သူတို့ကထိုလူငယ်လေးများနဲ့ဖြေးညှင်းစွာပေါင်းစည်းလိုက်ကြပြီးအတွင်းပိုင်းခန်းမဆီသို့ဦးတည်လိုက်ကြသည်။
ထို့နောက်လူအရေအတွက်ကတစ်ဖြည်းဖြည်းများလာပြီးအသစ်ရောက်လာတဲ့အစေခံများပါပေါင်းလိုက်ရင်လူရာနဲ့ချီသွားသည်။လူအုပ်ကြီးကများပြားလှသော်လည်းဘယ်သူမှတစ်ယောက်နဲ့တစ်ယောက်တီးတိုးမပြောကြပဲတိတ်တဆိတ်သာရှေ့သို့ချီတက်သွားလေသည်။
မကြာမီလူအုပ်ကြီးကအတွင်းခန်းဝင်ပေါက်မှတစ်ဆင့်အထဲသို့ဝင်ရောက်လာကြသည်။အတွင်းခန်းထဲသို့ဝင်ပြီးနောက်လူတိုင်း၏လုပ်ဆောင်မှုများသည်ပို၍ဂရုစိုက်လာ၏။သူတို့သည်အနည်းငယ်သောလှုပ်ရှားမှုမျိုးပင်မလုပ်ရဲကြတာကြောင့်အဝတ်အချင်းချင်းပွတ်တိုက်သည့်အသံတစ်ချို့သာကြားရတော့သည်။
လီလျိုလည်းလူအုပ်နောက်ကလိုက်၍ဝင်သွားရင်းဖြင့်မရေမတွက်နိုင်သောစင်္ကြန်များကိုကျော်ဖြတ်သွားရသည်ကိုခံစားရသည်။ခြံဝင်းကသိပ်မကြီးသေ်ာလည်းအထဲမှာရှိတဲ့မြက်ခင်းတိုင်းသစ်ပင်တိုင်းကိုလီလျိုကအနည်းငယ်ကျွမ်းဝင်နေသလိုခံစားနေရ၏။
သူ့ခေါင်းကိုမော့ပြီးတစ်ချက်ဝေ့ကြည့်လိုက်သည့်အခါမှာတော့အထဲမှာရှိတဲ့အမျိုးမျိုးသောပြင်ဆင်တည်ဆောက်ထားသည့်ပုံစံကသူနေခဲ့သည့်အပြာရောင်ငှက်မွှေးတောင်မှခြံဝင်းနဲ့တစ်ပုံစံတည်းဖြစ်နေသည်ကိုမြင်လိုက်ရလေသည်။
မေပယ်လ်ပင်အောက်ကမတော်တဆပျက်စီးနေတဲ့ကျောက်တုန်းစားပွဲ၏ထောင့်စွန်းသည်ပင်တစ်ပုံစံတည်းပင်။
လီလျိုသည်သူ့ရှေ့ကမြင်ကွင်းကိုမြင်ပြီးနောက်မရေမတွက်နိုင်အောင်ပါးလွှာသောအပ်များဖြင့်သူ၏နှလုံးသားကိုထိုးစိုက်လိုက်သကဲ့သို့ခံစားလိုက်ရသည်။
၎င်းသည်ပြင်းထန်သောနာကျင်မှုမဟုတ်သော်ငြားအလွန်သိပ်သည်းတာကြောင့်လူများကို၎င်းအားလစ်လျူရှုလို့မရအောင်ဖြစ်စေသည်။
ထိုအချိန်တုန်းကချူးဝူရုံနဲ့ပတ်သတ်သည့်သတင်းများကိုဖတ်တဲ့အချိန်မှာချူးဝူရုံကသေဆုံးပြီးသားသူကိုရှင်သန်ထမြောက်နိုင်စေမည့်လျို့ဝှက်နည်းလမ်းကိုရှာဖွေနေကြောင်းသိတုန်းကဒီလောကထဲကသူ့ရဲ့တည်ရှိမှုကချူးဝူရုံအတွက်ဘယ်လောက်အရေးကြီးလည်းဆိုတာချက်ချင်းသိခဲ့သည်။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
Arc(3.27)
Start from the beginning
