صوتك رايح خايف يطلع
خوفك فاضح زعلك يوجع
سلم أمرك للي خالقنا
يفرج كربك ضيقك يوسع
حالك حال الناس ياصديقي
كل شباب الدفعه معانا
شغلك شاغل كل حياتي
تمللي بتزعل لو تلقانا
افرح تبقي الدنيا بسيطه
عارف صعبه الدنيا علينا
سلم أمرك وارضى معانا
تلقى سعادة الدنيا معانا
الارزاق فى الكون تتوزع
رزقك صحه وغيرك مال
ايوا ياصحبي ربك يمنع
ربك يبعد عنك حيرة البال
ضميرك سامع
شرك مانع
ايدك رافع
للي خالقنا
ربك سامع
عالم بينا وبيك
لما هترضى بحالك فيها
بيه يراضيك
ربك عادل فى التقسيم
فقر ولكن عقل سليم
او مستور الحاله ولكن
رزقك انك صحة سليم
وصاحب مال مشغول البال
نفسه يريح م التفكير
حد بسيط فى وظيفه وراضي
وغيره بهمه تحسه وزير
كل الدنيا دايره دواير
لو راح ترضى تلقى الخير
لو راح تغضب او تضايق
ليلك عمرك يبقي عسير
ارضى برزقك وارضى بحالك
تسعد عمرك بركه فى مالك
لكن لازم تسعى ياصحبي
ايوا تدور على اسبابك
اوعاك تقفل على احوالك
وانفق دايما تلقى الخير
تلقى الراحه فى عقل وبال
تلقى الخير بيدق بيبانك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
خريف الأوطان (نثر و شعر)
Poetryوبحب فيك العدل سالك طريق الكُل راضي بحياة الخير كاره حياة الذُل على بيت من الشعر كانت شرارة من الحماس مشتعله، أطفأتها زخات دموع سكبت فوق الأحداث، هنا تقرع الأجراس، ويلفالأبيض كغطاء للرأس.
