ထို့ကြောင့်လည်းလီလျိုကသူ့အနမ်းတွေကိုမငြင်းဆန်ပဲသူ့ရဲ့အပြုအမူတွေအပေါ်မှာရွံရှာတာတွေဒေါသထွက်တာတွေကိုမဖော်ပြတာကိုမြင်ရတဲ့အခါသူ့နှလုံးသားတစ်ခုလုံးကပိုပြီးများပြားလှတဲ့ပျော်ရွှင်မှုများနှင့်အရိုက်ခံလိုက်ရပြီးလီလျိုကိုပိုလို့တင်းတင်းကြပ်ကြပ်ဖက်ပွေ့ထားမိတော့သည်။
ရှည်လျားလှတဲ့အနမ်းကြီးအဆုံးသတ်ပြီးနောက်ချူးဝူရုံကလီလျိုရဲ့နှုတ်ခမ်းအားအကြိမ်အနည်းငယ်ထပ်နမ်းလိုက်သေးသည်။သူ့အသံသည်လည်းအရင်လိုအေးစက်မနေတော့ပဲနွေဦးကိုဖြတ်တိုက်သွားတဲ့လေပြေလိုမျိုးနွေးထွေးနေသည်။
"ကိုယ်မင်းကိုပြန်ခေါ်သွားမယ်"
လီလျိုရဲ့ဦးနှောက်ကအောက်စီဂျင်နည်းပါးမှုကြောင့်ကောင်းကောင်းမတွေးနိုင်သေးပေ။ချူးဝူရုံရဲ့စကားကိုကြားပြီးနောက်သတိမမူမိစွာဖြင့်ခေါင်းညိတ်ပြလိုက်သည်။
ချူးဝူရုံကလီလျိုကိုလက်ထဲမှာပွေ့ထားရင်းဖြင့်ပင်လီလျိုအားခေါ်ပြီးလှည့်ထွက်သွားဖို့ပြင်လိုက်သည်။မြေပြင်မှာတော့ချူးဝူရုံကလီလျိုကိုပြင်းပြင်းထန်ထန်နမ်းနေတာမြင်ပြီးနောက်လီလျိုအားပြန်ခေါ်ရန်ပြင်ဆင်နေသည့်ဟုန်ရှို့ကဝူရှင်းနဲ့ဝူချွန်ရဲ့တားဆီးခြင်းကိုခံလိုက်ရသည်။သူမကစိုးရိမ်ပူပန်စွာဖြင့်ကျန်တဲ့လက်အောက်ငယ်သားနှစ်ယောက်ကိုခေါ်လိုက်ပြီးသုံးယောက်သားချက်ချင်းပင်ပိုမိုမြန်ဆန်စွာတိုက်ခိုက်ကြတော့လေသည်။
ဝူရှင်းနှင့်ဝူချွန်သည်လည်းချူးဝူရုံရဲ့အယုံကြည်ရဆုံးလက်ရုံးတွေဆိုတဲ့သူတို့အဆင့်ကိုမဆုံးရှုံးချင်တာကြောင့်သုံးယောက်လုံးရဲ့ထိုးစစ်ကတစ်ဖြည်းဖြည်းနဲ့ပိတ်ဆို့ခံလာရသည်။
ဟုန်ရှို့ရဲ့စိုးရိမ်ပူပန်နေတဲ့မျက်လုံးများကအနည်းငယ်နီရဲနေသည်။
"ချူးဝူရုံ,ရှင်သခင့်ကိုမြန်မြန်လွှတ်ပေးစမ်း!"
ဟုန်ရှို့ရဲ့စကားကိုကြားပြီးနောက်ချးူဝူရုံသည်သူ့လက်မောင်းထဲမှာသက်တောင့်သက်သာမှီနေပြီးသူ့ကိုစိုစွတ်မြူစိုင်းနေသည့်မျက်လုံးများဖြင့်ကြည့်နေသည့်လီလျိုအားတစ်ချက်ကြည့်လိုက်ပြီးမှသူ့ကိုယ်ကိုဟုန်ရှီု့ဘက်လှည့်လိုက်သည်။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
Arc(3.34)
Start from the beginning
