عشقت انفاسك

الحلقة العاشرة

رقنهالي طلعت من الدار لابس كنتيره وشرط وحامق ع الأخير
فتحت باب داري وطلعت فنصت فيهن
هشام ** 😠😠ياعنجد حتى عمكن ياحماره انت وياها متعرفنش تتفاهمن بشويه نبي ننكب 

عند نهى / تمتمت بالشويه
نهى ** وانكب من شادك

عند هشام / جت كلمتها في ودني سمعتها
مشيت مسكتها من شعرها
هشام ** ننكب صار ياحيوانه
نهى ** أح واعره سيب والله ماقصدي
سهى **😂😂😂😂
هشام ** تضحكي عليها باهي تعالي حتى انت
/ ومسكتها حتى هيا من شعرها
جت امي اتحز وقفت بينه
أمي ** تي خيرك ياهشام مع خواتك من الصبح
هشام ** قالبات الدنيا من الصبح اعراك ع الشنطه
سهى ** هيا اطلعي وقت تأخرنا واجد
نهى ** باهي اطلعي واحسابك بعد انروحوا
هشام ** طيرتن النوم من عيني تو انوصلك انا اركبن في السياره وتو نلحقكن

نهى مشت تجري ووراها سهى خط واحد
نهى ** انا من قدام
سهى ** في عينك

امي ** مفش فايده فيهن اتقول ضراير
هشام **😂😂😂 باهي ياامي نا خاش انبدل انوصلهن وراجع اخره

خشيت فتحت الدولاب وخديت سروال وتيشرت ولبستهن ومشيت خديت مفاتيح السياره والنقال  
وطلعت
وانا ماشئ شور السياره فتحت نقالي القيت رسالة ولاء ( حبيبي انا موافقه نتزوجك )
😄😄 حي ع العيطه الي عيطتها من الفرحه لين الفرخات في السياره سمعني ركبتلهن في السياره وانا نبتسم وسنوني باينات بيض ايشوفن😆
نهى ** إعلان معجون امالا
سهى/ طبست عليها وقلت بصوت واطئ
** يعن جدك تو يسمعك ويفصل علينا زي امبدري
نهى ** تي هبل رسمي يصفر هذا مش كان حامق
سهى ** اسأليه كنه عندي فضول نعرف شن صارله وغير حاله
نهى ** وسأليه انت ولا تبيه ينت فيا
سهى ** مو انت الغاليه واوخيته الدلوعه
نهى ** ايه صح تو نسأله
سهى ** هبله
نهى ** كيف 😠
سهى ** قتلك عبله الي في مسلسل يوميات ونيس كنها شينه 😁
نهى ** هشومي وخي شن في فرحنه امعاك من امبدري تبتسم قلنا ان شاء الله خير
هشام **😊 قريب انجيبلكن كنه في الحوش هي افرحن
سهى **😍😍😍 الله نتفكوا من غسل دبشك
نهى **😂 وتحديده
هشام ** انزلي انت وياها وصلنا

(عند زينب )
الحمد لله حسام طمني أن طلقوه من الحبس بعد ناض اشرف ومسكوه الشرطه
/
/
/
هشام / نزلن البنات وانا رنيت علي مالك صاحبي في الكليه امعاي
هشام ** باركلي ياملكو
مالك ** كنك
هشام ** بنخطب اليوم
مالك ** حبيبت القلب ولاء
هشام ** ومن غيرها العسل.بس في حاجه 😯
مالك ** خير ان شاء الله
هشام ** ولاء مريضه بالسرطان
مالك ** لا لا متقولهاش
هشام ** نتلاقوا في الكليه وانقولك انا تو قريب نوصل
مالك ** تم انا قاعد في الكليه اصلا

وصلت للكليه وهي نفسها الكليه الي تقرأ فيها ولاء
بس ولاء كانت في المحاضره
تلاقيت انا ومالك في الكفيتريا وطلبنا قهوه 😍
مالك ** حتى حسام جاي اليوم للكليه
هشام **اه الولد هضا ليه فتره معاش جا مش هيصير منه السنه هذي اكيد جايبهن كعك
حسام ** قرمه ولا كلام عيب
مالك ** فجعتني منك لله لازم اتجي من وراي يعني
هشام ** 😂😂لا قرمه لا كلام عيب كنا نستغفروا بس
مالك ** اهاااا نحسابكم 😊 بس طلع تفكيري نا امسخ .ها عليش كنتوا تحكوا
هشام ** قتلك 😊في دفعه الجديده في الكليه فيها بعيصات سمحات
مالك ** حي علي امك لتسمعك خطيبتك
حسام بااستغراب ** 😐 خطيبته كيف صار
مالك ** الفاشل بيخطب ولاء اليوم
هشام ** تي البعيصات لكم انتم انا خلاص ضمنت روحي
حسام وهو يأشر علي مالك** وهضا عنده نوال صحبة ولاء قعدت غير نا
هشام ** ها صح شن صار يامالك اعترفتلها البنت ولالا
مالك ** كل مانجئ بنقوللها نستاكى .ونتحشم
حسام** تي قصة الحشم الي عندك تبي حل تو تحسابك متعقد البنت
هشام ** 😁😁 تي هو متعقد اصلا