"မင်း ဘာကြိုက်တယ်..မကြိုက်ဘူးဆိုတာကို
ငါမမှတ်မိလဲ ဘာဖြစ်လဲ။မင်း ဘာသာကြိုက်တာ
ကို ရွေးစားလို့ရတာပဲလေ။တကူးတကကြီး ငါက
ဂရုစိုက်ပေးနေရမှာလား..အလကားတွေပါကွာ"
ဒီအချက်က မင်းပိုင်စိုးသူအတွက် ပေါ့ရော့မိခဲ့
တဲ့ ဒီအချက်။
ဟယ်ရီ့ရဲ့ ခံစားချက်တွေကို သူမြင်အောင်မှ
မကြည့်နိုင်ခဲ့တာ။သူသိတာက ဟယ်ရီစကား
ပြန်ပြောလို့ ပျော်တယ်ဆိုတာပဲ။
ဟယ်ရီ့အကြိုက် တွေကို သူမသိသလို၊မမှတ်
ထားပေမဲ့ ဒါကအလကားပါဆိုပြီး သူကသတ်မှတ် ပစ်လိုက်တာမျိုးပါ။အနည်းငယ် လိမ်ညာမှုလေး
တော့ပါပါလိမ့်မယ်။
"အင်း ဟုတ်တယ်၊အလကားတွေ မင်းတစ်ယောက် ထဲ အတွက်ပေါ့"
ဟယ်ရီ နှုတ်ခမ်းလှုပ်ရုံမျှသာ တီးတိုးဆိုချေသည်။
ဒါကိုလည်း ပိုင်စိုးက ဂရုမစိုက်တော့ဘဲ သူ့ဖုန်းကို
သာ အာရုံစိုက်နေပြန်၏။လက်မနှစ်ဖက်စလုံး
ကိုသုံးပြီး စာရိုက်နေသည်။သေချာတာတစ်ခုက
သူ့ရဲ့ရည်စားအသစ်ဆီကို ပို့နေတာပင်ဖြစ်နိုင် သည်။ပိုင်စိုး၏ အာရုံစိုက်မှုတွေကို ဟယ်ရီပြန်
လိုချင်ပါသည်။ဘယ်လိုမျိုးလုပ်ရပါ့မလဲဟု
ကြံရွယ်မိလျှင် စားပွဲပေါ်၌ရှိနေသည့် ပန်းသီးနှင့် ဓားတစ်ချောင်းအား ဟယ်ရီတွေ့ရှိသွားသည်။
"ပိုင်စိုး ပန်းသီးစားချင်လား၊ငါလှီးပေးမယ်"
"အင်း အခွံပါခွာနော်..ငါဒီမှာ မနူးမနပ်လေးနဲ့
စာပို့တိုင်း ကစားနေလို့"
"မင်းဖြစ်နေလို့နော် ပိုင်..မဟုတ်ရင် ရိုက်သတ်
ပစ်လိုက်ပြီ"
ဟယ်ရီ သူ့လက်တွေကို ခုံစောင်းမှာ ဖိကိုင်ထား
မိလိုက်သည်။ဒီစကားက သူ့အရှေ့မှာပြောပြနေ
စရာမှ မလိုတာ။ဟယ်ရီ နှုတ်ခမ်းကိုကိုက်လိုက်
ရင်း ပိုင်စိုးကိုစိုက်ကြည့်နေ၏။နှုတ်ခမ်းအစွန်း
များက ကော့ညွန့်တက်လာသည်အထိ ဟယ်ရီက
မဲ့တဲ့တဲ့ကလေးရယ်ပြုံးလိုက်သည်။
ထို့နောက် ပန်းသီးနှင့်အတူ ဓားကိုလှမ်းယူလိုက်
ကာ အခွံကို စတင်ခွာရတော့သည်။ပိုင်စိုး၏
အကြိုက်က ပန်းသီးဆိုလျှင် အခွံပါ ခွာထားပေး
မှ ကြိုက်တာဖြစ်သည်။
YOU ARE READING
A Forgotten Love[Completed]
Romance❦{Own Creation}❦ Unicode "မေ့လျော့ခံရတဲ့ ချစ်ခြင်းမေတ္တာတွေ" အလေးအနက် မထားမိခြင်းနဲ့ ပေါ့ရော့မှုတွေရဲ့ အဆုံးသတ်မှာ ဘာတွေများရှိနေနိုင်မလဲ။ Author-Lily_Han🍀 (-လီလီဟန်-) Start Date-4/5/2021(Tuesday ) End Date -22/7/2021(Thursday) Note-A...
A Forgotten Love-3
Start from the beginning
![A Forgotten Love[Completed]](https://img.wattpad.com/cover/265822614-64-k884584.jpg)