كرونيك : ❤ابن_خالتي_❤محمد ♡رحمة ❤

الحلقة 3رحمة &محمد الجزء الثاالث

الحلقة 3 ،،،، رحمة &محمد الجزء الثاالث ،،،،،،،ابن خالتي ‏،،،،،،، لبست بيجاما متاع دار و خرجت ،،، رحمة ايجي بنيتي اقعدي معانا خليها القضية تو مبعد ايجي ،،، تمشي وسارحة كأنها مش تسمع فيهاا ،،، رحمة !!،،،،،،، تلفتت ،،،،،، نعم خالتي ،،،،، بنيتي قتلك ايجي اقعدي ما سمعتينيش ،،،،،، سامحيني خالتي مخي موش فوقي هاني باش نطيب العشاء ،،،،،،،، تنهدت مبروكة وتلفتت لدرصاف ،،،،،، متوحشة راجلهاا حتى هيا ما فرحشتش بيه قرابة جمعتين والا ثلاثة ورجع يخدم مسكينة تبات ف الليل صوت بكاها نسمعوو وانا في بيتي ،،،،،،، خزرتلها درصاف ،،،،، حتى انا توحشتو محمد اما رحمة مسكينة ظاهرة مهمومة اش مزالولو تو يجي يخدم على روحو ،،،،،، ربي يحميه وليدي حتى هوا كل ما يطلبني يقلي ياامي رحمة حطيها في عينيك ياامي رحمة ردي بالك عليهاا ،،،،،،،، ربي يهنيهم حتى هيا تعبت مسكينة وتعذبت برشاا الحمد الله عرست بيه محمد والا راهي كملت حياتهاا تعيسة ،،،،،،،،،، بنيتي انا من قبل كل مرة نقلو عليها هوا راسو كاسح الحمد الله تو نستنوو كان في صغير وكهو ،،،،،،، امي رحمة مزالت تقراا اش مزالها عام على الباك تو تكمل و تجيب مش صغيير بركاا تجيب برشااا ،،،،،،، ههههه ان شاء الله ،،،،، هوماا هكاكة ودخل فهمي ضااهر منرفز ع الاخر ،،،،، ويني رحمة ،،،،، قول السلام ساعة ،،،، السلام ويني رحمة،،،،،،،، ف الكوجينة تقص ف السلاطة وتخمم ،،،، حااسة بتأنيب الضمير ،، كيفاه مخبية على محمد وهواا الي يسألهاا ف النهاار عشرين الف مرة في ما كلمك حد في الي يكلمك قلي في الساعة الي ما تقريهااش روحي في ردي بالك تكلمي طفل حتى اولاد كلااسك لاا ،،، دخل فهمي ،،، سكر باب الكوجينة بالشوي ،،،، هزت راسهاا متفااجأة قلبهاا ضرب ب القوي من ملامح وجهوو حست فماا حاجة ،، جبد كرسي وقعد بحذاها على الطاولة ،،،، سألتوو ،،،،،،، فهمي شفماا ،،،،،،، رحمة انتي من قبل بنت خالتي وكيف اختي وتو وليتي مرت خوياا الكلام الي سمعتوو قلبلي راسي ودخلي الشك في مخي حبيت نجيك ونسألك ،،،، حست بالخوف وجهاا اصفاار و تربثت ،،، ش شنوا سسمعت ،،،، سمعت الي انتي لعشية قاعدة ف القهوة الي مقابلة ليسي مع وائل ولد فضيلة،،،،،،،،، تربثت حست وجهها سخن ولت ترعش بكلهاا قلبهاا قريب يحبس م الدقاان ،،، ف فهمي امان متفهمنيش بالغالط،،،،،، احكي رحمة عيش اختي احكي ،،،،،،،، انا نعرف واحد اسمو وائل اما منعرفش ولد فضيلة عندو بريود حب يحكي معايا وانا قتلو لا وبقاا كل مرة يجي يكلمني وحدو وليوم لعشية شد الصحيح صحيح بقيت انا وياه ف القهوة اما والله والله قتلو راني معرسة ومعاادش تكلمني ،،،،،،، قام فهمي م الكرسي ،،،، ليوم قااتلو الطحان ،،،،، قامت من بلاصتهاا ترعش ،،،، امان فهمي ما تعمل شي والله يسمع محمد يقتلني ،،،،،،،، تكلمت مبروكة ،،،، ااااا فهمي ،، فهمي شبيك خنست لداخل اش فماا ،،،،،،، جاوبها بصوت عاالي ،،،،،، شي امي شي صاحبة رحمة عجبتني ونحب نركحهاا ،،،،،،، ضحكت ،،،،،، ههههه كان ركحت مخك في بلاصتو خير ،،، دار لرحمة ،،، منوو هكاا يكلمك قوليلي و انا مانيش باش نقول لمحمد حتى شي اماا احمد ولد سعدية شاافك وخايف هوا يحكيلوو ،،،،،،،، انا محمد باش نحكيلوو اما مش ف التاليفون باش نستناه لين يجي م الجيش و نحكي معاه امان منحبش الحديث يوصلوو من عند حد اخر ،،،،،، تهني تو نتصرف اما انتي معادش تكلميه اصل ومزال يدور بيك تو نشدو نكور بيه ،،،،،،،، خلاها وخرج تنفست بالقوي فهمي في نفس العمر متاعهاا والحمد الله فهمهاا عاودت تنهدت ،،،، كيفاه باش تحكي لمحمد ان شاء الله فهمي يتصرف والحديث ما يوصلش لمحمد ،،،، سعااد قاعدة في بيت رحمة ،،، مخيبها بلاصتهاا رغم الي هياا قدامهاا و تتسمى عايشة معاهاا اما بلاصتهاا فارغة مخيبهاا عطاتهاا صغيرة عندها فالدنيا كان هيا ،،،، ‏ قصت السلاطة وطيبت الشربة حطتهم على الطاولة ،،،، خاالتي هياا تعشي ،،،،،،، لا ما عينيش بنتي كولي انتي ملي جيتي ماا ذقتي شي ،،،،،،، لا منحبش ،،،،، دخلت للبيت ،،، بيتها هيا ومحمد الي توانسها في وحدتهاا جبدت مريولو لبستوو و حملت مخدتوو ورقدت تتفكر ،،،،" فلااش باك " ‏- رحمة انتي احسن حااجة صارت في حياتي انتي روحي و قلبي و عقلي انتي فرحتي فالدنياا هذي سامحني على كل نهار قتلك فيه كلمة وجعتك نقصد والا منقصدش سامحني على خاطر السنين الي فااتوو الي حبيتيني فيهم وما حسيتش بيك الي كنت ننبز فيك ونخرج مع بنات غيرك بالرسمي منعرفش وين مشاا عقلي وقتهاا انتي قدام عيني وانا نلوج في غيرك رحمة نحبك والله ،،،،، عنقتوو بالقوي ،،،،،،،، عنقت مخدتهاا ودموعهاا هابطة ف الوقت هذاكاا طلبهاا صحيح الدنيا تتسمى صيف اماا الطقس ساعات يتحول هواا في دورية وااقف في وسط الطريق المطر تسب عليه زاادااتوو وهرة لابس زي العسكري شعروو مبلول التاليفون في وذنوو وهواا يخزر للطريق مش كان هواا وحدو جنود اخرين نفس حاالتوو جنود اخرين للمطر ،،، روحي فدااك ياا تونس ‎:-*‎‏ ،،،، متكمشة على مخدتو ودموعهاا هابطة تحس في تاليفونهاا يفبري هزاتوو خزرت لاسموو ،،،، حبيبي ،،