوك ، عدنان لو شك مجرد شك هيقتلك ويقتلني
همس لنفسه ساخرًا وعلى وجهه ابتسامة تحمل الغل ( ده لو لحق أصلًا !! ) .. ثم أجاب عليها بصوته الطبيعي :
_ متخافيش أنا يعتبر مظبط كل حاجة فاضل بس التنفيذ وقريب أوي هيتم
ثم اطال النظر في وجهها بعينان راغبة وفجأة وثب واقفًا وحملها على ذراعيه متجهًا بها نحو الغرفة وهو يتمتم بابتسامة خبيثة :
_ أنا بقول نخطفلنا ساعة ساعتين كدا مع بعض عشان انتي وحشتيني أوي
هتفت ضاحكة باعتراض بسيط :
_ مش هينفع يانادر نزلني بقولك مستعجلة ولازم امشي
_ هو دخول الحمام زي خروجه ياقلب نادر

ثم فتح باب الغرفة بقدمه ودخل بها ثم اغلقه بطرف قدمه وانغمسوا معًا في ملذاتهم المحرمة غير مباليين لأي شيء ! .. غابوا ببحر المحرمات منذ أربع سنوات ولم يضعوا بالحسبان لحظة العقاب الكبرى أمام ربهم !!! ...

                                     ***
تقف بالمطبخ تقوم بتحضير وجبة الإفطار وتجلس صغيرتها فوق رخام المطبخ وتتلاعب بقدماها الصغيرة في الهواء وتمسك بيدها قطعة شيكولاتة تأكلها باستمتاع ، حتى هتفت بصوت طفولي حماسي :
_ احنا راجعين بيتنا ياماما
تنهدت جلنار بخنق وأجابت على ابنتها بمضض حاولت إخفائه :
_ امممم للأسف ياحبيبتي
هنا بتشويق وسعادة :
_ يلا نلبس
جلنار بنفاذ صبر :
_ لما نفطر الأول ياهنا بعدين هنلبس ونمشي
نظرت الصغيرة لخارج المطبخ تتأكد من عدم وجود أبيها ثم اقتربت وانحنت على أذن أمها وهمست بصوت فرح :
_ بابي قالي هنروح عند تيتا لما نرجع .. بس اوعي تقولي إني قولت ليكي
رمقتها جلنار بنظرة نارية وهتفت بغيظ مكتوم :
_ هو قالك كدا ؟!
هزت رأسها بإيجاب وهي لا تزال تبتسم باتساع فنظرت جلنار للطماطم التي تقوم بتقطيعها ونزلت السكين عليها في عنف تهمس بصوت غير مسموع وأعين مشتعلة بوعيد :
_ ده بعينه إن شاء الله .. قال تيتا ، أمه القرشانة دي هو أنا ناقصة

صاحت هنا بصوت عالي في حب عندما وجدت والدها يدخل المطبخ فاقترب هو منها وحمله على ذراعيها ومد يده يعبث بخصلات شعرها الحريرية ويهمس في مداعبة :
_ إيه الحلاوة دي بس يابابا
ابتسمت الصغيرة باستحياء بسيط في وجه طفولي يسرق القلب ليقهقه هو بخفة ثم ينحني عليها ويطبع قبلة عميقة على وجنتها ، بينما جلنار فالتفتت نصف التفاتة برأسها له ورمقته بنظرة مشتعلة ثم اشاحت بنظرها عنه عندما وجدته ينظر نحوها .. اختفت ملامحه اللينة وظهر محلها الصرامة حيث هتف بغلظة صوته الرجولي :
_ مالك ؟!!!
تجاهلته تمامًا ولم تجب ولم تنظر له حتى مما استفزه بشدة فأنزل ابنته من على ذراعيه وهتف بابتسامة رسمها بصعوبة :
_ روحي ياهنايا استنيني برا وأنا هاجي وراكي

رفعت هنا نظرها إلى أمها الواقفة وتوليهم ظهرها منشغلة بما تفعله أو تتصنع هذا ثم عادت بنظرها لأبيها وتنهدت بيأس لتستدير وتتجه لخارج المطبخ متمثلة لأوامر والدها .
تحرك خطوة إليها حتى كاد يكون ملتصق بها وهتف بلهجة غريبة :
_ لما اكلمك تردي عليا
قالت بعد مبالاة واشمئزاز :
_ مش طايقة اكلمك أو اسمع صوتك أساسًا
جز على أسنانه بغيظ ثم قبض على أعلى ذراعها بقبضته الفولازية وتتمتم بتحذير :
_ أنا لغاية دلوقتي هادي معاكي ياجلنار رغم اللي عملتيه ، فاتكلمي باحترام وبأسلوب مظبوط بدل ما اظبطك أنا بأسلوبي
تحاملت الألم ولم تظهرهه على ملامحها حيث استقرت بعيناها نظرة حاقدة وهمست بصوت أنوثي شرس :
_ سيب إيدي ومتقربش مني .. وتهديداتك الفارغة دي روح هدد بيها حد غيري مش أنا
أحست وأنه لوهلة ستخرج النيران من عيناه وتحرقها بأرضها من فرط سخطه ، ووجدته يزيد من ضغطه على ذراعها بعنف فلم تتمكن من أخفاء المها أكثر حيث أغمضت عيناها في محاولة بائسة لعدم الظهور ضعيفة أمامه ، ووجدته يقترب منها وينحنى على أذنها هامسًا بصوت يشبه فحيح الأفعى :
_ لولا أن البنت برا كنت وريتك التهديدات الفارغة دي كويس