A Forgotten Love[Completed]

A Forgotten Love- 18

မနက်အစောကြီး ပြန်ရောက်နေခဲ့တဲ့
ဟယ်ရီက အိပ်နေဆဲဖြစ်တဲ့ ပိုင်စိုးကိုထိုင်
ကြည့်ပြီး ပြောနေခဲ့တာပင်။ဒူးနှစ်ဖက်ပေါ်
မေးတင်ထားပြီး ဒူးကိုပိုက်ထိုင်ထားသည့်
ဟယ်ရီ့ရဲ့အကြည့်တို့က ပိုင်စိုးဆီ၌သာ။
လူးလွန့်ပြီး နိုးလာခဲ့တဲ့ ပိုင်စိုးက မျက်လုံး
ဖွင့်ဖွင့်ချင်းမှာပဲ မြင်လိုက်ရတဲ့ဟယ်ရီ့ပုံစံ
ကြောင့် လန့် သွားပုံရသည်။မျက်နှာသေနှင့်
ဟယ်ရီ့မျက်လုံးတွေက သွေးအေးနေခဲ့တဲ့
ကျားရိုင်းတစ်ကောင်လိုပဲ။

"ညက ဘယ်မှာသွားအိပ်နေတာလဲ"

"တစ်ယောက်ယောက်ဆီမှာလေ..
ဘယ်သူကအစလိုက်ပြောပြနေရဦးမှာလား"

"မင်း!.."

ပိုင်စိုး စိတ်ကိုလျှော့ချလိုက်ပြီး ဆက်ပြော
မလာတော့ချေ။ဘာပဲဖြစ်ဖြစ် ဟယ်ရီ့ကို
တစ်ညလုံး စိတ်ပူနေခဲ့မိတာ..ဒါအမှန်ပဲ။
မနက်မိုးလင်းတော့ ဘာမှမဖြစ်ဘဲ ကောင်း
ကောင်းမွန်မွန် အိမ်ပြန်လာတာကိုပဲ ပိုင်စိုးက
ကျေနပ်နေပုံပေါ်သည်။မျက်နှာသစ်ဖို့
ခြေလှမ်းတွေကို ရေချိုးခန်းဘက်သို့ ဦးတည်
သွားဖြစ်တော့ အနောက်မှ ထွက်လာခဲ့သည့်
ရေဒီယိုမှာလာနေဆဲ သီချင်းတစ်ပုဒ်။
ဒါကို ဟယ်ရီဖွင့်လိုက်တာပဲဖြစ်မည်။

🎵ပုံပြင်လေး တစ်ပုဒ်..ဆင်စွယ်လက်တစ်စုံ။
     ငါဟာ လွှတ်ချတတ်ဖို့..တဖွဖွပြောခဲ့ဖူး..။
     သူကလည်း ငို..ကိုယ်ကလဲပြို အခု၊
     ချစ်တတ်လွန်းသူ မင်းနဲ့..မချစ်ရက်တော့သူ
     တစ်ဦး။
     ကော်ရစ်ဒါမှာ ဝင်တိုက်တဲ့အခန်းရိုက်ကူး..🎵
(Accident-Kyar Pauk & Mary)

"ဘယ်လိုတောင် တိုက်တိုက်ဆိုင်ဆိုင်..။
လွှတ်ချတတ်ဖို့ ကိုယ့်ကိုယ်ကို ပြောတယ်။
ဒါပေမဲ့ မလုပ်ရက်ဘူး"

"မနိုင်တော့ရင် လွှတ်ချပစ်တတ်ရမှာပေါ့
ဟယ်ရီရ..မင်းလည်း အတော်လေးညံ့တာပဲ။
မနိုင်တော့ရင် လွှတ်ချကွ ဟား ဟား"

ဟယ်ရီ့အသံအေးစက်စက်က သီချင်းသံ
တွေကို ပိတ်ချပစ်လိုက်ပြီးတဲ့နောက်မှာ
ထွက်ပေါ်လာသည်။ပိုင်စိုးကို ပြောနေခဲ့တာ
မဟုတ်ဘဲ၊သူ့ကိုယ်သူ ပြန်ပြောဖြစ်ခဲ့တဲ့
စကားတို့ပင်ဖြစ်မည်။ရပ်တန့်နေဆဲဖြစ်တဲ့
ပိုင်စိုး​၏ခြေလှမ်းတွေနှင့် ဆန့်ကျင်ဘက်
အရပ်သို့ ဟယ်ရီထွက်သွားပြန်သည်။
ရယ်မောရင်းနဲ့ ပိုင့်ကိုလည်း လှည့်မကြည့်ဖြစ်ပါ။