Hotel Grimm: The Brave and The Powerful

Check-In 08: Doctor Sleep

Not that I'm underestimating Master Thirdy, it's just that hindi ko lang maiwasang magtampo sa kanya. Tampo lang naman, e. Paano ba naman kasi, kada hatid ko na lang ng merienda niya o alok na linisin ang opisina niya ay lagi niya akong pinagsasarhan ng pinto nang malakas at sa mismong mukha ko talaga.

"Noong nagpaalam si Count Vladimir noong isang linggo, bumaba 'yong sales natin. Siguro kasi wala tayong boss na gumagabay sa buong linggong operations natin kaya gano'n. Pero nang dumating si Master Thirdy, nalaman niya 'yon, aba'y gumawa ng paraan para makaengganyo pa tayo nang mas maraming guests. Inutusan niya akong pumunta sa Kapitolyo para umorder ng karagdagang sun loungers sa may pool area, pitong golf carts na pwedeng sakyan ng mga guests habang naglilibot naman sa may flower field natin saka mga boats at kayak din para sa mga gustong mamangka sa Lake Grimm."

Hindi namin nakikita si Kuya Nolan pero narinig namin siyang pumalakpak. "At heto pa, kinontrata niya 'yong maliit na construction company ng mga Quicksilver-"

"Nina Indiana po?" natanong ko sa gulat.

Indiana Jones Quicksilver ang complete name ni Indiana na kaibigan ko at kaklase ko sa BA Literature. Siya rin ang top 1 ng klase namin at sa college department. Sobrang bait no'n at mukhang anghel din sa layered short hair niya. Katunayan, lagi nga niyang binibili iyong mga binibenta kong kung anu-ano. Katulad ni Mama Adele ay superhuman na may superspeed din ang papa niya but she's a hybrid kasi isang summoner naman ang mama niya na siyang pinagmanahan niya. She can summon any item she'd written and read out loud. May maliit na kompanya sa construction ang papa niya na ang mga manggagawa ay puro may superhuman speed din kaya madaling natatapos ang kung anumang ginagawa at pinapatayo nilang mga building o establisyamento.

"Hindi ba si Indiana iyong kaibigan mong Literature student din?" Ate Honey asked.

"Opo! Iyong top 1 namin!" proud kong sagot, proud din sa humble kong kaibigan.

"Ah, natatandaan ko na! Iyong flat one lagi na sinundan mo sa listahan ng mga first honors sa dean's list ng college niyo," ani Ate Honey. Ganoon ang pagkakakilala lagi kay Indiana ng mga taga-UP.

May kasunod na point kasi lagi ang uno ko kaya laging nasusundan ko lang siya. I don't mind it, though. Ang importante ay masaya ako sa kursong kinuha ko. I don't also believe that I am equal to Indiana when it comes to intellect. Malalaki lang iyong marka ko kasi pursigido ako at passionate na matuto sa Literature.

"Hindi ko siya kilala pero 'yon nga, gaya nang sinabi ko kanina, kinontrata ni Master Thirdy si Mr. Quicksilver para patayuan ng gym at sports zone iyong bakanteng lote katabi ng track," pagpapatuloy ni Kuya Nolan sa naudlot niyang kwento.

Nagulat kami kasi malawak nga iyong lote sa tabi ng track kung saan tumatakbo o nagja-jogging sa umaga o hapon iyong mga guests slashed residents ng Hotel Grimm. Kaya nga matagal na rin kaming nasasayangan kasi nakatengga lang iyon doon pero ngayong may plano na si Master Thirdy para rito ay hindi ko nga rin maiwasang humanga sa kanya.

"Hindi ba masyadong magasto iyon?" singit naman ni Kyrine. She doesn't looked pleased with the plan.

Nagulat kami kasi narinig ulit naming pumalakpak si Kuya Nolan. Nakakakaba naman kapag hindi mo nakikita iyong kausap mo at bigla na lang siyang gumagalaw nang walang pasabi.

"Iyon na nga! Naisip na 'yan ng matalinong utak ni Master Thirdy bago niya pa isinakatuparan ang mga plano niya. Kaya nga ang mga Quicksilver ang kinuha niya dahil narinig niyang naghahanap ng matitirhan ang pamilya nito. Kaya inalok niya ang isa sa mga apartments ng hotel nang libre kapalit nang paggawa nila ng gym at sports zone sa lalong madaling panahon."

Ate Honey giggled and jokingly slapped Kuya Nolan on what I bet was his shoulder. Magkatabi kasi sila at para bang memoryado na ni Ate Honey ang mga bahagi ni Kuya Nolan kahit hindi niya ito nakikita. Aba'y kung hindi niyo naitatanong, label na lang kulang sa dalawang 'to.