كرونيك : ❤ابن_خالتي_❤محمد ♡رحمة ❤

ابن خالتي ،،، الحلقة 9

محمد&رحمة ‏،،،ابن خالتي ،،، الحلقة 9 ‏،،، ريت سمعاتك اش قلت حرام عليك يا محمد والله ،،، هزت روحها درصاف وخرجت في جرة رحمة ،،، محمد من كثر الغش كبس بونيتوو العرق الي فوق حاجبوو خرج هز التاليفون من فوق الطابل دونوي و طيشو بكل قوتو على الحيط لن مشا لا قطعة مع اختها ،،،بقا يدور فالبيت محبش يوصلهاا الحكاية بالطريقة هذي هوا بطبيعتوو ميحب يبني عداوة مع حد يحب يبقى سطحي مع الناس الكل رحمة صحيح هواا ساعات يحس روحو كارهاا و ميهضمهااش اماا الدم يجبد سور كان يحب والا ما يحبش قلبوو يحن عليها و عقلو يقلوو راك كبير و وااعي راهي بنت خالتك والفترة الي تمر بيها فترة مراهقة اي طفلة بالطبيعة باش تحب وتتحب باش تتصرف تصرفات مش مسؤولة يحس روحو نادم و مش نادم صوت يقلوو اه يا ليتك ما حكيتش عليها هكاكة يا ليتك تجاهلت الحكااية كيف العادة و صوت يقلو تستاهل هكا خير باش تفهم روحها الي متى باش يبقى صابر على الكلام الي مخزون في قلبوو و في عقلوو ،،،، خرجت رحمة ليوم مش باش تبكي مش باش تتألم ماا يحبهااش حاجة عادية علاه اول طفلة تحب وما تتحبش هيا يزيهاا ما بكات يزيها من تنبزت من عندو الحب الي خلاها تتذل الحب الي خلاه يقول عليها مش متربية وما تحشمش جااب ربي جات فالوقت المناسب و سمعت كل شي حتى البارح كيف قلها هكاكة بكات و من بعد لقاتلوو اعذار قالت شارب و ما يعرفش شنوا يقول لاكن توا في وعيوو و الكلام الي قالو الكل من قلبو ومسؤول عليه ،،،، دخلت لدارهم سلمت على امهاا ابتسامتهاا كانت عريضة ،،، ليوم سهرية في دار خالتهاا و باش يتلموو خالتها الاخرين وبنااتهم واولادهم باش يجوو اقرابها مالبلاد دخلت لبيتهاا تختار فالدبش الصبابط الماكياج مانيش باش نقول الي ماهيااش حزينة قلبهاا باش يتقطع بالحزن والوجيعة تحس في وخزاات كل وخزة منهم تتمثل في كلمة جارحة من كلمات محمد كيف الابرة الي كيف تدخل في كف الايد و يطلع دم هكاكة قلب رحمة كل كلمة من كلام محمد تدخل لقلبها تشويهاا بالوجيعة يهبط دم يقطر مش ابرة وحدة هوماا مجموعة و مش كلمة وحدة هوماا برشاا ،،،،:( كيف قالتلوو الي هوا اعجاب قالتها باش دافع على كرامتهاا الي الحب ما خلالهاش كرامة في نظر محمد لاكن موش اعجاب و مستحيل يكون اعجاب هيا تحب الخطوة الي يخطيها محمد هيا بالنسبة ليها محمد النفس الي تتنفسوو اختارت روبة فالروج متاع متحجبات طالون نوار و فولارة نواار ،،،، تكاات باش ترقد متحبش تخمم و الا تبكي تحب تتغلب على روحهاا تحب بعد لا تفيق تفيق رحمة الجديدة رحمة الي قلبهاا فارغ يمكن الكلام الجارح الي يدخلهاا كيف الابرة الي يخلي الدم يهبط قلبها فرغ مالدم قلبهاا فرغ من حب محمد هيا يمكن تقول هكاكة اما مستحيل قلب يدق بلا ضخ الدم يموت الانسان كيف القلب يفرغ مالدم حب محمد كيف هكاكة ،،،، رقدت وهياا تحاول تتفكر الحاجات الايجابية الدنيا ما تاقف على حد مش كان محمد فالدنيا فماا غيروو و غيروو و غيروو ،،، الي ممكن يعرف قيمتهاا و يقدرها ،،، درصاف تخزر لرحمة مالشباك كيفاه راقدة وجهها شاحب و شفايفهاا شايحين حاطة ايدها في خدها وراقدة ،،، امهاا ما خلاتهااش تخرج قال شنواا عروسة ما اقنعتهاا كاان بالسيف الي هياا حاجتهاا برحمة وفيسع باش ترجع و هذا الي خلاها تتأخر و تلقى رحمة راقدة ما حبتش تقلقهاا والا تفيقهاا ،، هيا اختارت النوم باش تهرب مالحزن الي هيا فيه باش تهرب مالواقع المألم ‏،،،،،