كرونيك : ❤ابن_خالتي_❤محمد ♡رحمة ❤

ابن خالتي ،، الحلقة 10

محمد&رحمة ابن خالتي ،، الحلقة 10 محمد دخل عمل دوش لبس سرفاتمون نورا و مريول ازرق نص سبادري ازرق لبس كاسكات وليناتوو و هز ساكو وخرج عرضتوو مبروكة ،،، محمد وليدي ماشي تترانا تو هاك ما فطرتش يا وليدي ،،، امي صباح الخير ،،،"باسها من جبينهاا ،،" هز روحو خرج ،،، يمشي فالحومة وهايم كل مرة يخمم في حاجة كل مرة قلبو يدلوو على حاجة ،، عقلو الي قلوو تستاهل خليهاا محسوب هيا اول وحدة تسمع من عندك الكلام هذا ،، وقلبو الي خلاه لاول مرة يخمم فالحاجة هذي لاول مرة يتجرأ و يحاول انو يفكر فيهاا ،،، علاه ما يحبهاش علاه ما يخزرلهاش كأنثى فاتنة اش ناقصها هياا زينها تحلم بيه اي وحدة ستيلها متميز على غيرها ،،، شبيك محمد فاش تخمم الزين و الحب مش باش يبدل شي من اخلاقهاا هيا طفلة مجنونة لا علاقة ديما تتضيحك فالشارع ديماا تفدلك و تضحك ترقص وتعيط ماهياش رزينة يحسهااا ناقصة رزانة ناقصة عقل ميعرفش كيفاه وصل قدام الصال وهوا يخمم ،،،،، ‏ رحمة فاقت حلت عيونها تخزر للسقف في لحظة حست هموم الدنيا الكل تراكمت فوق قلبها حست الي هيا توا بركاا وين تصدمت حست انو كلام محمد توا بركاا وين سمعتوو دموع بدات تهبط اما هيا تمسح وتقول ،،، لا يا رحمة ما تبكيش ما يستاهلش ما تبكيش ،،،، لاكن دموعهاا غلبتها قلبهاا فاض و معادش يستحمل بدا صدرها يتهز و يتنفض وهيا تشهق استسلمت للحزن سايي ،،،، ابكي يا رحمة وفرغ قلبك البكااء يريح تحكي وحدها وتبكي مسحت فيسع دموعها كيف سمعت حس امها وبوهاا فالدار ضاهر الجماعة قربوو يوصلو ،،خزرت للمنقالة فالحيط توو الخمسة متاع العشية و هيا راقدة مالعشرة متاع الصباح حتى الماكة ما حطت شي في فمهاا تحس في روحهاا مسقمة خزرت لروحها فالمراية وتبسمت وعيونهاا باش تفيض بالدموع ،،، الليلة انا نطلع نجمة السهرة يلزمني نطفيه و ما نحكيش معاه الليلة نحكي ونفدلك ما نعبروش نقهرو كيف ما قهرني تضحك والدموع هابطة ،،، غسلت وجههاا رجعت لبست الروبة و بقات تحضر في روحهاا ،،، بالنسبة لمحمد ماهوش شاهي يروح كل ما يتعب يرتاح ويرجع يتراناا ميحبش يواجها ويشوفها والا حتى يحكي معاها خاطر عارف روحو يضعف كيف يغلط مع انسان يضعف كيف يحس انو انسان موجوع منوو يشوف فالوقت يلقاها الستة ،،، 25 مكالمة من سارة 12 مكالمة من اختوو ،،، نساا الي ليوم جايين شطر العايلة الي فرقتهم الدنيا والي كل واحد عايش في بلاد وكل واحد في بلاصة ما يتفكروو بعضهم ويتلمو كان في ميت والا فرح ،،،،،، فيسع دخل لبس دبشوو وهز ساكو وروح ،،،،،،، دخلت تمشي وتتمايل ماهياش تشوف في حد قدامهاا كان هيا الي بالاحمر متاعهاا تضوي الي بعيونهاا العسليين تسحر بمشيتها وبستيلهاا تقهر بحجابها الي زايد فيها الشطر عاملة روج بردو في فمهاا بانسو فوق عيونها وماسكار ا كانت بالرسمي نجمة السهرة ،،، تمشي بجنب امهاا الي تعرف فيها على الناس ،، هذي بنت خالتي هذي بنت عم بابا هذي خذات خال بابا قبل وطلقوو هاذم بناتهاا خدودهاا مشااو بالبوس طاابوو وهذا الي خلاهم يحمااروو سلمت على اولاد خوالها وخالتها فيهم الي يجبدها يسلم عليها بالبوس الي لحيتوو تدقها في خدها و تقلقهاا والي يسلم عليها من بعيد لبعيد ‏ الدار تملي وتفرغ بالناس وسي محمد دخل عرضتوو مبروكة هزت من عندو الساك وهزت تعرف فيه بالنسبة لبنات اعمامو خالاتو واخوالوو الي يسلم عليها تحط ايدها على قلبهاا بالنسبة ليه هوا تواا امو حطتوو في مشكلة كبيرة ما يحبش يسلم برشا وزيد تاعب يحب يدوش ويبدل وهيا شطر القبيلة الكل اموو ما سيباتو كان الما وشوشلها في وذنهاا عبااد اول مرة يراها الي تطلع بنت عمو والي بنت عم اموو ،،، الحمراء وحدها الي جذبت انتباهو الي خلااتو ولاول مرة يركز معاها الحمراء الي هيا وحدها في وسط الناس تخليك بالسيف عليك باش تركز معاها ،،، هزت عيونها جات العين في العين لاكن المرة هذي الي قحرتلو ودارت تفدلك مع اولاد خوالها الي كغير تعرفت عليهم وهوا الي بقا باهت هوا الي بقا مركز و عيونو ما هبطتش عليهاا ‏،،،،