အဆုံးမှာတော့ရန်ကျင်းကဒဏ်ရာပြင်းထန်စွာရထားပြီးသွေးအတော်လေးဆုံးရှုံးထားတဲ့သူဖြစ်သည်။ဒါ့အပြင်သူကအချိန်အတော်ကြာသည်အထိအေးခဲနေခဲ့ရတာကြောင့်ရုန်းထွက်နိုင်မယ့်အင်အားအလုံအလောက်မရှိပေ။ရလဒ်အရတော့ဆေးလုံးများနဲ့ဆေးရည်တစ်ချို့ကိုအတင်းအကြပ်မျိုချလိုက်ရသည်။
သူတို့ကပါးစပ်ထဲကနေအရည်ပျော်သွားသည်နှင့်လည်ချောင်းတစ်လျှောက်ကိုနွေးထွေးမှုများစီးဆင်းသွားပြီးထိုနွေးထွေးမှုကသူ့ရင်ဘက်နဲ့ခြေလက်များဆီသို့ပါပျံ့နှံ့သွားသည်။သူကအေးခဲသွားပြီးနောက်သူ့ရုန်းကန်မှုများရပ်တန့်သွားသည်။
ရန်ကျင်းရှေ့ကထိုလူကအနည်းငယ်မှုန်ဝါးနေသည်။သူ့အသွင်အပြင်ကတော့သဘောကောင်းတဲ့သူတစ်ယောက်လိုပင်။ဒါပေမဲ့ဒါကပုံရိပ်ယောင်တစ်ခုပဲဆိုတာရန်ကျင်းသိထားသည်။ဒီလူကပြာဖြစ်သွားရင်တောင်သူ့အသက်ရှုသံကိုသူအသိအမှတ်ပြုနိုင်ဦးမှာပဲ!
သူကရန်ကျင်းရဲ့ဆရာကောင်းကြီးလေ!သူ့ဝိဉာဏ်မြစ်ကိုခွဲဖြတ်ထုတ်ခဲ့တဲ့ဆရာကောင်းကြီး!
ရန်ကျင်းကအံကိုကြိတ်လိုက်ပြီးသူ့မုန်းတီးမှုများကိုဖိချထားလိုက်သည်။
မဟုတ်ဘူး
သူ့အားနည်းချက်တွေကိုနည်းနည်းလေးတောင်ပြလို့မရဘူး
ဒီအချိန်မှာရှန်ကျစ်ရှန်းကသူ့ထက်အများကြီးသန်မာတယ်..အကယ်၍သူသာသူ့ကိုဒေါသထွက်အောင်လုပ်လိုက်မိရင်ညှင်းပန်းနှိပ်စက်မှုတွေကပိုပြီးစောစောလာလိမ့်မယ်ဆိုတာသေချာတယ်
ရန်ကျင်းသည်တစ်ဖက်လူမမြင်နိုင်သည့်နှင်းထဲမှသူ့လက်တစ်ဖက်အားလက်ဖဝါးမှာလက်သည်းရာတွေထင်ကျန်သွားသည်အထိကျစ်ကျစ်ပါအောင်ဆုပ်လိုက်သည်။သူကအသက်ကိုပြင်းပြင်းရှုလိုက်ပြီးခေါင်းကိုအနည်းငယ်နှိမ့်လိုက်ကာသူ့မုန်းတီးမှုကိုဖိနှိပ်ရင်းအက်ရှရှနဲ့ပြောလိုက်သည်။
"ဆရာ"
သူ့ဝိဉာဏ်မြစ်ပျက်စီးသွားတဲ့မှတ်ဉာဏ်တွေကသူ့တစ်ကိုယ်လုံးကိုနာကျင်မှုနဲ့တုန်ယင်စေတယ်။သူကအေးစက်စက်အသက်ရှုမှုတစ်ခုနဲ့အတူသူ့ကိုယ်သူအကြိမ်ကြိမ်ပြန်သတိပေးနေရလေရဲ့
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
Chapter(3) - Double Return
Start from the beginning
