My Guardian Devil

Chapter 9 -- The Devil's Hug

CHAPTER 9 -- THE DEVIL'S HUG

HELAENA'S POV

Tanging pahinga ko na lang sa pang aasar ni Brylle ay tuwing weekend. Langyang 'yon wala ng ibang nakita kundi ako. Ganun ba talaga kalaki ang kasalanan ko sa kanya? Eh ang tanging nagawa ko lang naman ay ipagtanggol ang sarili ko sa kanya at kalabanin siya. Haist! Adik talaga 'yon. Ang sama ng ugali.

Kaya sinasanay ko na lang ang sarili ko sa presensya niya at patuloy na ina-absorb na ng sistema ko ang mga pang aasar at pang gugulo niya sa'kin. No choice eh, ako favorite niyang asarin. Parang bakla, pumapatol sa babae. Pero siyempre hindi ko pwedeng sabihin sa kanya na para siyang bakla, baka bigla halikan niya 'ko. Ayoko ngang mapunta sa kanya ang 1st kiss ko. Over my gorgeous and sexy dead body.

Another day on Duncanville of course panibagong pang aasar o pang gugulo na naman ang mararanasan ko sa Prinsipe nila slash devil na si Brylle. Ano pa nga ba ang magagawa ko? I should be used to it. Pssshhh!

"Hoy, Brylle bakit ba naka upo ka lang diyan? Pwede ba tulungan mo'ko ditong maghanap ng mga poems and stories ni oh-so-great Shekespeare?" I said in high tone pitch. Naiinis na kasi ako sa kanya.

Kung hindi dahil sa kanya wala kami sa library ngayon at naghahanap ng mga pinapahanap ng Literature Prof namin. Kaasar kasi siya. Siya ang may kasalanan nito.

"Kaya mo na yan, matalino ka naman diba?" Kalmadong sabi niya sakin. Nakaupo lang siya at nakatungo sa table na parang natutulog na.

"Eh sino bang may kasalanan kung bakit nandito tayo ngayon?" Ang mokong hindi man lang sumagot. Tss! Basagin ko kaya ang pagmumukha nito? Kaasar.

May activity kasi kami kanina sa Literature at sa pagka malas-malas ko siya pa ang naka partner ko. Ang saya lang diba? Kailangan naming gumawa ng 3 poems at isang essay about Nature. Ang ungas hindi man lang ako tinutulungan at kung ano-anong kalokohan ang ginagawa niya sa kanyang tablet. Kaya ayun sinigawan ko siya hanggang sa magsigawan kaming dalawa. At ang ending? Ang punishment namin? Hanapin ang mga works ni Shakespeare sa mga libro, no internet base, dapat book base. At written pa, hindi pwedeng itype. Titles lang naman ng mga gawa niya at hindi buong story. Dami kaya nun. Ang saya grabe. At ang mokong na'to hindi man lang ako tinutulungan. Ang sarap tusukin ng mga mata niya. Haist!

"Baka nakakalimutan mo nasa library tayo kaya pwede ba huwag kang maingay? Maghanap kana lang diyan. Nakakaistorbo kana sa pagtulog ko."

Kumuha ako ng Literature books sa bookshelf at linapitan si Brylle at pabagsak na nilapag ko ang mga libro sa harapan niya. "Ayan, maghanap ka diyan." Inis na sabi ko sa kanya.

Napabangon siya sa pagkakatungo at tinignan ako ng pagkasama-sama na akala mo lalamunin ako. "Masyado mong pinahihirapan ang sarili mo. Maghanap kana lang sa internet. Hindi na malalaman ng Prof natin 'yon. At kung malaman man niya, wala na'kong paki alam. Maliwanag?"

Ibang klase din talaga ang taong 'to. Ang taba ng utak. "Wow ha, salamat sa suggestion mo. It really helps me a lot." I said in a sarcastic tone. "Hoy, Brylle, babasahin mo lang naman ang mga librong 'yan, mahirap bang gawin 'yon? Ang dali-dali na nga lang ng pinapagawa ko sa'yo."

"Hay... Oo na, oo na. Nang matahimik ka lang. Akin na 'yan." Kinuha niya yung libro sa mesa. Aba himala, buti na lang at napasunod ko ang devil na'to. Bwahaha iba na talaga ang powers ko.

Nagtungo na ulit ako sa mga book shelves at naghanap pa ng ibang mga libro. Infairness binabasa nga niya yung mga librong binigay ko sa kanya. How I wish makatulong nga siya para mapadali ang punishment naming ito.