خريف الأوطان (نثر و شعر)

أمل مقطوع

انا كنت شايف امل
من ضي نجم الليل
عمت غيوم الكون
زاد الظلام بالليل
كتر الضباب فى السما
ع النجم  خبت ضيه
راح الأمل محجوب
والحلم كان زيه
..
وشعاع أمل بنهار
زغلل عيون الكل
والكل كان فرحان
يجعل صباحك فل
..
كان الطريق خالى
إلا من الأوباش

طلع الشعاع عالى
وصل  السما ولا جاش
والحلم كان مسروق
فى بلدنا والاوطان
كل الصراخ مخنوق
افتح معايا كتاب
..
اول تاريخ الوطن
فرعون وهامان
والشعب كان مكسور
...
ساد الظلام فى الكون
ويوسف ملاه بالنور
والقحط كان غالب
  وسنين عجاف بتطول
زرع الأراضي بخير
حفظ الغلال محصول
وكان فى البلاد عادل
برغم قول الزور
..
اقلب كمان صفحات
تسمع حكاوى كتير
وقصص من الحكام
وظلم ومالهش مثيل
...
وفى عصرنا الماضي
قبل الزمان بزمان
كان فى ارضنا حاكم
قالوا عليه انسان
حكم الرعيه بخير
لكن بطانة سوء
ظلموا معانا الطير
...

كل الأمل فى الوطن
مرهون على اكتاف
كل اللى قال الحق
حملوه على الأكتاف
اضرب بايدك أسير
الكل منك خاف
...
حالف عليك ياوطن
ماتسيبنا للاوجاع
صوت الصراخ انكتم
وظلمك خلاص اتذاع
بتهنا ليه يا وطن
والله حابينك
حالف علينا نعيش
بالفقر كارهينك
يا وطنا ليه الظلم
عايش بينهشك فيك
....
#كرم_محمد_حربي