#عنيد_أسر_قلبي#فريده_احمد_فريد

9-(عوده الحق لأصحابه)

#عنيد_أسر_قلبي
#فريده_احمد_فريد
~~~~~~~~~~~~~
الفصل التاسع(عوده الحق لأصحابه)
~~~~~~~~~~~~~~
#عوده لعائله الكيال

ف شقة الجده يجتمع الجميع ككل يوم جمعة، أسره احمد الاخ الكبير، ومحمود واسرته، والاخت واسرتها،والجده

رن جرس الباب،نهضت سمر وفتحت الباب فوجئت برجل غريب لكنه يبدو مهم،سأل بلهفه

((صباح الخير مش دا بيت الكيال))

سمر((ايوا يا فندم أامر))

الرجل((انا فتحي الهواري المحامي ااقدر اكلم مدام سحر الكيال او اولادها))

سمر نظرت للجميع وقال بصوت عالي
((تيته في واحد بيقول انه محامي عايزك))

نهض محمود وذهب للباب،صدم من رؤيه الرجل،قال بدهشه

((أستاذ فتحي،يااااااه،لسه فاكرنا،تعالي اتفضل))

افسح له الطريق،دخل المحامي وسلم ع الجميع،جلس بينهم وقال بسعادة

((ع فكره انا بقالي شهرين دايخ عليكم،فين وفين عقبال ما عرفت اوصل لكم))

احمد((خير يا استاذ فتحي،كنت بتدور علينا ليه))

المحامي((عندي خبر ليكم مش عارف هتصدقوه ولا لاء))

نظر له الجميع بترقب،فجر مفاجأته قائلا
((أخيراً الحق رجع لصحابه يا جماعة،المحكمه افرجت عن ممتلكات ال كيال بعد ما ظهرت براءه ابوكم أخيراً وثبت انه بريئ من تهم الفساد اللي خلت الحكومه تحجز ع ممتلكاتكم طول السنين دي يعني انتوا رجعتوا بشوات من تاني يا ولاد الكيال))

فرحه وسعادة وزغاريط ملأت بيت الجده،لم يصدق الجميع ما يسمع،شرح لهم المحامي ما حدث بالتفصيل

تركهم ينعمون بسعاده الخبر ع امل العوده لأخذهم لأستلام جميع ممتلكاتهم من منازل وشركات ومصانع وقري سياحيه واموال ف البنوك

اتفق الجميع ع العوده ل سرايا الكيال التي عاشوا فيها حياتهم،قبل ان يحدث ما حدث

كان الجميع فرحا حتي عمار الذي كان عابسا،منعزلا،نسي ما فعله،نسي صديقه وزوجته والمرأة وكل من ماتوا بسببه
حتي اخيه الهارب نسيه تماماً

سعد مع الجميع وبدأ يرسم أحلامه مع ابناء عمته وابيه مستقبله ف مجموعات ال كيال

وسط كل هذا،علي لم ترتسم ضحكه واحده ع شفتيه،تركهم ونهض،صعد ل شقه ابيه

محمود لاحظ ان ابنه لم يعد وسطهم،صعد ل شقته وجد علي يجلس ف الصاله حزين مهموم،تعجب لأمره جلس امامه وسأله

((مالك يا علي،شكلك مش فرحان ان حقنا رجع لنا بعد العمر ده كله))

((عايزني افرح ازاي يابا واخواتي الاتنين تعبانين ف حياتهم،اسمع يابا انا....مش هقدر اروح معاكم السرايا دي،ولا هقدر اعيش مع عمي احمد وعياله تحت سقف واحد))