وكل يوم جثه وقصه
وسقوط كبير أصبح ركام
زحمه تاني
وصوت صراخ الناس زحام
بعد المحطه بكام دقيقه
القطر فات
وصاحب حياتي فجأة
اصبح م اللى مات
وبيت قصادي إتهد حيله
وحيل بلادنا كله مات
وجع الحياه فى الأصل إنتي
وكل شيء فى حياتنا إنتي
رافضه عيشنا ومغصوبين ع العيشه فيكي
بتهدي حيلنا ولسه برضوا نشد فيكي
مافضلش منك للحياه غير الالم
مافضلش منك للشباب غير السراب
كل اللى عاشوا زينا من قبلنا
قصة حياتهم كلها صفحات عذاب
مقصوره هيا العيشه فيكي ع الذوات
طب واللى عايش بس روحه فى الممات
طب واللى راضي حاله فيكي من سكات
لسه برضوا بتكرهينا وحالفه برضوا تهدي فينا
من سكات
اهو كل يوم فى بلدنا حدثه وحد مات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
خريف الأوطان (نثر و شعر)
Poetryوبحب فيك العدل سالك طريق الكُل راضي بحياة الخير كاره حياة الذُل على بيت من الشعر كانت شرارة من الحماس مشتعله، أطفأتها زخات دموع سكبت فوق الأحداث، هنا تقرع الأجراس، ويلفالأبيض كغطاء للرأس.
