#عنيد_أسر_قلبي#فريده_احمد_فريد

11-(مراتي مدير عام)

#عنيد_أسر_قلبي
#فريده_احمد_فريد
~~~~~~~~~~~~
الفصل الحادي عشر(مراتي مدير عام)
~~~~~~~~~~~~
#عوده ل عليا
ف غرفتها تفكر وتفكر
"" ماشي كلام خالت ام مصطفى منطقي، لازم افضل جمبه، بس إزاي، دا لا هوه طايقني ولا انا طايقاه، طب هفضل قاعده كده، يعني ازاي، دا انا ممكن اتجنن من القاعده والتفكير كده، بس لقيتها، مش انا مش فارقه معاه، خلاص تمام، انا هرجع محمد الحضانه تاني وارجع الشركه، اه انا بشمهندسه اد الدنيا ، ليه احبس نفسي هنا بين اربع حيطان، انا هقوم دلوقتى واعمل كده""

كان حل مناسب لها، توجهت لدولابها واخرجت ثياب مناسبه للعمل، ارتدت ثيابها المعتاده وخرجت من غرفتها

نادت ع ابنها، ظهر من غرفه عمه، قالت له بصوت تعمدت ان يسمعه عبد الرحمن

((محمد تعالي يا حبيبي اما اغير لك عشان ترجع الحضانه الابله بتاعتك كلمتني كذا مره وانا كمان هروح شغلي))

تعمدت ان تتجاهله، هلل الصغير فرحا لعودته للحضانه ولاصدقاءه، التفتت لتدخل غرفتها، ناداها عبد الرحمن من اسفل

((عليااا، شغل اي اللي بتتكلمي عنه ده))

قالت بحده ((شغلي، ولا نسيت اني بشمهندسه، خلاص اجازتي خلصت وانت بقيت كويس يعني مش محتاج مساعدتي تاني خالص صح ولا ايه))

تمالك اعصابه، رأت بوضوح فكه وهوه يتحرك بعصبيه، قال بلامبالاه مصطنعه

((لاء مش محتاج مساعدة لا منك ولا من اي حد، ولو صدف واحتجت، انتي اخر واحده هطلب مساعدتها لو طلبت اصلا، يلا بالسلامة اصلا وجودك زي عدمه ف البيت ده، وانتي عارفة اني نفسي اغمض وافتح ألاقكي اختفيتي من حياتي انا ومحمد))

نظر لها بأحتقار وتركها وخرج، عليا استشاطت غضبا، صبت غضبها ع الصغير وهيه تساعده ف لبس ثيابه

حاولت ان تتمالك اعصابها لكن هذا الرجل مستفز وكلامه قاسي لأبعد الحدود، ذهبت ل عملها بعد ان اوصلت ابنها لحضانته

رحب بها المدير كثيراً، انمهكت ف عملها وتناست مؤقتا هذا المغرور
_____________________
#عوده ل عمار

ينظر ف هاتفه تاره وينظر لباب مكتبه تاره، اخيرا دق الباب ودخل الموظف

سأله مسرعا
((ها عملت معاها ايه))

((يا عمار بيه الانسه دي صعبه اوي، رفضت الفلوس وقالت اني كذاب وان المصنع ما صرفش اي تعويض للعمال، وفضلت تستجوبني انا مين وعايز اديها فلوس ليه، بس انا اتهربت منها ومشيت))

((غبي انت غبي ليه ما اخترعتش اي حجه وادتها الفلوس، ليه بس))

اشار له ان ينصرف، ترك الرجل المال ع مكتبه وخرج، عمار تضايق كثيراً من رفضها المال، فكر كيف سيعطيها المال؟