عجبتكم الصوره
والريشه والرسمه
عجبتكم الالوان
والغصن والقشه
صورة حمامه هناك
والرمز كان لسلام
اثر الرصاص ع الحيط
خرس اللسان بكلام
والسلك كان شايك
بيحاصر الجدران
شالوا سقف البيت
نزعوا الدفا وأمان
حتى الامل مكسور
لون السماء مجبور
حتى المطر محبوس
والقحط كان عنوان
صوت الرصاص يدوى
صوت الصراخ بميدان
كل اللى شارك كان
محسوب على الانسان
زاد الصراخ فى الوطن
منعوا الصدى فينا
صوت الهتاف لويعلى
بيدمروا فينا
ورغم صوت الالم
وكل الامل مدفون
تحت السما بحطام
فضلت لنا احلام
نرسمها فى الصوره
نحلم نعيش فى امان
ونعيش طفوله بجد
ونحقق الاحلام
لطفوله مكسوره
لسه فيها كتير
معاني محفوره
وبلادنا فيها اسير
مجبور على النسيان
صوت الصراخ عوره
مجبور على الكتمان
كل الكتابه حرام
لو قولت فيه طغيان
خليك هنا ساكت
ياتمجد الحكام
اسف ياوطني
مفيش
حريه فى بلادي
صوت الضمير عورة
قالوها لولادي
لو يوم تشوف الظلم
تقول عليه تجديد
ولو تعيش الحلم
يقولوا كان تخريب
راح الربيع وانتهى
واصله كان فى خريف
حلم الجميع أختفى
مع اول شرارة صيف
#الصوره_والرسمه
#ذكرياتي_والقلم
#كرم_محمد_حربي
أنت تقرأ
خريف الأوطان (نثر و شعر)
Poetryوبحب فيك العدل سالك طريق الكُل راضي بحياة الخير كاره حياة الذُل على بيت من الشعر كانت شرارة من الحماس مشتعله، أطفأتها زخات دموع سكبت فوق الأحداث، هنا تقرع الأجراس، ويلفالأبيض كغطاء للرأس.
