عشقت انفاسك

الحلقة العشرون

ساره / خلاص انحس بروحي جعانه امي مدايره العشئ كسكسو وانا منحباش من يوم حملت وانا مش طايقه ريحته اتصلت بي يوسف
يوسف / كنت مع مصطفى صاحبي نظم معاه في الجامع امتاعه رنت ساره رديت وجنبي مصطفى مخديتش راحتي
يوسف ** ها
ساره ** حبيبي هكي الناس اترد ها بدل مرايف عليك من الصبح مشفتكش
يوسف ** أن شاء الله خير
ساره ** في حد جنبك
يوسف ** ايوه صح
ساره ** ههههه به حبيبي اسمع خاطري في شئ من المطعم جعانه جيبلي وجبه
يوسف ** مش فاضي تو بكره ان شاء الله
ساره ** انقولك جعانه اتقولي بكره لا نبي توا انا
يوسف / نتيت عليها كسرتلي رقبتي وهي تدلع** قلنا بكره مافهميش انت ولا شن
مصطفى بحت فيا وطلع وسيبني
ساره **😢 به تصبح علي خير 
وصكرت عليه
يوسف / صكرت عليا اتصلت بيه راقيلي
يوسف ** انت كيف تصكري عليا يامدام انا مكملتش كلامي معاك آخر مره اديريها سمعتي اخر مره
ساره / يهزب قريب يطلع من النقال ** 😢 به انا اسفه
يوسف / قعدت تبكئ قطعتلي قلبي منقدرش نتحمل دموعها قبل بنصكر بس تراجعت
يوسف ** به شن تبي انجيبلك
ساره **😢 يوسف تصبح علي خير نبيش شئ
يوسف ** نور اعيوني نا اسف هيا عسولتي قولي شن نجيبلك يرضينيش مراتي الدلوعه ترقد جعانه
ساره / قدر يراضيني بكم كلمه كالعاده
قلتله علي نبيه وجابه رن عليا
يوسف ** سرو اطلعي نا قدام الباب
ساره ** تو نبعت غسان ولد خوي معاذ يأخذه منك
يوسف ** لا لا تعالي انت كنهادا  نروح بيه
ساره ** حبيبي شن الفرق انا شن بنوضني توا
يوسف ** تفرق وااااااجد نبي نشوفك مرايف ع القمر
ساره ** حي ع الشيخ طلع يعرف يتغزل
يوسف ** سرو نزعل را
ساره ** لا لا واني طالعه
طلعت فتحتله الباب خديتله طريق  وخش للمربوعه
يوسف / مديتلها الكيس وكريتها من يدها ** نحصلوش بوسه ع السريع
ساره ** أوفي عيب
يوسف / سيبتها ** بكره مروحه الصبح صح
ساره ** اها ان شاء الله
يوسف ** به خلاص نطلعوا من هنا للعياده طول
بكره عندك موعد
ساره ** امبه حبيبي خلاص روح انت
يوسف ** اي بنروح لاني كان قعدت اكتر من هك مش هيصير خير يانا علي ربي يصبرني وخلاص
ساره / قعدت نبي ندلل عليه اشويه قعدت نمسح علي سوريته جيهت كتفه بيدي
ساره ** قصدك حبيبي تقدرش تقاومني
يوسف / غمضت عيوني ** ساره بلا جو نعرفك ومعاش نبي انبحت فيك
ساره ** هههههه به خلاص بطلت
بسته وهو مغمض عيونه ووخديتله طريق وروح 
يوسف / روحت لشقتي جو شين بلاها كان قاعده توا را تتفرج ع مسلسلها وتبكئ كان صار شئ حزين وتبتسم كان جابوا لحظة فرح كان قاعده را هدرزت معاها اشويه قبل مانرقد وعطيتها تقرير عن يومي
كنت متمدد ع السرير انراجي في النور يجيني حسيت بشئ خش في عيني نضت بحتت في المرايه مافي شئ بس حمره لاحظت كم شيبه في لحيتي وشعري والله كبرت يايوسف قربب انصكر 32 ساره تو كيف خشت للعشرين فرق كبير
زعمك مش نادمه علي انها اتزوجتني هي بنوته صغيره وكان عندها فرصه تتزوج حد اصغير وشاب زيها يحب يلبس وايأنق  ويحب طلوع وتدهوير ليش اختارتني حرام البنت ظلمتها معايا هي اصغيره وتبي تطلع وتدهور وتعيش
خلاص ادماغي عيت من التفكير نتقلب في السرير ايسار ايمين قعمزت حكيت اعيوني بيديا وبحتت في الساعه 1:10 زعمه رقدت خلي انجرب
رنيت عليها
ساره / كنت في داري القديمه اهلي كلهم رقدوا وانا نتفرج ونأكل رن نقالي (غلايا ) رديت وفي فمي ايكال
ساره ** الو أوفي
يوسف ** تي شن تأكلي ياشفشه
ساره ** الوجبه امتاعك
يوسف ** اه ياحسره عليا مراتي مخليتني جعان
ساره/ شرقت
يوسف ** بسم الله حبيبتي بالشوي عليك
ساره ** حقه حبيبي جعان
يوسف ** لا انبصر تو كنت نأكل عند أمي دايره شكشوكه
ساره ** شكشوكه😍
يوسف **😂 لا لا انبصر عليك هذا ماناقص يجي الولد عليه وحمة شكشوكه
ساره ** خزي يابارد
يوسف ** به البارد عنده سؤال
ساره ** خير ان شاء الله
يوسف ** امممم انت اتحبيني
ساره / ضحكت ** إلا
صكر عليا عاودتله مقفل رسمي زعل وخدأ الموضوع جد
قعدت اتعاوديها ونبكئ مش عارفه كني الأيام هذي ابسط حاجه نبكى ودموعي ينزلن يمكن لان الحمل مأثر عليا
قعدت اقريب ساعه كل 5 دقايق نعاودله مقفل  آخر مره رد
يوسف ** ها ساره امبدري أن...
ساره / قطعت عليه نبكئ ** اسفه مش قصدي سامحني والله نحبك ومجنونه فيك انت راجلي وبات ولدي وحظي في الدنيا
يوسف ** هههه كنك ياهبله اتعيطي
ساره ** مش انت زعلت وقفلت نقالك لما قلتلك لا
يوسف ** هههه نقالي فصل شحن مشيت شحنته وجيتك
ساره ** حقه
يوسف ** هههه حقه ياعسول انت وحق ربي مطرشقه
ساره ** به خلاص طمنتني
يوسف ** به شن كنتي اتقولي راجلي وبات ولدي وحظي في الدنيا وشن تاني
ساره ** هههه بس سادك
يوسف ** هه هه هه بايخه
ساره ** مش ابيخ منك يامريش
يوسف ** را انصكر وتقفل النقال
ساره ** لا لا خلاص
يوسف ** به كيف حال وليدي
ساره ** وليدك مهبلني معندا غير الرك طول الوقت يرك فيا في بطني
يوسف ** تو انوريه غير مايطلع بس انعلمه كيف يدير في نور اعيوني هك
ساره ** به خلاص نعست بنرقد
يوسف ** اسمعي قتلك
ساره ** نعم
يوسف ** عندي سؤال تاني
ساره ** قول اليوم رايح جورج القرداحي 
يوسف ** كان في حد في حياتك قبلي
ساره ** مفهمتش
يوسف ** قصدي كنتي اتحبي حد قبل نتزوجوا
ساره ** ليش السؤال هذا عمرك مافتحته الموضوع هذا
يوسف ** هكي جا في بالي
ساره ** نبيش ندوي
يوسف ** هيا حبيبي عاد ادوي والله مانزعل وانتي واعدتيني قبل متدسيش عليا شئ
ساره / قررت نحكيله علي موضوع طارق نبيش اندس عليه شئ حتى هو مخبرني قبل علي بنت كان يحبها بس ايام الإعدادي
ساره ** حبيبي اولا نبي انقولك انت اول حب في حياتي وآخر أن شاء الله وانت الوحيد الي في قلبي بس كانت ليا تجربه فاشله مع واحد وانتهت قبل ماتبدأ اساسا
يوسف / حسيت بالغيرة ولأول مرة جا في بالي لو انها اتزوجت هذك الشاب شن كان هيصير فيا
يوسف ** خلاص نور اعيوني عدي توضي وخلينا نصلوا الفجر خلاص قريب يأذن
ساره ** به مش زعلان
يوسف ** إنا (لا ) علي قولتك هههه
ساره ** خزي بارد بس انموت فيك تغطى اكويس واحلم بيا
يوسف ** هههه لا لا نبيش كوابيس
ساره ** الله يسامحك
يوسف ** انبصر كبيدتي انحبك انحبك انحبك وتصبحي علي خير
ساره ** وانت من اهل الخير رصيدي راح فيها هههه
يوسف ** بكره انعبيلك كرت
ساره** امبه
/
/
/
( عند زينب )
بالي مشغول علي حسام معاش رن من هذيك المره فتحت الفيس مش فاتح من اول امس رنت عليا نوال رديت
زينب ** ها ياحبي
نوال ** زينب سمعتي حسام
زينب / قلبي انقبض ** كنه
نوال ** في المستشفى مداير حادث
زينب / عيطت بالقوه ** لا ااااااااا
نوال ** وسعي بالك وادعيله
زينب**😢 من وين سمعتي
نوال ** مالك خبرني
زينب ** باهي شن وضعه
نوال ** فغيبوبه ادعيله زيزي
زينب / صكرت منها وقعدت نحبس ونعيط زعمه نتصل بي سمر اخته لا بايخه هي متعرفش شن في بيني وبين حسام قعدت نحبس لصبح اتصلت بنوال اتجيني بسيارتها نبي نمشيله  
نوال ** ياهبله أهله كلهم قاعدين شن بتقوليلهم جايه بنشوف حبيبي
زينب ** 😢 مدخلنيش نبي نشوفه ونطمن عليه
فترت العده وكملتها نبي انشوفه سمعتي نبي انشوفه يانوال
نوال / وقفت ** باهي هيا اطلعي وان شاء الله ربي يستر ومنلقوش حد
زينب / نضت زي المهبوله نبكئ
عفاف ** زينب كنك وين ماشيه
نوال ** اخت فاطمه صاحبتها توفت ماشين للعزئ ياعمتي
عفاف ** مطولنش
نوال ** به
زينب / كنت نبكئ وخلاص وصلنا للمستشفى نزلت وخليت نوال تلحق فيا وانا نمشئ بسرعه اندور عليه في الغرف شفت مالك من بعيد مشيتله نجرئ
مالك / شفت زينب جايه شوري تبكئ رعشت كانت أمه ومراته واخته  قاعدين مشيتلها قبل توصل
مالك ** زينب شن جابك نوال كيف تجيبيها انت روحوا نبوش مشاكل
زينب / نتيت فيه ** مدخلكش انا نبي نشوفه حول
سمر / سمعت دوشه بحتت القيت زينب اخت أحمد شن جابها هنا وكنها تبكئ وعيونها حمر وتنت علي مالك مشيتلها
سمر ** كنك زينب خير ان شاء الله
زينب / تعنقتها بلا راده وقعدت نبكئ بعبرتي
سمر / معرفتش كنها زعمه في حد من هلها صايرله شئ وهو توا في المستشفى
سمر ** زينب كنك شن في
زينب / بحتت في عيونها ** سومي كيف حاله
سمر ** سومي قصدك حسام انتي
زينب / هزيت راسي
سمر ** وانتي من وين تعرفيه
زينب ** انا وحسام ...
قبل ماانكمل كلامي طلع الدكتور من دار حسام يبتسم قربت انا وسمر شفت هديل مقعمزه تبكئ
مالك ** طمنه يادكتور
دكتور ** الحمد لله ناض من الغيبوبه
سراج ** وكيف حاله توا
الدكتور ** تقدر اتقول خير من قبل بس مش ميه ميه
سمر ** نقدروا انخشوا انشوفوه
دكتور ** والله حالته ماتسمح شخصين بالكثير ع السريع وتطلعوا
ام حسام ** خلاص انا ومراته
  زينب / حسيت بغصه في قلبي
الدكتور ** اه مراته من اول ماناض يسأل عليها
هديل / فرحت
ام حسام ** هي هدوله انخش انا وياك
الدكتور م** معليشي قصدك انتي اسمك هديل
هديل ** اي
الدكتور ** بس حسام من اول ماناض وهو ينادي علي اسم زينب اكيد اخته مش مشكله اتفضلوا
سمر / فهمت الموضوع بحتت في زينب تبكئ
زينب / بعدت سمعت كلام الدكتور فرحت يعني حبيبي منسانيش
سمر ** زينب خشي معاهم
زينب/ لحقتهم الدكتور منعني بس بكيتله اشويه وافق خشيت هديل فتحت فمها
هديل ** انت من وكيف اتخشي هكي
حسام / توا كيف واعي من الغيبوبه شفت زينب قدامي تبكئ قلت بصوت تاعب منتبهتش لامي وهديل
حسام ** زينب حبيبي
زينب / مرديتش علي سؤال هديل فتتها وجيت لحسام مسكت يده وبستها
زينب ** الحمد لله علي السلامه حبيبي
هديل / انصدمت يعني هذي زينب الي مدوخلي راسي بيها انحبها ونموت فيها نضت انهزب ونلز فيها
ليلى / قعدت اتهزب فيا وانا نبكئ حسام ضغط علي يدي بالقوه وأمه كانت مصدومه اتبحت فيا وفيه
حسام / نزمط في ريقي بصعوبه مزلت تاعب
حسام ** أمي طلعيها برا الهم هذي
هديل ** انا هم وهي شن امالا
حسام ** امييي راني مريض بنموت افهموا / وقعدت نتنفس بصعوبه
امي طلعتها بسرعه وخلتني مع زينب بروحي
زينب / نزلت عند اعيونه وبحتت فيه
زينب ** سومي حبيبي كيف صار هكي
حسام ** سومي قديش رايفت للكلمه هذي ياريت انقلبت بيا السياره من زمان
زينب / حطيت يدي علي فمه
زينب ** معاش اتقول هكي
حسام / بست علي يدها
حسام ** بنت ايديك دجاج واكله دجاج وحبيبك في غيبوبه ياشفشه
زينب / قعدت نشم في يدي** لا والله ماكليت شئ من امس
حسام ** وليش حبي
في هذيك الوقت خش الدكتور طلب من زينب تطلع
حسام ** خليها تقعد عندي والله نصح بسرعه
زينب ** حبيبي قاعده برا انت توا اتريح بعدين نرجعلك
حسام ** زيزي متتعاطيش معاها باهي
زينب ** مش هنكلمها بكل
طلعت جتني هديل مسحت بيا الواطئ جت سمر خدتني ومشينه للكفيتيريا امتع المستشفى
سألتني علي علاقتي بي حسام خبرتها عن كل شئ ماعدا قصة هديل
سمر ** باهي دابنكم تحبوا بعض لهدرجه ليش سيبك وتزوج هديل
زينب ** ظروف حكمن عليه
سمر ** راك تقوليلي غلط معاها
زينب / دمعن عيوني فهمت قصدي
سمر ** معقوله حسام يدير هكي
زينب ** كان سكران
سمر ** مش عارفه كنه خويا رايح يشرب واجد حتى الحادث داره وهو سكران
زينب ** توا المهم ينوض ويصح بعدين نحكوا معاه ع الموضوع هذا
/
/
/
(عند أحمد )
اليوم مريض حراره وراسي بيطرق مخلطه عليا باتي مشئ لهل هناء طلعوا أحرف من بنتهم مأيدين بنتهم في قرارها وعاجبهم الجو
كملت فترت العده وجا خطبها واحد اسماه جمال متزوج ومراته متوفيه وهيا وافقت
انحس بروحي مخنوق ليلى فسرت الشئ هذا بإني غاير علي هناء ومضايقه مني بس انا انخمم علي ولدي وآخر همي هناء شن بيصير في محمد نبي نأخده منها
ليلى / ساخن واجد حرارته مرتفعه ويرجع
نديرله في كمادات وانا ساكته يتنفس وهواء ساخن يطلع من خشمه  خفت عليه
قعدت نديرله في كمادات ودهنت رجليه بليم
اشويه ورقد
قعدت طول الليل جنبه دوره دوره انمس فيه ساخن ولا لا نعست خداني النوم ع الكرسي جنبه
أحمد / نضنت الصبح حالي باهي القيتها راقده ع الكرسي ياروحي تعبت معايا طول الليل ساهره علي شاني ومع انها زعلانه مني لاني الفتره الاخيره عصبي واجد ونخمم علي محمد
نضت بحتت فيها وقربت شلتها فطنت حطت يديها وراء رقبتي ومسكتني
أحمد ** فطنتي حبيبي اسف
ليلى ** اي حبيبي كيف حالك توا
أحمد / نزلت بيها ع السرير ونزلت عليها
أحمد ** حالي باهي ونبي فطوري
ليلى ** به توا انديرلك قهوه / وجيت بنوض كتفني
أحمد ** ههه تي هبله فطوري الخاص عرفتيه ونزلت عليها واااااااا

ليلى / جيت بنوض كتفني مرا اخره
أحمد ** وليش مستعجله خليك نبي نهدرز معاك
ليلى ** حبيبي بندوش وبندير فطور
أحمد ** باهي خلاص نوضي
ناضت ليلى رن نقالي هناء مرديتش طلعت ليلى من الحمام
ليلى ** حبيبي نوض ادوش عدلتلك الميه بش متزيدش تمرض
أحمد / خشيت ندوش وخليت ليلى تلبس في دبشها
ليلى / رن نقال أحمد مسكته القيتها هناء رديت عليها
ليلى ** الو
هناء** وين أحمد
ليلى ** في الحمام
هناء ** بعد يطلع قوليله يكلمني
ليلى / سكرت طلع أحمد
أحمد / طلعت انغني **   عيونك جسار .. مفاليت ... عيونك جسار عيونك جسار .. سود كبار .. بحر واسع مليان اسرار / قرصتها من جنبها
ليلى / نطيت ** اييي
أحمد ** ايوه هو ده
ليلى ** هناء رنت تبيك
أحمد ** وانت من قالك ردي نبيش انرد عليها انا
ليلى ** طلع الغلط فيا لاني رديت
أحمد ** وكنها شن تبي
ليلى ** مدوتش أسرار بينكم انا شن دخلني
ومشيت وسيبته
أحمد / لحقتها ومزلت بالمنشف متع الحمام** كنك
ليلى ** عدي رن عليها اكيد تبي شئ مهم
أحمد ** اي بنرد
ليلى ** وانا ماقلت شئ
أحمد ** لا انتي تلمحي
ليلى ** أحمد فوتني را مش رايقه زيك
وسيبته
/
/
/
(عند ولاء )
قعدت اسبوع في المستشفى تعب وكيماوي وجيج وهشام
تعب معاي اليوم طلعت هشام قبل بيعشيني في المطعم بس انا قتله خاطري نطيبلك وافق بس بشرط انه يطيب معايا نبي اندير مكرونه بالباشاميل
هشام ** حبها مديلي الملح
ولاء** هشومي توا حطيت
هشام ** تو ضقتها صامته اع
ولاء /ضربته علي كتفه**قصدك منعرفش انطيب
هشام ** اح تي لا انتي  طباخه ولا الطباخه منال العالم
اسمعي انتي كملي انا ماشي انكلم نطمن علي حسام
هشام / كلمت مالك و...
يتبع