كرونيك : ❤ابن_خالتي_❤محمد ♡رحمة ❤

الجزء الثاني الحلقة 10

الجزء الثاني الحلقة 10 ابن خالتي محمد& رحمة ‏ محمد سيبوو يهديك باهي مانيش موافقة على الخطبة سيبو ،علق عليها و ذز فتحي بساقيه " ريت انت وامك كان مزلتو ترجعو لدار خالتي مرة اخرى الما نخرجك من تونس وضواحيها ايا اقلب تو ،،،، ،،، رحمة تطل مالباب بالشوي تحب تشوف محمد روح ولاا هكاكة وفتحي تعداا يجري ويتلفت حطت ايدها على فمها وطرشقت بالضحك ،،، سكرت الباب و تسمع فيه يغني ،،،،، عذبت قلبي انتي كي رحتي لغيري انتي عذبت قلبي انتي كي رحتي لغيري انتي وعلااش خنتي مداام قلبي حبك انتي لا لا لا لا تحرموني منك ،،، تبسمت ودخلت لبيتهاا ،،،محمد يحل في باب دارهم وعرضتو مبروكة ف الباب ،،،، تو جاي سي الشباب فففففف ريحة السم الي تشرب فيه يا ولدي كل ما تجي للحومة هذي تفسد ،،،،،كمل يغني وداخل لا علاقة ،،،،، وينهاا لبنية الي حبيتهاا وينها البنية الي ما نسيتهاا وينهاا يا وفي قلبي حطيتهاا والله ما نسيتهاا قولها عطيتك كل احلاامي قولوهاا يا خساارة فيك غراامي ،،،، دوحت راسهاا ،، الطفل باش يخرجني من عقلي ما فهمتوش يحبها الطفلة والا ما يحبهااش ،،، ربي يهديك يا وليدي ،،،،دخل لبيتوو يضحك نحاا صباطو ودبشو دخل عمل دوش صحصح شوي ،،، يتبسم بعد الطريحة الي كلاها فتحي مستحيل مزال يخطب وهذي فرصتك ياا محمد ،،،،،، رقد يخمم في نهاار غدوة ،،، الستة متاع الصباح فاق بكري لبس سروال نوار و بودي ابيض و صباط نوار لبس فاست كوير نوار وخرج ،،،،،،،،،، حلت عيونها على صوت امهاا ،،، هيا قومي باش نمشو نتفاهمو مع الحجامة ،،،قامت تدهشر ،،، حجامة شنوا ،،، ا طفلة غدوة خطبتك نشوفو الحجامة وزيد الحناية و نشرو قضيات ،،، ااا نسيت ،،،، فطرت رحمة ولبست دبشهاا مشات هيا وامها تفاهمو مع صفاء و مع الحناية الحاصيلو ريقلو كل شي ،،،،، تو ل 13 روحو يلقو مبروكة فالدار حملت رحمة ،،،،يا بنيتي لاه تدفني في شبابك مع واحد فاسد ،،،،تبسمت رحمة ،،، مكتوب ،،،، نعرف الي انتي ما تحبيشو والي بالسيف امك هيا الي الي اثرت عليك اه ،،،، ضحكت سعاد ،،، ههه الطفلة موافقة اا مبروكة يهديك ربي قولي كلمة خير ،،، منين باش يجي الخير يا بنيتي خزرت لرحمة ،،،، اك الطحان ولدي راسو كاسح والا والله ما نخليك تخرجي من دار بوك الا لداري ،،،،مكتوب يا خالتي مكتوب ،،،، محمد حل الباب ودخل ،،، الحمد الله مبروكة مش هنا دخل القضيات للبيت ،،،زعمة يجي قدهاا هذا ،،،وهذا زعمة يعجبهاا ،،تي نرمال الدبش حتى لو كان ما جاش ينجم ينقص عند الخياطة ،، المهم الخاتم يجي ،،، حط الفاليزات دبش فوق فرشو ينظم فيهم من بعد حطهم فوق الخزانة ،،، هز القفة فيها فاكية وكل لوازم الخطبة ،،،تبسم ،،،جبد الخاتم حطو في جيب الفاست متاعو "بقا يريقل و يخبي في كل شي باش ما تفيقش مبروكة يعرفها متنجمش تشد فمهاا ،،،كلم صحابو ،،،الو مراد خداام انت والا ف الدار ،،،، لا يا خويا روحت بعدك بنهارين ،،،مريقل طول باهي غدوة عندي خطبة نحبك حاضر معايا ،،،ههههههه اسمع يا سيدي روحت مريض غدوة ماشي تخطب ،،،،،،ههههههه الله غالب يلزمني نخطب فيسع مزروب ا خويا نحب نعرس ما يساعدنيش نروح مريض ونزيد نرقد وحدي ،،،، ههههه ان شاء الله مبروك عليك ا خويا ،،،