كرونيك : ❤ابن_خالتي_❤محمد ♡رحمة ❤

الجزء الثاني ،،، الحلقة 13

الجزء الثاني ،،، الحلقة 13 ابن خالتي ،،، محمد&رحمة ‏،،،، الو سعااد ،،، نعم مبروكة ياخي وينك من بكري ما فماش ،،، حضري روحك خطابة بنتك جاايين ،،،، وانتي شكون قلك ،،طوط طوط طوط ،،، علقت عليها ،،،، ايا لبنات حضرو رواحكم ،،، محمد ركب في كرهبتو يزمز واصحابو وراه بالكراهب خرج مالحومة ،، يزمر و مشا في طريق اخر يوصل لداار رحمة ،،، امو تزغرط ،،،، ‏ سعاد فالباب هيا والبنات يزغرتو ويغنوو البخور يعجعج مالدار ،،، رحمة كل ما يقرب حس التزمير تكبش في ايد امل اكثر قلبها يدق بالقوي تحب تقوم وتقول لاا منحبش انا نحب محمد منحبش ،،، رحمة هدي روحك يااا درصاف الطفلة ترعش بكلها ،،، امل منحبش منحبش ،، دموعهاا هبطت ،، رحمة يزي يعيشك ،،،منحبش فتحي انا نحب محمد بطلت معادش حاجتي مانيش موافقة ،،، رحمة شنوا الهبال هذاا ،،، حبست كرهبة حمة هبطت مبروكة تغني بالكنستو ،،، يا درصاف ايجي هبطي القفة والباقي ،،،، امي شنواا الحكااية ،،، وررررررررري خطبة خوك تي امشي ،،،، مبروكة شبيكي وينو فتحي شفما ،،، سعاد ارقصي وزغرطي خطبة محمد برحمة لا فما فتحي لا صالح ،،،،ورررررري وررررررررررري ،،،، رحمة كل ماا يزيد الحس والتزغريط فالحوش تزيد تقوي فالبكاء ،،، دخل محمد لابس كوستيم نوار ،،، خالتي ما تتصدميش تو من بعد نفهمك لحكااية ،،، تكلمت مبروكة ،، ياا سعاد باش تخلينا لبراا هياا زغرطي خلينا ندخلو لرحمة،،، وررررررري وررررري ادخلي ادخلي ،،،، دخلت سعاد تزغرط وحلت باب بيت الصالة ،، ايا ادخلي ادخلو تفضلو ،،، دخلت مبروكة و دخل محمد ودرصاف ،،،، رحمة كانت مهبطة رااسها وتبكي تشهق تخزر لايدها الي بالحنة دموعها تقطر فوق الروبة ،،، امل عيونهاا تحلت بقاات مصدومة ،، غمزها محمد باش تسكت ،، تكلمت سعاد،،، رحمة هزي راسك بنيتي اخزري لخطيبك ولحماتك ،،، عملتلهاا براسهاا لااا و حطت ايدها على وجهها تبكي ،،، منحبش منحبش نتخطب بطلت منحبش امي اماان بطلت ،،،، تبسم محمد ،، مبروكة عيونهاا دمعت عمللهم محمد بايديه باش يخرجوو حتى امل خرجت ،، سكر الباب بااالشوي ،،، الجماعة طلعوو يشطحوو ويغنو لبراا ،، قعد بجنبها على الفرش ،،، تشم في ريحة تعرفهاا ريحة تعشقهاا نحات ايديهاا من وجهها وكانت الصدمة ،، تخزرلو موش مصدقة تبكي وتضحك ،،، م محمد وينو فتحي ،،، حط ايدو على شفايفهاا ،، اشششت ما فماش حتى فتحي انا الي باش نخطبك موش قتلك م نخلي حد يعرس بيك غيري وما نخلي حد يمسك غيري ،،،م محمد لاا نحلم لاا تكذب محمد تكذب ،،، هههه تي احشمي اكبر منك راني تقلي تكذب ،،، حملااااتوو بالقوي لين فقط التوازن متاعوو ،،، محححمد نحبك نحبك نحبك ،،، ياا روح محمد انتي كان تشوف اناا " قالها في قلبوو ،،، هههه اياا عاد يزي بلاا بكاء بلا دلول ،،، مسحلها دموعهااا قرب منها باس كف ايدهاا و باسلهاا خدهاا ،،، اياا عاد عيش صغرونتي يزي بلا بكاء ،،، باهي قام من جنبهاا حل الباب الي قريب يتخلع مالدقان ،، ضحكت درصاف ههه فيسع جبتولناش صغير والا ثنين ،،،، تبسم كان خليتوني شوي ممكن نجيب اكثر ،،،،ههههه دخلت مبروكة و سعاد حطوو الكناسترو بجنبهاا ،،، قعدو الكل اصحاابو و امو واختو بو رحمة و اامهاا وامل ،،، تكلمت مبروكة ،،، الله يرحموو الشايب مات وخلاني مسؤولة على محمد و على فهمي و انا الليوم جايتكم خاطبة راغبة في بنت الحسب والنسب الطفلة الصغرونة بنتي رحمة لولدي محمد ،،، ضحكت سعاد تبسمت رحمة و محمد كيف كيف ،،، تكلم بو رحمة ،،، اختي مبروكة نحنا محسوب عايلة وحدة ومحمد ما نلقاش كيفو عطيناكم ،،، زغرتت سعاد وررررررررري ،،، ايا نقرو الفاتحة ،،، بسم الله الرحمان الرحيم الحمد الله رب العالمين الرحمان الرحيم مالك يوم الدين اياك نعبد واياك نستعين اهدنا السراط المستقيم سراط الذين انعمت عليهم غير المغضوب عليهم ولا الضالين ، امين ،،، ايا عيش وليدي قوم لبس خطيبتك الخاتم ،،،، قام محمد كل ما يقرب رحمة تتربث وتحشم اكثر ،،قرب منهاا جبد الخاتم مدت ايدهاا الصغرونة الي بالحنة والحرقوس ايدها الي ترعش بكلهاا خزرلها في عيونهاا الي ضاهرة عليهم الفرحة عيونها الي شاف تصويرتو فيهم ،،، لبسها الخاتم عملولهم تصاور ،،، وهوا يخزرلها وهواا يدخل فالخاتم باالشوي و هياا تضحك ضااهرة الفرحة من عيونهم الزوز ،،، فرحة رحمة حلمهاا الي تتمنى فيه سنين لكن ما آيستش ديماا وفي كل لحظة تقول الي عند ربي مش بعيد ليوم و فاللحظة هذي حمة حبيب رحمة محمد روح وعقل وقلب رحمة ليوم حققلها حلمهاا ليوم لبسهاا الخاتم الي باش يربطهم اليوم تسماات عليه خطيبتوو قداام الناس الكل ،،،