عشقت انفاسك

الحلقة الثانية عشر

ياسر / في الطريق هيا تشغل في الراديو وانا انطفى قعدنا كيف الفار والقطوس
ساره ** تي مسجل السياره خرب خلاص بطلوا حركات الاعيال
سمر ** انا مش عيل بس شوفي خوك
ياسر ** لنقني عيل الي جايبكن وندهور بيكن
سمر ** حطني عند هلي مرايفه علي أمي وبايته عندها 
ياسر ** بكره ان شاء الله
سمر **لا انا نبي توا
ياسر **😠سمر خلاص قلنا بكره

سمر / برمت وجهي من عليه ودمعت والله ولا وصار منك ياياسر ورحت ترفع في صوتك

ياسر / غمتلي بكل الأيام هذي ماتعرف غير النكد.خاطري نعرف شن في بالها افلوس وعندي حب وتحبني ونحبها شن تبي اخره
/
/
/
(عند أحمد )
خشيت للحوش الساعه 3:30 القايله كنت ناوي نركب فوق لهناء باتي ناداني
أحمد ** نعم ياحاج
سالم ** خش ورد وراك الباب

أحمد ** أن شاء الله خير
سالم ** لا خير ان شاء الله. يااحميده انت عارف كيف كان خوك عماد الله يرحمه . سكير وامتع مشاكل عمري معتبرته سند ليا ولا امنته علي حاجه. لا امنته امنته علي ليلى بس وراها الويل وسود عيشتها
أحمد / راح وجي حمرررر
سالم ** الي نبي انقوله اني في غيابك كنت حامل تقل فوق ظهري انت تعرف تجارت القماش مش ساهله والعمال في المحل يبو من يوقف عليهم وانا تعبت . نبيك تخدم امعاي ياأحمد توقف في المحل وتكون اسم في السوق
أحمد ........
سالم ** متحيرش ياأحمد انت درت انتقاله من خدمتك في فرنسا وماشاء الله عليك مهندس قد الدنيا بس مزال متعينتش وانا كل الي طالبه منك تخدم امعاي لعند ربي يفرج منها تفوت وقت ومنها اتحصل افلوس وانت مصروفك زايد امعيش حوشين راك
أحمد ** خلي انفكر قبل بعدين انرد عليك

وركبت عند هناء
هناء ** اهلا حبيبي رايفت عليك .... وضبطه
أحمد ** حتى انا حمادي راقد
هناء** لا قاعد يلعب
أحمد ** هاتيه نمسكه
وخديت وليدي 

قعدت نلعب بيه
أحمد ** حي تعالي ياهنو الحقي حمادي بيطلع اسنون
هناء**😍 الله توا كيف شفتهن
أحمد ** حبيب باته كبر وراح راجل وطلع اسنون
هناء 😊😊😊😊
أحمد ** هنو بكره الصبح ماشئ نجري علي أوراق الخدمه حديديلي قميصي الأبيض
هناء ** من اعويناتي
أحمد ** 😍 سلمك انت وعويناتك
أحمد /تنهدت تنهيده قويه
أحمد ** هناء قتلك نبي رأيك في حاجه
هناء ** خير ان شاء الله ياروحي
أحمد ** باتي يبيني نوقف امعاه في سوق القماش
هناء ** يعني تخدم عنده ...لا لا حبيبي متوافقش انت مهندس كيف اتوافق تقعد عامل عند حد .
أحمد ** هنو هذا مش حد هذا باتي
هناء ** انقولك حاجه اقنعه يكتب المحل بااسمك وهكي تقعد انت الريس ويقعدوا الكل تحت شورك
أحمد ** مش عارف قاعد حاير اصلا مضنش انوافق....تو نوضي ياعسل درينه حاجه ناكلوها حسني جعان بنموت .كان في من الغدئ سخني

كليت عبيت بطني وقيلت
نضت مع الساعه 6:15 هك. الزح عليك نومه اتقول مشيت في غيبوبه
بحتت في هناء راقده ومحمد نايض يناغي
مسكته وقعدت انلعب فيه في اللحظه هذي تذكرت زياد ولد ليلى ...كيف هك انا عمري مالعبته ولا نعلم عليه طلع اسنون أو لا .لنقني اناني بكل داير روحي نعدل بينهم بس انا نعدل علي احسابي يعني نفكر في روحي بس .
حطيت محمد في سريره وفيقت هناء قتلها نوضئ شوفي محمد را ناض وناضت وانا طلعت
مشيت لشقة ليلى قريبه في نفس الجنان بس عندها باب تاني علي برا بس انا خشيت من الباب الي يطل ع الجنان
فتحت الباب . القيتها حايسه
ليلى / فتح أحمد الباب وخش وانا كنت حايسه في روحي وقريب انعيط وباين عليا راقيلي