كرونيك : ❤ابن_خالتي_❤محمد ♡رحمة ❤

الحلقة 2 رحمة&محمد الجزء الثالث

الحلقة 2 ،،،، رحمة&محمد الجزء الثالث ،،،، ابن خالتي ‏،،،،، مبروكة وخيتي الطفلة عندها 3 شهر معرسة و لتو ما حبلتش زعمة شبيهاا ،،،، يا سعااد تعبت وانا نعاودلك محمد ميحبش الصغاار تو و الطفلة صغيرة ومزالت تقراا ،،،، والله شاهية نشوف طفل يتكعبر عندي ف الدار ،،،، هههههه كيف تولد درصاف تو نجيبلك ولدهاا لين تملي منوو ،،،، درصاف هاي للتو ما ولدتش ،،،فضحة ا مبروكة قطة هيا باش تولد فيسع والا ارنب تي الطفلة مزالت ما عملتش 6 شهور ،،،، هههههههه نسيت ،،، هههههه كبرتي امراا ،،،، هههه ربي يكبرناا في طاعتوو بنيت امي ،،، كملت رحمة القراية 4 خرجت تزرب في خطواتهاا باش تروح هياا هكاكة ديماا بطلت الفصعة و اي ساعة ما تقراهاش تروح ،،، عرضهاا ف الباب متاع ليسي ،،، عسلامة رحمة ،، سلام ،، ستني لحظة نجموو نحكوو ،،، مزروبة نحب نروح ،،،، رحمة تنجمي تبقى معايا الساعة هذي نحكوو فيهاا ونوعدك معاادش نحكي معااك جملة ،،وائل امان منجمش ،،، رحمة بربي ساعة بركاا ،،، ب باهي وين ،،، ف الكافتيرياا هذي هيا ،،، مشاات معاه وهياا خاايفة لاا يشوفهاا واحد خايفة خاانت ثقة محمد ،،،، قعدو ،،، رحمة عندي قدااش نحب نحكي معاك نحب نقعد معاك ونفهم منك علاش رفضتيني ونعاود نطلب منك انو تتخممي ،،،،وائل اناا ،،فاللحظة هذيكاا تاليفونهاا صوناا محمد يطلب ،،،خزرت للتاليفون وخزرت لوائل هواا زادة بقاا يثبت ف التاليفون ،،، الو ،،، وي رحمة روحتي ،،،لا اا اي روحت ،،،، باهي حبيت نطمن ماا كلمك حد كيفااه عديتهم الساعات ،،،الحمد الله و ما كلمني حد ،،، رحمة منعرش اما حاس فمااا حاجة شبيه صوتك وشنوا حس الموسيقى الي بجنبك ،،، تكلم ف الوقت هذاكاا وائل ،، شكون هذا رحمة ،،،،غمضت عيونهاا قلبها قريب يخرج من بلااصتوو ،،،وقتهاا تكلم محمد ،،، رحمة نحكي معاك مريضة والا شبيكي ،،"تنهدت جاب ربي ما سمعش ،،، لا لا مانيش مريضة و الموسيقى ف التلفزة ايا نخليك تو باش نحضر شوي ،،،،باهي نحبك ،،، حتى اناا ،،،، علقت
عاود سألهاا متعجب ،،، رحمة ي ياخي عندك شكون ،،، اي وانا معرسة وائل ،، تصدم وخر بالكرسي لتالي ،،،بالرسمي ،،اي و بولد خالتي ونحبوو يرحم والديك معادش تكلمني وابعد علياا وتو خليني نمشي ،،، رحمة علاه ما قتليش م اللول علاه وقتااه عرست ،،،عندي 3 شهور معرسة ،، قام م الكرسي ومشاات خلااتوو ياكل في صوابعوو ندم الي ما كلمهااش من عمناول ،،
تمشي ف الطريق ،،، الحمد الله ما شافني حد الحمد الله يا ربي اما محمد كان يفيق الي انا خبيت عليه اه يا ربي زعمة نقلو ،، لا لا خلي لين يروح تو نقلو كل شي ،،
‏ ،،، دخلت للدار ،،،تلقى درصاف و حماتهاا ومبروكة قااعدين ف الحوش :،،،، هااي جت مرت ولدي الباهية ،،، عسللامة خالتي ،،،اهلاا درصاف ،،وينك ياا رحمووشة توحشتك ،،،حتى اناا توحشتك برشاا ،،، عسلامة طاطا ،، يسلمك بنيتي ،،اا مبروكة هذي مرت محمد ،،، هههه اي هذي مرت محمد وبنت اختي سعاد ،،، ماشاء الله وتقراا علاه يا بنيتي القراية تو انتي معرسة تتولهى بدارك وحماتك علاه لقراية ،،، الحمد الله طاطا انا مقسمة بين قرايتي و راجلي وقضية الدار وحمااتي ،،،دخلت رحمة لبيتهاا تبدل في دبشهاا ،،، تكلمت مبروكة ،، اي لحقيقة رحمة خير الناس تقرا وتروح تقضي طيب العشاء و ف الصباح تفيق بكري تطيب الفطور وتقضي كل شي قبل ما تمشي تقرا و زيد متفاهمة هيا وراجلها بالقدا وهوا موافق على قرايتها ،،،هههه اا مبروكة وقتاش ناوين يجيبولك صغرون ،،، ههههه وقتلي يقررو هوما ويعطي ربي تو يجي وزيد هااي درصاف تو تجيبلي صغرون نصبر بيه روحي لين يجي ولد محمد ،،،هههههه لا لا ولد درصاف ولد ولدي ايا اكبسي على ولدك يجيبلك طفل ،،،،تكلمت درصاف ،،، هههههههه ايا شنوا تو باش تتعاركولي على ولدي كسكروت نص لفة هوا ولدي باش تصبري بيه روحك امي ،،. هههههه حشااه ،،،
بدلت رحمة دبشهااا قعدت على الفرش شاادة مريولو دموعهاا هبطت عليه توحشتوو ملي عرسوو بقاا معاهاا كان 3 جمعاات ما شبعتش بيه ماا ملتش منوو و مشاا يخدم توحشت ضحكتوو بلادتوو تعنيقتوو كل شي فيه ،،،