عشقت انفاسك
الحلقه 25
قيس ** ردي بعدين را ع النقال
《☆☆☆》
ليلى ** تي كنك مش هك انت حطي المشروب في التلاجه وانا تو نديره هذا
ولاء ** هشام وصل قاعد في المربوعه مع علاء
امي طلعت سلمت عليه
ليلى ** حتى انا حمادي اشوي ويوصل
أحمد / خشيت علاء وهشام قاعدين
جابو الغدئ تغدينه وهدرزنا
اتكيت ولعت سبسي وحطينه أخبار
أحمد ** أنا خلاص نستأذن
علاء ** مزال اقعد
أحمد ** والله تاعب بنروح انقيل
علاء ** قيل هنا عاد حوش انسابتك زي حوشك
أحمد ** به خلي نستشير وزارت الداخليه ههههه
طلعت كلمت ليلى
ليلى ** ها حبيبي هي نطلع
أحمد ** قلبي مزال مكسد مع الشباب عادي
ليلى ** ههههه عادي كنك تسأل غريبه
أحمد ** غريبه ياشفشه ديمه ناخد في رأيك نا
أحمد / خشيت رقدت تاعب بكل معاش حسيت بشئ
ولاء / هشام اشويه ورن عليا طلعت روحت
ليلى / ولاء روحت وعلاء طلع مع مراته للمستشفى مندر عنده موعد يعني اكيد الافندي راقد بروحه مشيت للمربوعه
خشيت عليه راقد متعنق مخده ويشخر
قربت منه
ليلى ** بس بس انت ياسمح نوض سادك نوم
كرني ورقدني جنبه
أحمد ** لولو عطيني بوسه بس
ليلى / يحكي وهو مغمض عيونه واضح يحلم
قعدت انفك في روحي من بين ايديه فطن نط
أحمد ** كنك هبلتي نوضي بسرعه عنجد راقده جنبي
ليلى ** مش عارفه من الي هبل انت كريتني ولا عطيني بوسه
احمد** انا
ليلى ** لا انا
احمد ** هههه نحسابه حلم / بحتت في يديها محنيه
أحمد ** نجك نجك اتهبل / وبست يدها
أحمد ** هيا اطلعي بسرعه في حلم تاني نبي نحلم بيه
أحمد / في السياره كلم ياسر يعزم علي لمت اخته جابت بنت وعازم امي وليلى وزينب وخوله
《☆☆☆》
( عند ياسر )
ياسر ** حبيبي شوفتيها البنت
سمر ** اي تهبل يسو زي ساره
ياسر ** به حتى يسو يبي
سمر ** شن
ياسر ** بنوته زيك نسخه من امها
سمر ** أن شاء الله ربي يرزقنا
ياسر ** كيف ربي يرزقنا وانت ليك قريب شهر مانعتيني نلمسك
سمر خلي نحكوا جد بحتي فيا ها شفتي حتى وجي مش طايقتيه كنك سمر شن صاير معاك
احكي معاش اتحبيني ولا شن
سمر ** نبيش نحكي توا بعدين ساهل
ياسر ** لا توا نحكوا ونحلو الموضوع انا خلاص قريب ننجن نبي نفهم شن قصتك
سمر ** ياسر قتلك بعدين نحكوا تو نبي نمشي لحوش بكرا ماشين نلبسو زينب الدبله
ياسر ** به هيا نوضي نوصلك وانا عندي عزاء عيت ال........ ماشي نعزي وانا مروح نخطم نروح بيك
حطيت سمر عند هلها ومشيت للعزاء
قعمزت جنب شباب اصحابي ايام الثانوي من زمان عليهم
فتحوا موضوع الصبايا وكيف رايحه الدنيا اتخوف كل واحد حكى قصه
غسان ** ياداير يالاقي تي كل واحد داير حاجه يلقاها يااما في اخته ولامراته ولابنته
ياسر / طول خطر عليا موضوع موده
غسان ** تي نعرف واحد متزوج يسافر وع اساس قايل لمراته شغل وهك في الاخر طلع يخون فيها
وبعد فتره قعدت مراته تتغير معاه هك جو تتهرب منه معاش تبيه وفي الاخر طلبت الطلاق طلقها وطول تزوجت غيره . بعدين عرف انها متعرفه علي الشاب الي تزوجاته من قبل تطلق
محمود ** تي الدنيا رايحه تخوف الصبايا معاش ليهن امان هما حتى الرجاله بس الصبايا اكتر تنخاف منهم خصوصا مع هالنت تخاف يضحك عليهن شئ فرخ طايش ويزلبحن
احسن حاجه لانت ولانتوت انا هك مداير مع خواتي تي مرا مرا العنف اكويس . يبن مرا مرا عطيه ع الراس بش يسقمن
غسان ** هههههه اي معاك حق
محمود ** اي امالا ليش اسمانا رجاله . بنات تو معاش ينقدرن دلع وكسر رقبه نبي هذي لالا نبيش
منحبش انحب تي يزعمن الكبد علي قولت باتي ههههه
غسان ** خطرها علي باتك كيف حاله لحاج علي
تي متزوج زوز كيف داير
محمود ** لا وين مصيطر عليوه يقول يمين يجن يمين يقول يسار يجن يسار هك الراجل الصح انا ناوي اندير زيه بعد نتزوجوا نوريها لعين الحمره من البدايه مش نخليها تاخد راحتها لين تنزل عليا وتمزطني
ياسر / ولعت السياره وكلامه في ودني قصة المرا الي طلعت تكلم في واحد غير راجلها
وكلام محمود علي الشده والوعاره مع المرا يخليها تحترم راجلها بس كان خليتها علي راحتها تهزئ عليك
كله كلام خش لعقلي وقعدت انفكر فيه
شكلي خليتك علي راحتك ياسمر واجد لين مستهزئه بيا ومش هامك بكل شن انحس ولا شن يكون احساسي وقت تنفري مني
درست قدام حوشهم طلع حسام هدرزت معاه بعدين طلعت سمر
روحنا خشت للحوش جود راقد خشت بتحطه في داره لحقتها
ياسر ** حطيه والحقيني في الدار
ومشيت لدار طولت ماجتش رديتلها القيتها متسطحه جنب جود
ياسر ** مش قتلك الحقيني
سمر ** وانا مانبيش نلحقك حره انا شن دخلك
ياسر / مسكتها من يدها كريتها ** حره وشن دخلك لا متربيه اكويس المدام
ياسر / دخلتها لدار وصكرتها بالمفتاح قعدت نقلع في قميصي
سمر ** شن تبي ادير
ياسر ** كيف اي زوجين بناخد الشئ الي مانعتيه عليا ليك شهر / وقربت منها كانت أفكاري سوده
كلام الشباب سيطر عليا معقوله سمر معاش تحبني معقوله لقت بديل وهذا مبرر تهربها مني الأيام الي فاتن لا لا مستحيل مجرد التفكير في الشئ هذا يخليني نهبل
دفيتها ع السرير طاحت جيت
جيت عليها
قعدت تدف وتبكي انحس بدموعها ساخنات ينزلن علي صدري كنت انبوس فيها خشن دموعها في فمي مالحات فطنت بروحي انا شن ندير
عدلت جلستي وبحتت فيها
ياسر ** اسف
مردتش تبكي وخلاص
ياسر ** سمر اسكتي مدرتش شئ انا بستك بس
سمر ** بس كنت ناوي صح
ياسر ** كنت ناوي بس برضاك
سمر / نضت من السرير وقفت مقابله وقعدت انعيط
سمر ** وانا مش راضيه ومستحيل نرضى تعرف ليش لأنك اع تزعم الكبد انحس بروحي بنرجع وقت تقرب مني . تتلصق وتدحنس 24 ساعه متعياش متفهمش يابني أدم منبيكش افهم م ن ب ي ك ش
تي كيف بتفهم وانت متفكرش غير في روحك ورغباتك جايني تتهجم زي الحيوانات ماعندكش كرامه انت تي خودها من الاخير تدره كبدي منك معاش تقرب مني
ياسر / وقفت نسمع ومصدوم** هذا كله في قلبك ياسمر انا معنديش كرامه انا نتلصق وندحنس انا زي الحيوانات انا تدره كبدك مني
طلعت من الحوش ضايع مش عارف وين نمشي كيف اندير طلعت نقالي بعتلها رساله
( اليوم بايت برا بكره نتفاهمو
وكان تبي الطلاق مش هنمنعك انت حره دابني ندرهلك في كبدك وزي الحيوانات . الله يسامحك انا يسو اتقولي عليا هك جرحتينييييي واجد بالكلام هذا يسمر متوقعتاش منك)
بعتت الرساله ودموعي ينزلن آخر شئ كنت نتوقعه من سمر تحكي هك عليا تي هذي حب حياتي وشقايا ودنيتي كلها
سمر / هديت اشويه وصلتني رسالته قريتها وقعدت نبكي ليش هك ياياسر انت الي خليتني نحكي هك كان مادرتش هك را مصار شئ
حسيت بروحي غلطت في حقه قعدت نرن عليه مقفل
ياسر / نبرم في الشوارع وخلاص رن نقالي كنت نبكي بحتت موده رديت
موده ** الو
ياسر ** ها موده
موده ** مش موده دودي اسمي بعدين شن ها هذي رايفتلك
ياسر / حسيت بالقهر من سمر انحس بروحي بنبرد علي قلبي منها بالطريقه هذي نبي ننتقم لكرامتي و لجرح الي سبباته ليا لو كانت هي شايفتني اندره الكبد ومتبينيش فا في من بيموت ويرضيني
كلامها خلاني مخنوق ومضايق معاش قدرت انفكر في شئ تي انا نزعم الكبد ومعنديش كرامه غلطتي ياسمر والي يزعم الكبد في من بيموت عليه
ياسر ** نعم يااحلى دودي في الدنيا
موده ** هههههههه بدينا في الجو السمح
ياسر ** العب عنجد ضحكتك
موده ** اتجي عندي في ا ل ش ق ه
ياسر ** لا فكينا عاد خلينا ع النقال مش مقصرين حتى هك
موده ** هههههه اي مش مقصرين بس كان تجي خير
ياسر ** مرا اخره
موده ** ديمه اتفوت فيا انت وانا نبيك افهم شن معناها عاد
ياسر / خطر عليا كلام سمر ،، انا معاش نبيك افهم معاش تقرب مني
حسيت بغصه وضيق خاطر
ياسر ** شقتك في عماره صح
موده ** ههههههه اي حبيبي بس عماره مهجوره فيها شايب وعزيز اكيد راقدين تو تقدر اتجي
ياسر / بدون وعي القيت روحي داق عليها فتحتلي خشيت دايره ورد وشموع في الشقه
لابسه قصير
جابتلي عصير وجت قعمزت في حجري وقعدت تمشي بصوابعها علي وجي
موده ** شن رأيك نخشو داخل
ياسر / معاش عرفت انفكر منظرها مغري القيت روحي خاش معاها لدار
خشيت معاها لسرير وحطيت والورغان علينا
فجأه وقبل مايصير شئ سمعت صوت سمر في ودني كأنه تدويلي ( يسو حبيبي/ . انحبك . بارد /.سوسو تبي شكلاطه / نبي قفطان جديد راه / جود تقولش بابا قول ماما بس)
كلامات ديمه تدوي فيهن فطنت لروحي وخرت من موده لبست وطلعت لصاله لحقتني
موده ** كنك شن صار
ياسر ** انت وين اهلك
موده ** انا اهلي متوفين وخويا متزوج بريطانيه وعايش برا
ياسر ** ومخليك بروحك
موده ** اي عادي
ياسر ** والشئ الي تو صار عادي عندك
موده ** انا هك عادي عندي انت كنك تعال نقولك
ياسر/ كرتني دفيتها
موده ** بلاش جو . خشيت لشقه يبقى تدفع سوا درت شئ أو لا
ياسر ** خزي عاهره بنات آخر زمن
موده ** اسكت ياسدنا الشيخ وانت بتعمل ايه عندي بتقرأ قرأن مثلا
ياسر / رميتلها فلوس علي وجهها وطلعت
طول الطريق نبكي كيف درت هك أعوذ بالله من الشيطان الرجيم لحظة ضعف اشوي ودرتني
مش معقوله ندير في سمر هك هذي حياتي وام عيالي دنيتي كلها بس الي صار اليوم عمي علي قلبي مقدرتش انفكر اكويس
درست السياره قدام حوشنا وفتحت نقالي وصلني عرم رسائل مكالمات فائته من سمر
فتهن وفتحت ع الصور قعدت نتفرج علي صورها
هذي لما كانت حامل بجود وهذي وقت مرضت انا
نتفرج ومنزلتش من السياره
فجأه سياره قربت ودرست نزل حسام يجري وراعش نزلت وراه قعدت نادي عليه
التفتلي وهو خاش يجري
حسام ** الحق سمر ياياسر
ياسر ** سمر كنها / وركبت نجري دقيت مافتحتش قفعت الباب بحد جهدي انفتح خشيت اندور فيها القيتها طايحه جنب السرير رفعتها ونزلت بيها
حسام ** ارجي استرها قبل
ياسر ** منى جيبي عبايه ووشاح / في هذك الوقت قعدت ترد لوعيها كنت رافعها خفت تضايق مني ودفني بايخه قدام خوها وامي وخواتي
ياسر ** سمر اهدئ ياروحي ماشين للمستشفى
سمر / رافعني ويبكئ خايف عليا واجد مسكت في رقبته زين حطني في السياره ركب حسام وعمتي معانا ومشينا للمستشفى
خشيت لدار جت دكتوره فحصتني
دكتوره ** مع الأسف صارلك نزيف وخسرتي البيبي
سمر ** بيبي قصدك انا حامل
الدكتوره ** تقريبا من شهر
سمر / قعدت نبكي طلعت الدكتوره
خش ياسر يبكي
ياسر / جيت قعمزت جنبها
سمر ** يسو البيبي
ياسر ** هششش حبيبي أهم شئ صحتك
سمر ** نبي نرقد
ياسر ** ارقدي عمري
ياسر / رقدت سمر طلعت لدكتوره حسام قاعدت وامي قلت لأمي تخش احداها
رنت منى تنشد عليها
ياسر ** جود ناض
منى ** لا قاعده عنده فوق مزال راقد
ياسر ** رد بالك منه مرات انبات انا وسمر في المستشفى اليوم
منى ** به أن شاء الله ربي يعوضكم خير
ياسر ** أن شاء الله
حسام ** اشوي تاني بيديرولها عملية مسح
ياسر ** اي هكي قالت الدكتوره
حسام ** انا بنكلم امي بنطمنها مسكينه هي الي خبرتني سمر قبل ادوخ كلمتها قتلها انها دايخه ونزيف وكلماتك نقالك مقفل وفي نص المكالمه طاحت ومعاش ردت علي امي جتني راعشه قتلي الحق أختك
ياسر ** عمره شهر
حسام ** متنكدش علي روحك ربي يعوضكم أن شاء الله
ياسر / مشئ حسام يكلم في أمه وانا خشيت ع الدكتوره
ياسر ** عندي استفسار ومتحشم
دكتوره ** خود راحتك انا دكتورت سمر واي حاجه متعلقه بصحتها ونقدر انفيدك بيها اتفضل متتحشمش
ياسر ** تو الحمل يأثر علي المرا يعني يسببلها اضطرابات وحالة نفور يعني هكي
دكتوره ** مفهمتش
ياسر ** يعني سمر في فترة حملها كرهتني معاش طايقه وجي يمكن ايكون هذا بسبب الحمل انا سامع ان في صبايا يتوحمن علي رجالتهم ويكرهنهم
دكتوره ** اي الي سامعه صح في وحم يجي بكره شخص واكيد سمر مرت بالفترة هذي
ياسر** به امتى ترجع طبيعيه
دكتوره ** يومين بالكتير
ياسر / سيبت الدكتوره ومشيت لسمر
《☆☆☆》
بعد مرور يوم
يوسف / اليوم لمت بنتي
ركبت خيمه وجهزنا كل شئ وصيت ساره اغاني لا
رقيت عليها وعلي مريم وحصنتهن
ساره / زحمت الدنيا وجت سندس بنت خالتهم بتستقر عندنا باتها توفى ومعندهاش حد هي وخوها
ايه قعمزت جنبي وهند تحوس هي وسندس
ساره ** هند عدي قوليلهم يطلعو العصير وقت
ناضت آيه جن وحدات يباركن
طلعو عصير
آيه ** ساره طالعه تهبلي من دارلك المكياج
ساره ** سندس
آيه ** والله
سندس ** هازيه عليا امالا
آيه ** لا لا أعوذ بالله
هند ** تي شعري رقاها ليا هكي مساوي
ساره ** مساوي مساوي غير عدي شوفي هذيك المرا اتأشر ليك شوفيها كنها
ساره / مشت هند اشويه ورجعت وجهها أحمر
هند ** تبي تخطب
آيه ** والنبي
هند ** حرام متحلفيش بالنبي قولي بالله عليك
آيه ** هيا شيخه هند شن قالتلك بلاش فلسفه
هند ** سألتني بنت من قلتلها اخت يوسف
هي من معارف امي بس انا منعرفهاش قتلي كم مواليدك قتلها 94 قتلي اننجوكم عادي تعطو قتلها متعبش روحها هههه
ساره ** ليش هك
آيه ** تبيش تزوز توا بس وينها المرا بالك يصير مني انا ههههههه
هند ** خزي بارده انت نصيبك قاعد وقرب قربيت علي قولت ابومحمود هههههه
ساره / رنيت علي يوسف
يوسف ** ها عيوني ناقص شئ
ساره ** العشئ حبي
يوسف ** في الطريق جايبه قولي لصبايا يوقفن يتلقى مني
ساره / جا يوسف طلعت آيه وهند وسندس لبست وشاح وعبايه وطلعت معاهن قدموا العشئ لناس وجابن مقعد كسكسو جنبي وقعمزن
آيه ** مش قتلك رايح سمح
سندس ** اي والله متغير رايح سمح باللحيه والبدله العربيه تعطيه أصغر من 32 يبان اصغر من عمره
هند ** تي مراته تغير شن سمح هذي
ساره ** علي من تحكن
آيه ** علي زوزك ياحنه
سندس ** علي يوسف ليا قريب تلات اسنين ماشفتاش رايح متغير واجد شكله بعد تزوج تريح وراح سمح
هند ** كنه قبل شين وخي يهبل
سندس ** ههههه تي لا ياهمي مش هكي أوفي من قبل سمح بس زاد تسمح
ساره ** أوفي!
سندس ** معليشي ساره بس هك طلعت مني انا متعوده نقوله هكي من زمان من ونحن صغار
آيه ** سرو هذي ويوسف زي الفار والقطوس زمان بكل ديمه عركات و24 ساعه والهم هذي قاعده عندنا زمان حوشهم قريب من حوشنا بس بعدين غيروا وديمه عندنا غدئ وعشئ وفطور طلعت اعيونا ومتفهمش انوزعوا فيها وهي شئ تنباله عندهاش كرامه هههههههه
سندس ** خزي انا هك هههههههه
ساره ** عرفك يوسف تو
سندس ** عرفني وأول ماشافني قعد يعلق عليا
يقولي فلونه جت
هند ** هههههه فلونه قاعد مذكرها القصه
ساره ** قصة شن
سندس ** ههههه زمان وانا صغيره كنت نتفرج علي الرسوم واجد في فتره قعدت نتابع في فلونه بعدين تعاركت مع اهلي هك جو صغار لميت دبشي وقعدت في الجنان درت خيمه وقعدت لعند الليل بعدين خشيت خفت وقعدت اسبوعين متأثره بفلونه ونتكلم كيفها فعمك يوسف سماني فلونه
هند ** ساد نوضن بلاش نفخ خلي انضموا الناس روحوا
ساره / نضت ضميت معاهن اشويه بعدين قاللي تريحي كيف جايبه رن يوسف قاعد في الشقه فوق ركبتله القيته داير شاهي وسندوتش تن
يوسف ** عيوني جيعان بكل فيش مقعد زايد لوطه
ساره ** تو نرن علي هند اتشوف
ساره / جابت هند كسكسو حطيتله في الصاله قعمز يأكل سهفني كليت معاه
يوسف ** شن اللمه مشت كيف ماتبي
ساره ** اي وحتى سندس جت / دار حركه قرب من جيهة فمي بفمه
ساره ** حول كنك
يوسف ** ههههه في حبيبت كسكسو كليتها
ساره ** نأكل زي البيبي صح
لازم نلبز فمي ههههه
يوسف ** مش مشكله ياعمري انا قاعد شن اندير انتي لبزي وانا نمسح وراك ههههه
ساره ** قتلك سندس جت
يوسف / نضت انلم في مكان ايكالي** اي شفتها
ساره ** وليش اتشوفها مش حرام هي بنت خالتك
يوسف / مسكتلها خدودها ** نجي غيوري ياربي
《☆☆☆》
ياسر / روحت سمر من المستشفى قعدت يوم عند هلها بعدين مشت للمت ساره مع الساعه 11 روحت جابتلي عشاء كسكسو ومشروب وفواكه
سمر ** دزتهن لك ساره
ياسر ** نجيها وخيتي تفكر فيا
سمر ** انا وقضتها من البدايه اصلا
سمر/ قلعت عبايتي وجيت قدامه ** شن رأيك حبيبي في القفطان
ياسر ** سمح / فتتها ولعت التلفزيون
سمر / يبيش يدورني قعمزت حط كوره قعدت مقعمزه اشويه بعدين نضت خشيت لدار طلعت روب لبسته وطلعت شعري وبخيت ريحتي دكنت روجي وطلعتله القيته متسطح ع الكنبه يتفرج ع المباراه قربت خشيت وراه في الكنبه ورقدت علي صدره
سمر ** حبيبي متسمح اليوم
ياسر ** عنجده ميعرفش يلعب تي شوط لصاحبك ياحمار مش عارف كيف مخلينه يلعب لا لا ها قريب سجلو قول
سمر/ مش معبرني بكل مسكت وجه بيدي وبرمته ناحيتي
ياسر ** سمر كنك حولي مباراه بنتفرج
سمر ** تفرج بعدين تو خليك معايا
ياسر / نطيت قعدت انصفق ** قولللللل الله أكبر تي شوفي كيف رماها الكوره
سمر / نرفزني مش معايا بكل نضت خشيت لدار
ياسر / فاطن لحركاتها بس حاب انابشها اشويه
لحقتها في الدار
ياسر ** تعالي تفرجي مباراه سمحه را
سمر / كنت ندير في كريمه ليديا ** تفرج انت ساد
ياسر / قعمزت جنبها ** كنك
سمر ** لا مكنيش بس لابسه وريحه ودايره جو لراجلي وهو مش لاهي بيا
ياسر ** تي راجلك هذا احمار غير قوليلي شن اسمه وين نلقاه وانا نربيه لك
سمر ** ههههه كان يتفرج ع المباراه كان بدوره في الصاله قدام التلفزيون
ياسر** تو في حد يسيب عسل زي هك ويتفرج علي مباراه / رفعتها ونزلت بيها ع السرير واااااااا
ياسر / رن نقالي فطنت عثمان صاحبي
عثمان ** ياسر شفت القول الي تو
ياسر / نندريش علي القول ولا شن صار في المباراه انا مش جنب التلفزيون رديت عليه
ياسر ** اي شفته
سمر ** كذاب
ياسر / غميت النقال ** تي اسكتي يادعوه تبي تفضحيني
عثمان ** لاكن مباراه قويه اليوم
ياسر / بحتت في سمر وضحكت ** ايه قويه بكل
بعدت النقال اخره ** تي اركحي ياهمي خلي الراجل يصكر قبل
سمر / فكيت منه النقال وصكرته ** سادك منه عثمان وخليك معايا
ياسر ** هههههه تي عيب اثقلي الزح
سمر ** حقه ره كأني زودتها
ياسر ** لا لا خليك زي ماانتي مزوتيهاش شوقني الدوه ماصدقنا رجعتي زي قبل نحن
سمر ** حبيبي اسفه الفتره الي فاتت كانت بسبب الحمل تعرف كرهتك ههههه
ياسر ** كرهتيني وكرهتيني روحي
سمر ** قاعد زعلان من كلامي
ياسر ** لا حبيبي نزعلش منك انا عارفك مش قاصده
سمر ** اسفه
ياسر ** انا الي اسف
ياسر / في خاطري انا الي مفروض نتأسف اه لو تعرفي شن درت ياسمر تكرهيني بجد هذيك الوقت بس مستحيل نخليك تعرفي لانه لو عرفتي اكيد بتنتهي حياتي معاك
سمر / عطيته بظهري وهو قعد ماسك
سمر ** يسو رقدت
ياسر ** نعست قليبي وعيوني بيتغمضن
سمر ** به
ياسر / برمتها ** شن يبي العسل
سمر ** امممم بكره نمشو لسوق ناخدو لخطيبت حسام هديه لبيانها
ياسر / مسكتها حطيتها علي صدري
ياسر ** به غير تو ارقدي خلاص نعست
《☆☆☆》
زينب / اليوم جاين هل حسام بيلبسوني دبله
جت ليلى من الصبح وتت معانا الشي الي بنقدموه
انا لبست قفطان أحمر طويل مشيت لكوافير درت تسريحه ومكياج
روحت للحوش وصلتني رساله من حسام
( زيزي وصلنا )
قعدت نرعش وايديا عرق
ليلى ** اهدي يازوزي خلاص أقرب قرأن وسمي بسم الله انا ماشيه بنسلم حسهم جو
طلعت ليلى سلمت بعدين طلعت انا و
يتبع
