ပြောလို့ပြီးသည်နှင့်မူလရေးထားတဲ့စာဖိုင်များအားကွန်ပျူတာထဲသိမ်းဆည်းလိုက်ပြီးကွန်ပျူတာကိုအိတ်ထဲပြန်ထည့်လိုက်သည်။ပြီးတာနဲ့သန့်စင်ခန်းထဲမှရေချိုးခန်းသုံးပစ္စည်းများနဲ့သဘက်ကိုအိတ်ထဲပစ်ထည့်၏။
သူပြန်ထွက်လာတဲ့အချိန်မှတော့ဂျင်ချန်းဂျီကလက်တစ်ဖက်မှာကွန်ပျူတာအိတ်ကိုင်ပြီးနောက်လက်တစ်ဖက်ကအဝတ်အိတ်ကိုင်ကာရပ်စောင့်နေသည်ကိုမြင်လိုက်ရသည်။
လီလျိုကဂျင်ချန်းဂျီဘေးကိုလျှောက်သွားလိုက်ရင်းဖြင့်သူ့လက်ထဲကသူ့ပစ္စည်းတွေကိုကြည့်ကာပြောလိုက်သည်။
"ချန်းဂျီ,အဲ့ဒါငါ့ပစ္စည်းတွေလေကိုယ့်ဘာသာကိုယ်သယ်ပါ့မယ်"
"ရပါတယ်,သွားရအောင်" ဂျင်ချန်းဂျီကလီလျိုကိုငြင်းဆန်မယ့်အခွင့်အရေးမပေးပဲသူ့ပစ္စည်းတွေကိုကိုင်ထားရင်းနဲ့ပင်အဆောင်တံခါးမှချက်ချင်းထွက်သွားတော့သည်။
လီလျိုကရှက်ရွံစွာနဲ့နှာခေါင်းကိုထိမိသော်လည်းဂျင်ချန်းဂျီရဲ့အပြုအမူကြောင့်ရင်ထဲမှာနွေးထွေးသွားမိတာကြောင့်မနေနိုင်စွာနှုတ်ခမ်းတစ်စုံကွေးညွတ်တက်သွားရ၏။ဒီလိုသူငယ်ချင်းမျိုးရှိတာတကယ့်ကိုအကြီးမားဆုံးကံကောင်းခြင်းပဲ...
အတွေးတွေကိုထပ်ပြီးမရှည်ကြာစေတော့ပဲလီလျိုကဂျင်ချန်းဂျီနောက်ကနေအလျင်အမြန်ဖြင့်အမှီလိုက်သွားတော့သည်။
****
ဂျင်ချန်းဂျီဝယ်ထားတဲ့တိုက်ခန်းကNတက္ကသိုလ်နဲ့သိပ်မဝေးသောခရိုင်တစ်ခုမှာဖြစ်သည်။ထိုခရိုင်ကလွန်ခဲ့တဲ့နှစ်အနည်းငယ်ကမှအသစ်တည်ဆောက်ထားခြင်းပင်။
အတွင်းပိုင်းရှိအဆောက်အအုံအားလုံးကနောက်ဆုံးပေါ်ဖြစ်ပြီးဂိတ်တံခါးကိုလည်းလုံခြုံရေးအစောင့်များစွာခွဲဝေနေရာချထားတာကြောင့်အကောင်းဆုံးလူထုလုံခြုံရေးရသည့်ခရိုင်တစ်ခုဖြစ်သည်။
လီလျိုသည်ဂျင်ချန်းဂျီနောက်ကနေလိုက်သွားရင်းခြောက်ခုမြောက်တိုက်ခန်းရဲ့ရှစ်လွှာသို့ရောက်သွားသည်။မကြာခင်ပဲဂျင်ချန်းဂျီကညာဘက်မှလေးလံသည့်သူခိုးကာကွယ်နိုင်သောသစ်သားတံခါးကိုဖွင့်ပြီးလီလျိုနှင့်အတူဝင်လိုက်သည်။
YOU ARE READING
(Completed )The Transmigration Routine of Always Being Captured by ML
Randomမနက္ခင္းတစ္ခုတြင္ system နွင့္ခ်ည္ေနွာင္ခံရျပီးေနာက္ MC မွာလုပ္ရိုးလုပ္စဥ္တစ္ခုကဲ့သို႔ပင္ ML ဤဖမ္းဆီးျခင္း/တုိက္ခိုက္ျခင္းအားခံရသည္။ ML ရဲ႔ညီငယ္ေလးပဲျဖစ္ျဖစ္၊ဆရာပဲျဖစ္ျဖစ္ျပိဳင္ဘက္ပဲျဖစ္ျဖစ္ကိစၥမရွိဘူးဒါေပမဲ့အဆံုးမွာေတာ့အျမဲတမ္း ML ရဲ႔အတင္းအဓမၼေခၚေဆ...
Return to the University (8)
Start from the beginning
