#عنيد_أسر_قلبي#فريده_احمد_فريد

31-(خضع المغرور للحب)

#عنيد_أسر_قلبي
#فريده_احمد_فريد
~~~~~~~~~~~~~~
الفصل الواحد والثلاثين (خضع المغرور للحب)
~~~~~~~~~~~~~
#ف غرفه عليا

أغلقت الباب خلفها بعنف، وقفت خلفه وسندت عليه، نظرت للفراغ امامها، لكنها صرخت بفزع، كاد قلبها ان يتوقف من الصدمه

وجدته يبعثر ف كل شئ ف الغرفه ويبحث بجنون ع شيئاً ما، سألته بخوف

((انت بتعمل ايه ف اوضتي، بتدور ع ايه، وما مشتش ليه))

ترك ما بيده بعنف، وسار لها قال بغضب
((هوه فين))

((ايه هوه ده اللي فين))

((الخاتم، الخاتم اللي حطيتهولك هنا، انا كنت حاطه هنا انا متأكد اني سبته ف الأوضه، راح فين ودتيه ف انهي داهيه تأخدك))

نظرت له بغضب، أرادت ان تلعنه وتلعن اليوم الملعون الذي رآته فيه، لكنها قالت بعصبيه

((معرفش، ما شوفتش خواتم هنا، روح دور عليه ف حته تانيه))

عبد الرحمن نظر لها نظره حارقه، وعاد يبحث ف الادراج وع الفراش، عليا تنظر له بمنتهي الكراهية

لكنها رآت ع الارض بين الثياب، علبه خاتم صغيره حمراء، ذهبت اليه واخذته، فتحت العلبه

رآها عبد الرحمن، سار لها، فتحت العلبه ورآت اجمل خاتم رآته عيناها، كان يشبه خواتم الأميرات ف العصر القديم

خمنت انه أثري، وان عبد الرحمن وجده ضمن الأثار تحت منزله، خطفه فجأة من يدها وقال لها

((هاتيه، خساره فيكي، كنت حاططهولك هديه مني ليكي، انتي ما تستاهليش))

نظر لها ببرود واحتقار وسار ليخرج، لكنها لم تحتمل أكثر، صرخت فيه

((انا اللي ما أستهلش، انا ولا انت يا واطي يا قليل الاصل يا... يا))

ذهب إليها ليصفعها ع وجهها لكنها قالت بزعيق دون خوف

((اضرب، ماهو دا اللي انت بتعرف تعمله وبس، انك تضربني، نسيت كل حاجه عملتها عشانك، نسيت انك واقف ادامي دلوقتي بكل صحتك وقوتك بسببي انا وبس، نسيت اني السبب ف فشل خطه اخوك وعمك، نسيت اني انا اللي راعيت امك وراعيتك، نسيت خوفي عليك وسهر الليالي وانا جمبك بداويك، نسيت شغلي وشقايا عليك، نسيت اني رفضت اسيبك بعد موت امك، رفضت ارجع لبيتي واهلي رفضت العز ده كله عشان افضل جمبك و ما اسيبكش للدنيا القاسيه تهرسك تحت رجلها، نسيت اني وقفت قصاد عمك ورجعتك من مستشفى المجانين لبيت امك، نسيت كل حاجه، كل حاجه نسيتها، وفاكر بس انك تضربني و تهني وتقل مني طول الوقت، لييييه كنت زعلتك ف إيه، من يوم ما دخلت حياتك وهيه بتتصلح يوم ورا التاني، بس انت نسيت، نسيت يا عبد الرحمن كل حاجه ماشي، انا كمان هنسي، هنسي انك جوزي، هنسي اي حاجه حصلت بينا، ومش هفتكر غير كرهي ليك، انا بكرهكككك، سامع، اطلع برا بيتي، برا حياتي، اطلع براااااااااا))