အိမ်၏အတွင်းပိုင်းမှာလွန်ခဲ့တဲ့နှစ်တွေကလီလျိုမှတ်မိနေခဲ့သလိုပဲလူတစ်ယောက်နေထိုင်ခဲ့သည့်နေရာနှင့်မတူဘဲအလွန်သန့်ရှင်းနေသည်။အိမ်၏ဝင်ပေါက်တည့်တည့်တွင်ဧည့်ခန်းရှိသည်။ဧည့်ခန်းနံရံမှာတော့ ၁၀ လက်မကျော် LCD တီဗွီတစ်ခုချိတ်ထားပြီးတီဗီရှေ့တွင်သေးငယ်သည့်စားပွဲတစ်ခုနှင့်ဆိုဖာသုံးခုရှိသည်။
ဂျင်ချန်းဂျီဝယ်ယူခဲ့သောဤအိမ်သည်ပုံမှန်အိပ်ခန်းသုံးခန်းပါရှိသည်။သို့သော်မာစတာအိပ်ခန်းတစ်ခုကလွဲရင်တစ်ခြားနှစ်ခုကစာကြည့်ခန်းနှင့်အားကစားပစ္စည်းအမျိုးမျိုးရှိသောအားကစားခန်းမတစ်ခုဖြစ်သည်။ဒါကသူ့ရဲ့ကိုယ်ပိုင်နေရာလေးဖြစ်တယ်ဆိုတာမြင်နိုင်ပြီးဧည့်သည်လာနိုင်တယ်ဆိုတာမျိုးမတွေးထားသလိုပင်။
လီလျိုကိုအိမ်ထဲခေါ်လာပြီးနောက်ဂျင်ချန်းဂျီကချက်ချင်းအခန်းထဲကလေနွေးပေးစက်ကိုဖွင့်ပေးလိုက်သည်။
လီလျိုကသူ့ခြောထောက်ထက်ကြီးတဲ့စလစ်ပါကိုဝတ်လိုက်ပြီးနောက်ဧည့်ခန်းဘေးကသန့်စင်ခန်းဆီတိုက်ရိုက်သွားလိုက်ပြီးသူ့ရဲ့ရေချိုးခန်းသုံးပစ္စည်းများကိုထားဖို့ပြင်၏။
သို့သော်သူခြေလှမ်းအနည်းငယ်သာလှမ်းရသေးသည်ဂျင်ချန်းဂျီကပြောလာသည်။
"ငါ့အခန်းထဲကသန့်စင်ခန်းထဲထည့်ထားလိုက်...မင်းထတဲ့အချိန်ဆေးကြောဖို့အဆင်ပြေတာပေါ့"
မူလကမာစတာခန်းရဲ့သန့်စင်ခန်းထဲသူ့ပစ္စည်းတွေတိုက်ရိုက်ထားလိုက်ရင်ရိုင်းလိမ့်မယ်လို့တွေးထားပေမယ့်ဂျင်ချန်းဂျီကအကြံပေးနေပြီဖြစ်တာကြောင့်လီလျိုသည်လည်းမငြင်းတော့ပေ။ဂျင်ချန်းဂျီအားကျေးဇူးတင်စကားပြောပြီးနောက်ဂျင်ချန်းဂျီရဲ့အိပ်ခန်းထဲဝင်သွားသည်။
ဂျင်ချန်းဂျီရဲ့အိပ်ခန်းကဂျင်ချန်းဂျီအပေါ်လူတွေခံစားရတဲ့ခံစားချက်နဲ့တစ်ပုံစံတည်းပဲဖြစ်သည်။အခန်းတစ်ခုလုံးကိုအလွန်ရိုးရှင်းလှသည့်အအေးရောင်ဖြင့်ဆင်ယင်ထားသည်။
ကြီးမားတဲ့အနက်ရောင်အိပ်ယာကိုတူညီသည့်အနက်ရောင်အမွှေးခင်းဖြင့်ဖုံးအုပ်ထားသည်။မီးခိုးရောင်ကုလားကာသည်လည်းမတင်ထားပေ။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
Return to the University (8)
Start from the beginning
