String Consequence

Chapter 7

"Chill.. Hindi iyan ang sundo mo"  humalakhak pa ito.

Nangunot ang noo ko at natuwid ang kilay ko ng lumapit siya  doon sa motor at sumakay!

"Abay gago" naunahan ako ni Pia sa sasabihin ko.

" Galit na  galit  naman kayo mga miss, Chill lang aba" Sabi ng lalaking naka helmet at humalakhak din kasabay ni Ivan. Sabay harurot ng motor paalis.

"Tangina mo Calihl! " Sigaw ni Pia kahit na malayo na ang dalawa.

****

"Isa pa iyong Hanz na iyon ha! Bakit ang tagal nya akong pinag intay! --- i mean tayo!" Padabog na umupo siya sa sementadong paso ng halaman.

Wala pa namang limang minuto at kaalis palamang nila Ivan ay grabe na ang reklamo ni Pia, na akala mo'y isang taong nag iintay. Hindi ba siya napapagod kakadaldal? At... Wala ba siyang planong umuwi na? Kasi ako? Uuwi na talaga ako at siya ang hahayaan kong mag intay dito.

"Hoy- saan ka pupunta?!" Sigaw niya ng tumalikod ako sa kan'ya at naglakad palabas ng waiting shed kung saan katapat lang noon ang parking spaces at lalakad kalang ng kaunti ay may makikita kanang stalls at paradahan ng mga sasakyan para sa mga estudyanteng katulad namin na hindi afford ang sariling sasakyan.

"Uuwi na'ko!" Sabi ko  ng hindi kalakasan.

Tumakbo pa ako dahil alam kong may gagawin nanaman ang babaeng yon kung maabutan niya ako. At least kapag nakaupo na ako sa trysikel o jeep pwede pa akong makakapit para hindi niya na ako mahila pababa.

Pinalagpas ko muna ang ilang sasakyan na dumaan dahil hindi naman ako pupwedeng tumawid agad- agad. Swerte ko nalang at naharang si Pia ng leader namin  sa isang subject. Nakatingin pa at nakaturo pa ang kamay niya saakin at pilit na pinapalingon ang leader na kausap s'ya.

Tatawid na sana ako ng biglang may parating pang sasakyan. Tinted iyon kaya hindi kita ang tao sa loob pero alam ko sa sarili kong kilala ko ang nagmamaneho noon. Tanga nalang siguro ako kung hindi ko natandaan ang sinakyan ko kanina.

Agad na sumibol ang kaba sa dibdib ko ng hindi ko malaman. Hindi pa nakakahinto ay bumukas na ang bintana noon pasakto saakin. Agad na angtama ang mata namin pero agad ding nawala ng lumagpas ang sasakyan papuntang parking space.

Napahabol tingin ako don kaya agad kong minura ang sarili ko sa pagtitingin. Bwisit baka isipin pa ng lalaking iyon na initay ko talaga siya rito!

Tumingin ulit ako sa direksyon noong sasakyan at nakita kong palabas na siya . Lumabas din sa may likuran noon yung isang lalaking kasama niya   na hindi ko napansin kanina.  Nakuha lang ng atensyon nila ang pagtawid ni Pia papunta sa kanila at bago pa nila ako lingunin ay dali dali akong tumawid pumasok ng jeep. Yon ngalang hindi ako sigurado kung nakita ba nila ako o baka naman wala naman talagang may pakialam.

Pinatay ko ng madalian ang cellphone ko tsaka inub-ob ang ulo sa bag.  Sa dulo ako ng jeep umupo sa likudan ng driver. Dalawa nalang ang kulang nito at aalis na. Hinihiling ko nalang na sana umalis na kaagad.

Nagpasalamat ako ng may pumasok na at unti unti ng umaandar ang makina ng Jeep. Nakahinga ako ng maluwag pero agad ding bumalik ang kaba.

"Excuse me" Sabi ng lalaki sa ibang pasahero bago naramdaman ko nalang na may umupo sa gilid ko.  At kung tanga nga ako dahil kilala ko ang boses na iyon kahit hindi ko nakikita. Mas lalo lang akong nasiguraduhan dahil kahit amoy niya kilala kona.

Potangina. Anong ginagawa ng lalaking 'to dito?!.

Hindi ko inangat ang tingin ko pero nasusura ako dahil pakiramdam ko may nakatusok na mata sa gilid ko. Mejo nahihirapan din ako dahil unti unti nang umaabante nag jeep.