مشهد وشاهد ع الجميع
مش ناسي حد ولا بيتوّه
واقف مابين الناس
بيرسم صوره لبشر
ممسوح ملامحها
وصوت ضمير البشر
فى الصوره متموِّه
وصوره تاني فى الأثر
فاضل منَّها ألوان
صوره تضحك بالدموع
وصوره فيها
صوت الصراخ بيبان
وضجيج هناك خلف البيوت
طلقات رصاص
وصوت صداه والروح مفارقه
الروح خلاص
وصوره تاني لعاشقين ماسكين ايدين
والضحكه كانت مابين الاتنين
فجأه صوت الضحكه راح
الصياح وقت الصباح
والحق بان
واستبان الفجر من بعد السكون
طلقه كانت فى الجبين
إنت مين؟
على فين تروح وسط السكون
والكون براح
الصمت راح
زاد الصراخ وقلب صياح
وهناك كمان فوق المباني الشاهقه
منظار بيخطف فى الثواني معاه دهور
شاب عمره وبرضوا شكله كان شباب
فجأه روحه بقت غياب فى الإنسحاب
فاضل هنا ساعتين
وبحلمهم عايشين
وكأنهم فاكرين
إنهم عرسان
أضرب بأيدك فوق جبينك وافتكر
كل اللى ماتوا قبل منك وأفتكر
راح دمهم زيك هدر
كل اللى كان باللون رمادي
بيهم غدر
حتي الوطن
لما سمع عن وقعة الليلة الأخير
قام واعتذر
وقال فى النهايه إنهم
شبه الغجر
أصلا ضميرهم مش سليم
ولا فيهم صفات البشر
أنت تقرأ
خريف الأوطان (نثر و شعر)
Poetryوبحب فيك العدل سالك طريق الكُل راضي بحياة الخير كاره حياة الذُل على بيت من الشعر كانت شرارة من الحماس مشتعله، أطفأتها زخات دموع سكبت فوق الأحداث، هنا تقرع الأجراس، ويلفالأبيض كغطاء للرأس.
