كرونيك : ❤ابن_خالتي_❤محمد ♡رحمة ❤

الجزء الثاني ،،،، الحلقة 18 ابن خالتي

الجزء الثاني ،،،، الحلقة 18 ابن خالتي ،،، رحمة& محمد ورررررري ،، قامت مبروكة تبوس في رحمة ،،، مبروك عليك ماشاء الله على بنتي فرحاانة راهي ووجهاا منور ،، حشمت رحمة وطبست راسهاا ،،، تكلم محمد ،، عم علي نحب نشاورك في حاجة ،، تفضل ولدي ،،، انا مذابيا نعمل كل شي في نهار واحد ،،، شهقت امو ،،،شنواا عرس ولدي وفي نهار واحد لا مستحيل سبعة اياام وسبعة ليالي و الطبال يضرب في داري ونعشي و نستدعى الحومة الكل ،،،، امي يهديك منحبش برشاا الفوضى خليني نعمل كل شي في نهار تلفت لسعاد وعلي ،،، عم علي وخالتي تهنوو رحمة منخليهاش ناقصة حتى شي ،،، شوف محمد انت في مقام ولدي اما حتى بنتي غالية عليا و منحبش نعملها عرس في نهار اش باش يقولو علينا الناس ،،،، تكلمت مبروكة ،،، رحمة بنتي قبل ما تكون كنتي وانا ما نرضاش انو يصير عرس في نهاار مستحيل ،،، ضحك محمد ،،،ههه ربي يهديكم الي تقولوه انتم هذاكا هوا ،،،، ضحكت مبروكة وضربتو على ضهرو هههه مزروب ،،، ههههه تبسم و تبسمت رحمة وهبطت رااسها ‏،،،،، الوو ،،، يا هم تسمع فياا ،،،، الو وي ك السبة تفكرتيني ،،،، عندي ليك خدمة وبالطبيعة تخلص عليهاا ،،،، لا لا تقعدت الخدم متاعك انتي نعرفهم تحطيني في فم المنداف وتجبدي روحك ،،،، الخلاص زوز ملاين نعطيهملك توو وين تكمل مهمتك نزيدك ،،، ههههه زوز ملاين بطلت مانيش متقعد تو نرجع نخدم ،،، ههه صحيت ايا خليني نقلك شنوا مهمتك ،،،،،......... مريقل فالليسي ،،،، لاا تي التلامذة معطلة في حومة *** ،، ههه مريقل حطيتها في مخي مع وقتاه ،،، يلزمك تزرب في ايدك جمعة ،،،، مريقل قبل جمعة يكون كل شي حااضر،،، صحيت غدوة ايجاني لدار تلقى فلوسك حاضرة ونوريك الدار والحومة ،،،مريقل ،،،،، رحمة دخلت لبيتهاا ،،تحل فالحجاب و تبدل في دبشهاا باش ترقد تحس فيه كيفااه عنقهاا تشم في ريحتوو ،،،ماا بقاش برشاا وتولي رحمة محمد الرايس ،،، ههههه الحمد الله ،،،،ههه بوزينك كيف تحشم ريت نستنى في عرسناا بالدقيقة والدرج باش نوريك الحب على قوااعدو ،،، ههه ابعد محمد واحشم ،،، هههه علاه مش تحبيني انتي عندك سنين بااش نعوضلك السنين هذيكا الكل في ليلة وحدة انا وعدتك اني نعوضلك وبااش نعوضلك ،،، محمد زح احشم وسيبني ،، ههههه مانيش مسيبك ،،، هكاكة ودز مبروكة الباب وتدخل ،،، رحمة جبدت روحهاا فيسع واحماارت بكلهااا ومحمد بقاا يتبسم ،، هههههه سامحوني دخلت في وقت غير مناسب عارفتكم ما تنجموش تصبرو حتى للعرس اما يلزمكم تتحملو اياا سي محمد نروحو ،،، هههههههه على خير رحمة ،،تبسمت رحمة غمزهاا محمد وخرج ،،،،، دخلتلهاا سعاد ،،، عرسك بعد جمعتين ا طفلة ايجي نوصيلك يلزمك تعملي عقلك ،، ههههه علاه امي لقيتي عندي طاسة في مخي،،، سكري فمك وما تقصيش عليا ،، غدوة تمشي معايا نشريلك طرف كريمات و اك الدهن متاع الوجة ،،، هههههههه امي يهديك ماهوش دهن و انا منستحقش حتى حاجة في وجهي ،،،، على كيفك هواا غدوة نهزك للصيدلية ،،، يا امي ياخي لقيتيتي مريضة والا عندي الحساسية منحبش تي شنوا ها الطلعة الي جيتيني بيهاا ،،، سعدية قتلي بنتها قبل عرسها تشري فاالدهن لوجهاا ،،، يااااا امي ما اسموش دهن اسمو فون دو تان والا ايكرون وزيد تقارني في بشرة بنت سعدية ب بشرتي ،،،، باهي اسكتي بركا وانتي على طرف البيوضية والزين الي عاطيهملك ربي عاملة حاالة،،، عنقتهاا ،،، هههههه الزين كيف شكون ماهو كيف امي ،،، هههههه باستها من خدهاا ربي يهنيك ويقد سعدك بنيتي ،،،